Dagblaðið Vísir - DV - 29.06.2018, Síða 44

Suðurfirðir 29. júní 2018KYNNINGARBLAÐ
Flestir ferðamenn gera ráð fyrir því að það sem þeir sjá í einni
minjagripabúð sjái þeir líka
í þeirri næstu – og oftar
en ekki er það raunin. En
Bakkabúð á Djúpavogi
er skemmtileg og einstök
undantekning frá þessari
reglu: Hinir fallegu og
fjölbreyttu munir sem þar
eru til sölu sérð þú hvergi
annars staðar.
Uppistaðan í vöru-
úrvalinu eru gripir sem
eigendurnir framleiða
sjálfir. „Við rekum líka fyr-
irtækið Krækiber en þar
framleiðum við ýmsa gripi
í samvinnu við enskt vina-
fólk okkar sem er mikið í
ljósmyndun. Þar hönnum
við og framleiðum meðal
annars silkislæður, bolla,
viskastykki, fatnað og
fleira,“ segir Guðmunda
Bára Emilsdóttir, en hún
keypti verslunina ásamt
fjölskyldu sinni árið 2016.
Verslunin var hins vegar
stofnuð árið 2010 af Sig-
rúnu Svavarsdóttur.
„Fyrir utan okkar eigin framleiðslu
erum við með handverk frá heima-
mönnum og keramik frá þeim Bjarna
Sigurðssyni og Þórdísi Sigfúsdóttur,“
segir Guðmunda, en í allri fjölbreytn-
inni sem einkennir Bakkabúð ber
líklega mest á öllu því fuglaúrvali sem
gerðir eru úr tré.
„Það er gífurlega mikið fuglalíf í
kringum Djúpavog og það endur-
speglast í þessu úrvali okkar af
íslenskum fuglum. En eitt að að-
dráttaröflum Djúpavogs er að koma
og skoða vítt úrval fuglanna,“ segir
Guðmunda.
Eitt tilbrigði í viðbót við úrvalið í
Bakkabúð eru erlendir antikmunir.
„Vinafólk okkar sem og við fjölskyld-
an förum á erlenda antikmarkaði
nokkrum sinnum á ári og handveljum
þá gripi fyrir verslunina. Þessir munir
vekja ekki hvað
síst hrifningu hjá
erlendum ferða-
mönnum. Við höf-
um einnig tekið eft-
ir auknum áhuga
Djúpavogsbúa á
antik. Það kom
mér líka skemmti-
lega á óvart að
karlmenn hafa
oft meiri áhuga á
antikinu sem mér
finnst frábært því
núna labba allir
ánægðir út,“ segir
Guðmunda.
Það hefur færst
mikið í aukana að
erlendir ferða-
menn hafi gegn-
um samskipta-
miðla og falist eftir að
kaupa vörur sem þeir
skoðuðu í búðinni á ferð
sinni um landið. Vegna
þessa aukna áhuga
er nú unnið að því að
setja upp netverslun
sem stefnt er að að fari í
loftið núna um mánaða-
mótin.
Bakkabúð er til húsa
við Bakka 2 á Djúpavogi.
Hún er opin virka daga
frá kl. 10 til 18. Nánari
upplýsingar eru á
Facebook-síðunni Bakkabúð og
www.bakkabud.is.
BAKKABÚÐ Á DJÚPAVOGI:
Einstök verslun
við höfnina