Dagblaðið Vísir - DV - 05.11.2018, Page 44

44 menning 11. maí 2018
F
yrstu helgina í maí var vöru-
sýningin Superbooth haldin
í Berlín, í stærstu ung-
menna- og fjölskyldumið-
stöð í Evrópu, FEZ Berlin. Sýn-
ingin er sú stærsta sinnar tegundar
í Evrópu þar sem allt það nýjasta í
heimi elektrónískra hljóðfæra er
sýnt. Yfir tvö hundruð fyrirtæki
taka þátt í sýningunni.
Fólk frá öllum heimshornum
flykkist til Berlínar ár hvert til að
sækja sýninguna heim, en hún
hefur skipað háan sess hjá raftón-
listarmönnum og áhugafólki um
raftónlist úti um allan heim. Þekkt-
ir raftónlistarmenn og plötusnúð-
ar innan geirans mæta og prófa
það nýjasta sem er í boði. Haldn-
ir voru 30 tónleikar á dag alla daga
sýningarinnar ásamt fjölda nám-
skeiða og fyrirlestra. Íslenska raf-
tónlistarsveitin GusGus hélt eina
tónleika á sýningunni.
Guðni Einarsson fór á Super-
booth og kynnti sér sýninguna
og tók viðtal við forsvarsmenn ís-
lenska frumkvöðlafyrirtækisins
Genki Instruments.
Upphafsmaður sýningarinnar
er frumkvöðullinn og athafna-
maðurinn Andreas Schneider, en
hann rekur eina virtustu hljóð-
gervlabúð í heiminum í dag,
Schneidersladen. Schneider byrj-
aði fyrst á því að kynna vörur frá
litlum hljóðgervlaframleiðendum
og með tímanum myndaði hann
öflugt net fyrirtækja og smásala.
Hann hjálpaði litlum fyrirtækjum
að koma sér á framfæri með því að
kynna þau fyrir stærri viðskipta-
vinahópum með því að fara á
vörusýningar líkt og NAMM í Kali-
forníu. Verslunin sem hann rek-
ur, Schneidersladen, gegnir þessu
hlutverki enn í dag. Superbooth er
hans eigin vörusýning.
Stemningin á sýningunni var
vægast sagt mögnuð þar sem nör-
dismi og tækjafíkn er á háu stigi.
Sérstaða Superbooth-sýningar-
innar og það sem gerir hana frá-
brugðna öðrum sambærilegum
sýningum er áhersla á svokallaða
einingahljóðgervla (e. modular
synthesizer).
Við fyrstu sýn lítur eininga-
hljóðgervill út eins og gömul sím-
stöð þar sem símtöl eru tengd
saman með snúrum á skiptiborði.
Hljóðgervillinn er settur saman
úr mörgum mismunandi eining-
um sem hafa mismunandi tilgang
og virkni, tengdar saman með
„patch“-snúrum. Með þessu móti
getur hver og einn sett saman sinn
eigin hljóðgervil, og um leið skap-
að sinn eigin hljóm. Einingahljóð-
gervlar hafa verið til í áratugi, en á
síðustu árum hafa vinsældir þeirra
vaxið gríðarlega innan raftónlist-
arsenunnar. GusGus er ein fyrsta
hljómsveitin hér á landi sem not-
ar einingahljóðgervla í tónlistar-
sköpun sinni og einkennist hljóð-
heimur hljómsveitarinnar að
hluta til af öflugum hljómi ein-
ingahljóðgervlana.
Á sýningunni var íslenska
frumkvöðlafyrirtækið Genki
Instruments. Fyrirtækið varð til
þegar stofnendur þess, Ólafur
Bjarki Bogason og Daníel Grétars-
son, voru í námi. Þeir voru að leita
að lokaverkefni í rafmagnsverk-
fræði og fóru að grufla í vanda-
málum á skilum tækni og tónlist-
ar. Þeir fóru með hugmyndir sínar
í Startup Reykjavík sumarið 2015.
Í framhaldinu töluðu þeir við raf-
tónlistarfólk og reyndu að komast
að því hvað það væri sem mætti
fara betur í lifandi flutningi á tón-
list þeirra. Flestir vildu losna við
fartölvuna.
Hvað varð til þess að þið
ákváðuð að taka þátt í Super-
booth?
„Við ákváðum að nýta þann frá-
bæra vettvang sem Superbooth er
til þess að kynna nýja vöru sem
við höfum verið með í smíðum
undanfarið. Varan ber nafnið Wa-
vefront og gerir Wave aðgengilegt
fyrir tónlistarmenn sem kjósa að
nota modular-hljóðgervla.“
Segið okkur aðeins frá Wave.
„Wave er hringur sem gerir tón-
listarfólki kleift að hafa áhrif á tón-
listarsköpun og flutning í rauntíma
með hreyfingum handarinnar.
Wave nemur afstöðu handarinn-
ar, snúning og slátt og gerir þannig
tónlistarfólki kleift að stjórna
hljóði, effektum eða senda skipanir
á náttúrulegan og einfaldan máta.
Hringurinn tengist með Bluetooth
MIDI og getur þannig tengst við
flestar tölvur og snjalltæki sem eru
á markaðinum í dag.“
Fenguð þið góðar undirtektir á
sýningunni?
„Við fengum alveg ótrúlega
góðar undirtektir frá tónlistar-
fólki, fjölmiðlum og áhrifavöld-
um innan senunnar, sem margir
hverjir höfðu heyrt af okkur áður.
Þó nokkrir vildu meira að segja
kaupa vöruna á staðnum.“
Hvað fannst ykkur standa upp
úr á sýningunni?
„Það var alveg hrikalega
skemmtilegt að taka þátt í sýn-
ingunni og finna fyrir þeirri já-
kvæðu athygli og áhuga sem
við fengum frá sýningargestum.
Persónulega þótti mér líka mjög
gaman að hitta japanskt tónlistar-
tæknifyrirtæki sem hefur mikinn
áhuga á því að dreifa Wave og
Wave front í Japan. Orðið Genki er
einmitt dregið úr japönsku en ég
var skiptinemi þar sem unglingur
og sú reynsla hafði mikil mótun-
aráhrif á mig,“ segir Ólafur Bjarki. n
Nánari upplýsingar um sýninguna
má finna á superbooth.com.
Suberbooth í Berlín
Stærsta tækjahátíð
raftónlistarheimsins
Guðni Einarsson
gudnieinarsson@dv.is
Námskeið fyrir börn og
unglinga á Superbooth.
Biggi Veira
(GusGus) og
Dieter Döpfer,
eigandi Doepfer.
Íslensku frumkvöðlarnir hjá Genki Instruments
Andreas Schneider Stofnandi Super-
booth og eigandi Schneidersladen.
Raftónlistarmaðurinn
Richard Devine var
ánægður með Wave frá
Genki Instruments.