Morgunblaðið - 01.09.2018, Qupperneq 50

50 MORGUNBLAÐIÐ LAUGARDAGUR 1. SEPTEMBER 2018
B
ókaútgáfan Hólar
hefur gefið út bók-
ina „LAGGÓ! –
gamansögur af ís-
lenskum sjómönn-
um“, í samantekt Guðjóns Inga
Eiríkssonar.
Í þessari nýjustu bók útgáf-
unnar koma fjölmargir við
sögu, þar á meðal Lási kokkur,
Ási í Bæ, Jón Berg, Oddur
spekingur, Markús B. Þor-
geirsson, Sveinn Hjörleifsson,
Sævar sonur Binna í Gröf,
bræðurnir Jónas og Bóas Jóns-
synir, Guðni Ölversson, Þór-
hallur Þorvaldsson og Siggi
Nobb, auk þess sem Vilborgu
Örnu pólfara bregður fyrir.
Eru þó enn sárafáir nefndir af þeim sem þarna eiga sviðsljósið.
Með góðfúslegu leyfi útgáfunnar fylgja hér á eftir nokkrar sögur úr
bókinni.
Gamansögur
af íslenskum
sjómönnum
Ævintýri Varnargarðurinn við Reykjavíkurhöfn á þessari
gömlu mynd úr safni. Sjómenn geta verið uppátækjasamir
og miklir húmoristar. Þeir kunna líka að segja góða sögu.
Vilborg Arna Gissurardóttir, pólfari og
fjallagarpur, er einhver mesta hetja
sem Ísland hefur alið og þótt víðar
væri leitað. Hún starfaði um skeið hjá
Norðursiglingu á Húsavík og var þá
meðal annars í áhöfn skonnortunnar
Hildar sem sigldi til Grænlands og var
þar í ferðum um Scoresbysund.
Heim komin skrifaði Vilborg gagn-
merka ferðasögu sem hún sendi hér-
aðsfréttablaðinu Skarpi til birtingar
og var tekið fagnandi við sendingunni
og greinin birt. En þó ekki fyrr en búið
að var að breyta einni setningu í ann-
ars prýðilega rituðum pistli.
Þar fannst ritstjóranum, Jóhannesi
Sigurjónssyni, að greinarhöfundur
lýsti óþarflega frjálslegu aktíviteti
áhafnarlima Hildar um borð og vart
birtingarhæfu í fjölskyldublaði á borð
við Skarp, en Vilborg reit:
„Oftast var möguleiki á að sæða
uppi á dekki og var þá jafnan glatt á
hjalla, enda náði hópurinn einkar vel
saman.“
Ritstjóri ákvað strax að skjóta bók-
stafnum n inn í orðið sæða, til að
koma í veg fyrir að ungir og óharðnaðir
lesendur blaðsins „áttuðu sig á því
augljósa stóðlífi sem átti sér stað um
borð í Hildi“, samkvæmt afar hrein-
skilnislegri frásögn Vilborgar Örnu.
Frjálslegt um borð í Hildi
Sjómennskan var Ísfirðingnum Pétri
J. Haraldssyni í blóð borin og aldrei
kom annað til greina en að hann yrði
vélstjóri eins og faðir hans, afi og
föðurbræður allir. Hann var vélstjóri
á fiski- og farskipum en einnig um
tíma á Djúpbátnum Fagranesinu, sem
var með áætlunarferðir í Ísafjarð-
ardjúpi.
Pétur var eitt sinn að kaupa vara-
hluti í versluninni Rörverki. Að lok-
inni afgreiðslu bað hann um að fá
reikning fyrir vörunum og það
sundurliðaðan.
„Hvernig sundurliðaðan?“ spurði
afgreiðslumaðurinn.
„Þið, þessir helvítis glæpamenn,
eruð stórhættulegir,“ svaraði Pétur
þá. „Ég vil fá að vita hvað er eðlilegt
verð og hvað er hreinn þjófnaður.“
Varasöm varahlutakaup
Morgunblaðið/Ólafur K. Magnússon
Streð Sjómenn fyrri tíma þurftu heldur að hafa fyrir vinnunni. Engir voru lyftararnir eða plastkörin til að flytja aflann.
Afli Skipið Barði á spegilsléttum sjó á skemmtilegri mynd úr safni. Skipsverjar gefa ljósmyndara gaum á leið til hafnar.