Dagblaðið Vísir - DV - 22.06.2018, Page 47

Sumarhlaup 22. júní 2018 KYNNINGARBLAÐ
VOLCANO TRAIL RUN:
Þórsmerkurævintýri
hlauparans
Varla er til fegurri staður á landinu en Þórsmörk og því er utanvega- og fjallahlaup-
ið Volcano Trail Run, sem fram fer í
Þórsmörk, stórkostleg upplifun fyrir
þá sem njóta þess að hlaupa úti í
náttúrunni. Hlaupið fer fram laugar-
daginn 15. september og er ræst kl.
13 í skála Volcano Huts í Húsadal í
Þórsmörk. Hlaupið endar á sama
stað.
Hlaupið er 12 km langt og er
hlaupaleiðin eftirfarandi: Hlaup-
inn er svokallaður Tindfjallahringur.
Hlaupið hefst við skála Volcano Huts
í Húsadal í Þórsmörk og er hlaupið
inn Húsadalinn áleiðis upp Lauga-
veginn. Þegar komið er upp úr Húsa-
dal er beygt af leið til hægri í áttina
að Langadal og farið af stígnum
upp á Slippugilshrygg og meðfram
honum þar til stígurinn liggur niður
í Slippugilið. Þá er beygt til vinstri
áleiðis að Tindfjallasléttu og svo
niður Stangarháls að Stóraenda.
Þaðan er hlaupið eftir Krossáraurum
að Langadal og stefnan tekin upp
Valahnúk (275 m hækkun) og niður
aftur að vestanverðu að endamarki í
Húsadal.
Allir þátttakendur fá þátttöku-
pening að hlaupi loknu og veitt verða
verðlaun fyrir þrjú efstu sætin í karla-
og kvennaflokki.
Brautarverðir verða á völdum
stöðum á leiðinni. Stígur er greinileg-
ur mestan hluta leiðarinnar og með
stikum. Engar drykkjastöðvar verða
en vatn rennur í lækjum hér og þar
meðfram leiðinni þar sem hægt er að
fylla á brúsa.
Rútuferðir frá BSÍ
Rútur frá Reykjavík Excursions
fara til og frá BSÍ á hlaupadag og
daginn eftir fyrir þá sem vilja gista í
Þórsmörk. Rúturnar stöðva á eftir-
töldum stöðum og tímum:
n Frá BSÍ kl. 08:00
n Seljalandsfoss kl: 10:40
n Krossá kl. 11:50
n Rúta frá Húsadal kl. 17:00
Nánari upplýsingar um hlaupið eru
á hlaup.is.