Dagblaðið Vísir - DV - 22.06.2018, Side 16

16 SPORT 22. júní 2018
HVERSDAGSLEIKINN Á
SKILIÐ ÓTRÚLEGAN
SÍMA
DUAL 12 MP MYNDAVÉL
NOKIA
8 SIROCCO
N
ígeríumenn eru næsti
andstæðingar Íslands á
heimsmeistaramótinu í
Rússlandi. Leikurinn fer
fram í borginni Volgograd. Verk-
efnið er erfitt, íslenska liðið þarf
ekki aðeins að takast á við efni-
lega leikmenn Nígeríu, hitinn
er gríðarlegur og moskítóflugur
taldar líklegar til að leggja til at-
lögu við strákana okkar. Þá neyðist
Heimir Hallgrímsson landsliðs-
þjálfari til að gera breytingu á
liðinu sem hélt aftur af stórstjörn-
um Argentínu en kantmaðurinn
Jóhann Berg Guðmundsson verð-
ur ekki með íslenska liðinu vegna
meiðsla. Jóhann er sá íslenski
leikmaður sem stóð sig best á
erlendri grundu í vetur og erfitt
verður að fylla skarð hans.
Skiptar skoðanir eru á því
hvernig best sé að bregðast við
fjarveru Jóhanns og sitt sýnist
hverjum. DV setti sig í samband
við nokkra fyrrverandi lands-
liðsþjálfara sem höfðu misjafn-
ar skoðanir á því hvernig Heimir
ætti að bregðast við.
Ásgeir Sigurvinsson
Ásgeir Sigurvinsson stjórnaði ís-
lenska landsliðinu á árunum 2003
til 2005. Hann telur ekki þörf á því
að breyta um leikaðferð og vill sjá
Rúrik Gíslason koma inn í stöðu
Jóhanns. „Hann er góður leik-
maður sem hefur sýnt það þegar
hann hefur fengið tækifæri. Hann
getur sótt hratt og farið framhjá
mönnum. Það er kannski ekki
sama vinnsla og dugnaður í hon-
um en ég hef fulla trúa á honum,“
segir Ásgeir.
Logi Ólafsson
Logi Ólafsson hefur starfað að
þjálfun nær sleitulaust frá árinu
1987. Hann hefur tvisvar sinn-
um stýrt íslenska landsliðinu og
hefur sterkar skoðanir á liðinu.
Hann treystir Heimi fullkom-
lega fyrir því að velja rétta liðið
en vill helst sjá Ara Frey Skúlason
koma inn í liðið fyrir Jóhann. „Ég
vil alls ekki breyta liðinu of mik-
ið og myndi vilja sjá Ara fá séns-
inn. Það eru svo margar stelpur
orðnar hrifnar af Rúrik að ég held
að hann geti vel við unað,“ segir
Logi.
Guðjón Þórðarson
Guðjón Þórðarson stýrði íslenska
landsliðinu með góðum árangri
frá 1997 til loka árs 1999. Guð-
jón segir mikilvægt að fara ekki
of geyst af stað og telur öruggast
að setja Rúrik inn í stað Jóhanns.
„Við verðum að átta okkur að því
að Nígería þarf að vinna leikinn
og þá getur verið gott að vera
þéttir og gera litlar breytingar.
Við getum þá frekar breytt og
bætt við sóknarmanni ef leik-
urinn þróast þannig,“ segir Guð-
jón.
Ólafur Jóhannesson
Ólafur Jóhannesson, núverandi
þjálfari Íslandsmeistara Vals
stýrði liði Íslands áður en Lars
Lagerbäck tók við því árið 2011.
Hann tekur í sama streng og
Guðjón og vill sjá Rúrik koma inn
í liðið fyrir Jóhann Berg. „Ég held
að Gylfi muni ósjálfrátt fara að-
eins ofar á völlinn en ég held að
liðið muni spila þétt eins og gegn
Argentínu. Þetta lið er að standa
sig frábærlega og ég hef fulla trúa
á því að þeir fari upp úr þessum
riðli. Við vinnum þennan leik
með einu marki,“ sagði Ólafur. n
Fyrrverandi landsliðsþjálfarar spá
í spilin og stilla upp byrjunarliði
n Ásgeir, Logi, Guðjón og Óli Jó gefa Heimi ráð n Við vinnum leikinn með einu marki
Byrjunarlið þjálfaranna
MARK
Hannes Þór
Halldórsson
VÖRN
Birkir Már Sævarsson, Ragnar Sigurðsson,
Kári Árnason, Hörður Björgvin Magnússon
MIÐJA
Aron Einar Gunnarsson, Gylfi Þór Sigurðsson,
Emil Hallfreðsson, Birkir Bjarnason.
Ásgeir, Guðjón og Ólafur vilja sjá Rúrik
Gíslason en Logi velur Ara Frey Skúlason
SÓKN
Alfreð Finnbogason
Óðinn Svan Óðinsson
odinn@dv.is „Það eru
svo margar
stelpur orðnar
hrifnar af Rúrik að
ég held að hann
geti vel við unað.