Breiðfirðingur - 01.04.1996, Side 160

Fyrirspurn
Breiðfirðingur hefur nú komið út í meira en 50 ár og er alls
orðinn hátt í fimm þúsund síður. Fyrsti árgangur kom út 1942
og er Breiðfirðingur elstur allra íslenskra héraðstímarita. Þess
vegna hefur lengi verið á döfinni hjá ritstjórum að reyna að
gera efnisyfirlit um alla útkomna árganga. Nokkrum sinnum
hefur verið leitað til ritstjóra um upplýsingar um einstaka
höfunda í ritinu vegna skráningar efnis á einhverju sérsviði. Er
því augljóst að þörfin er brýn á því að út verði gefin sérstök
efnisskrá yfir ritið í heild.
Magnea Bára Stefánsdóttir vann sem prófritgerð í bóka-
safns- og upplýsingafræði árið 1993: Skrár yfir efiii Breið-
firðings 1942-1978. Einnig hefur hún bætt því við skrána
sem síðar hefur komið út. Fyrirhugað er að allt efni í öllum
árgöngum Breiðfirðings verði skráð á höfunda í einni stafrófs-
röð. Hver grein verður síðan tölusett og aftan við efnisskrár
sem vitna í númer.
Nauðsynlegt var talið að gera einhverja grein fyrir einstök-
um höfundum. Þess vegna er fyrirhuguð sérstök skrá og er hér
dæmi um svohljóðandi upplýsingar:
Árelíus Níelsson (1910-1992) frá Flatey, síðast prestur Lang-
holtssafnaðar í Reykjavík.
Eins og gefur að skilja er tafsamt að finna slíka vitneskju um
alla sem skrifað hafa í Breiðfirðing öll þessi ár. Margir eru
lítið þekktir, en með hjálp góðra manna og kvenna hefur mér
tekist að hafa upp á höfundum flestra greina sem í ritinu hafa
birst, komast að því hverjir hafa skrifað undir dulnefnum og