Breiðfirðingur - 01.04.1996, Blaðsíða 126

124
BREIÐFIRÐINGUR
Skólastjórabústaðurinn á Hellissandi, sem hafin var bygging á 1946.
yfirvöld virðast hafa farið ótroðnar slóðir ef þeim bauð svo
við að horfa. Skólaskyldan var lengd, nýjum námsgreinum
bætt við og prófafyrirkomulagi breytt.
Þróun skólamála á Hellissandi 1910-46 er í grófum dráttum
eftirfarandi. Skólaskylduákvæði eru virt fram til 1929 en þá
var ákvæði um lengingu skólaskyldu í fræðslulögunum frá
1926 nýtt (10. gr.) og skólaskyldan lengd um eitt ár. Árið 1932
var bætt við einu ári þannig að böm voru skólaskyld 8-14 ára.
Hvað nemendafjölda og þróun byggðar varðar þá fjölgar íbú-
um fram til 1925 en þegar að kreppti kom í ljós að sjávar-
þorpið var viðkvæmt fyrir ytri breytingum svo sem sölutregðu
og bættum bátakosti. Sölutregðan orsakaði atvinnuleysi,
hafnarskilyrði voru mjög slæm, þannig að stærri bátar gátu
ekki lagst að. Þetta leiddi auk breyttra atvinnuhátta á landinu
öllu, til fólksfækkunar. Nemendum í skólanum virðist ekki
hafa fækkað í sama hlutfalli og íbúum. Má því álykta sem svo
að hjón í bameign hafi ekki flust burt í miklum mæli, heldur
hafi það aðallega verið ungt fólk í atvinnuleit.
Allar lögboðnar námsgreinar voru kenndar við skólann allt
tímabibð. Auk þeirra var tekin upp kennsla í verklegum grein-