Morgunblaðið - 20.09.2018, Blaðsíða 70

70 MENNING
MORGUNBLAÐIÐ FIMMTUDAGUR 20. SEPTEMBER 2018
Fjölbreytt úrval af gæða viftum frá Vent-Axia fyrir eldhúsið, baðherbergið, skrifstofuna,
verkstæðið eða hesthúsið. Við aðstoðum ykkur við rétta valið.
Lo-Carbon Silhouette 125 Centrif-duo Silent
12in Wall fan Hi-line Sabre Plate
DALVEGI 10-14 | 201 KÓPAVOGI | SÍMI 540 7000 | FALKINN.IS
Hreint loft og vellíðan
Það borgar sig að nota það besta
VENT–AXIA VIFTUR
Dansverkið Óður og Flexa:Rafmagnað ævintýri varfrumsýnt á ListahátíðReykjavíkur í sumar en
endurfrumsýnt síðasta sunnudag.
Það er sjálfstætt framhald af verk-
inu Óður og Flexa halda afmæli
sem hlaut góðar viðtökur árið 2016.
Höfundar og flytjendur eru Hann-
es Þór Egilsson og Þyri Huld
Árnadóttir, og er verkið hugsað
sem dansverk fyrir alla fjölskyld-
una.
Í þetta sinn er allt í rúst heima
hjá Óð og Flexu eftir afmælisveisl-
una. Þau eru ofurhetjur sem finnst
miklu skemmtilegra að leika sér og
stríða hvort öðru en að taka til. Þau
skapa leik og persónur úr öllu sem
þau snerta, hvort sem það er ryk-
sugan eða skúringafatan. Rafmagn
er stóra þema verksins, það liggur í
loftinu og er næstum áþreifanlegt.
Það hefur áhrif á persónurnar og
líkamar þeirra láta illa að stjórn,
sem vekur mikla kátínu í salnum.
Áhorfendur eru inni í draum-
kenndri ævintýraveröld ofurhetju-
barnanna frá byrjun þar sem öllu
er tjaldað til í sviðsetningu og ljós-
anotkun. En svo kemur óvæntur
gestur í heimsókn.
Sviðsmynd, búningar og ljósa-
hönnun eru stórkostlega unnin og
spila gríðarstórt hlutverk í verk-
inu. Búningarnir eru konfekt fyrir
augun og ásamt stóru led-ljósa-
römmunum, litasprengjunni og
snjallri ljósahönnuninni skapast
grípandi andrúmsloft og sjónrænn
unaður sem mun seint gleymast
bæði ungum og eldri. Hljóðmyndin
styður einnig vel við verkið, en hún
einkennist af hljóðum úr rafheim-
inum og þekktum lögum úr viðjum
klassíkur, djass og danstónlistar.
Hugmyndin að persónunum og
sviðsetningunni er frumleg, gleði
og stuð allsráðandi, og virtust hinir
ungu áhorfendur skemmta sér vel.
Hér er ímyndunaraflinu gefinn laus
taumur, sem býður upp á marga
möguleika, en það er óljóst hver
söguþráður og boðskapur verksins
er, annar en að það er mjög gaman
að leika sér með liti og rafmagn.
Hannes Þór og Þyri Huld sýna
góða færni og beita líkamanum á
óvenjulegan og spennandi hátt,
sérstaklega í byrjun. Tilvísanir í
mismunandi dansstíla frá mörgum
heimshornum í bland við líkams-
brellur þeirra virka vel saman. Óð-
ur og Flexa eru ýktar persónur og
miklir trúðar, en því miður of til-
brigðalitlar. Það hefði verið gaman
að sjá stærri tilfinningaskala hjá
þeim, tragík og einlægni – og per-
sónurnar hefðu mátt vera ólíkari.
Trúður sem dettur aftur og aftur á
rassinn en er alltaf allt í lagi með
getur orðið þreytandi. Eins hefði
mátt huga betur að notkun tempós,
til dæmis beita þögnum til að ná
fram áhrifum og staldra við. Stöð-
ugt fjörið gerði það að verkum að
stundum var erfitt að halda athygl-
inni. Með óljósum söguþræði er
niðurstaðan að það vantar meiri
dýpt bæði hjá persónunum og í efni
verksins. Hins vegar fer allt á flug
þegar óvænti gesturinn birtist.
Hann er mikil tilbreyting og orkan
á sviðinu umbreytist. Ernesto Ca-
milo stendur sig snilldarlega í hlut-
verki einhvers konar rafmanns
með sinni einlægu sviðsnærveru,
flottu danstöktum og brosi sem
snertir við hverjum sem er. Hann
hrífur alla með, og börnin taka and-
köf þegar hann hreyfir ljósið eins
og galdramaður. Undir lok verks-
ins sökkva áhorfendur síðan með
inn í paradís lita og gleði undir
sindrandi tónum rafmagnaðrar
ábreiðu af Clair de Lune Debussys.
Það er mikið gleðiefni að Íslenski
dansflokkurinn sé að framleiða
dansverk fyrir börn. Það er mikil-
vægt að þau fái notið möguleika
dans, tækni og leikhústöfra á unga
aldri. Ævintýraveröld Óðs og
Flexu er grípandi og áhrifamikið
verk sem býður ímyndunaraflinu í
dans og er vel þess virði að sjá. En
það skortir dálítið í persónusköp-
un, innihaldi og dýpt. Verkið hefur
fallegan sjónrænan ramma en
vantar meiri kjarna til að umbreyta
því úr skemmtisjóvi fyrir skynfær-
in yfir í myndræna frásögn. Börn
eru kröfuhörðustu áhorfendurnir
og það er ekki nóg að bjóða þeim
upp á glimmer, gleði og töfrabrell-
ur. Þau listaverk sem fylgja okkur
frá unga aldri eru nefnilega þau
sem bjóða upp á dýpt sem við skilj-
um eða skiljum ekki. Það verður
spennandi að sjá hverju ólátabelg-
irnir Óður og Flexa finna upp á að
gera næst!
Ímyndunaraflinu boðið upp í dans
Ljósmynd/Jónatan Grétarsson
Leikur „Hér er ímyndunaraflinu gefinn laus taumur, sem býður upp á marga möguleika. En það er óljóst hver sögu-
þráður og boðskapur verksins er, annar en að það er mjög gaman að leika sér með liti og rafmagn,“ skrifar rýnir.
Borgarleikhúsið
Óður og Flexa: Rafmagnað ævintýri
bbbnn
Eftir Hannes Þór Egilsson og Þyri Huld
Árnadóttir. Flytjendur: Hannes Þór Eg-
ilsson, Þyri Huld Árnadóttir og Ernesto
Camilo Aldazabal Valdes. Leikstjóri:
Pétur Ármannsson. Sviðsmynd og bún-
ingar: Sigríður Sunna Reynisdóttir.
Hljóð: Garðar Borgþórsson. Lýsing:
Kjartan Darri Kristjánsson. Íslenski
dansflokkurinn frumsýndi á Listahátíð í
Reykjavík vorið 2018 á Stóra sviði Borg-
arleikhússins, en rýnt er í fyrstu sýn-
ingu að hausti.
NÍNA
HJÁLMARSDÓTTIR
DANS
Kanadíski lögfræðingurinnog rithöfundurinn ShariLapena hafði sent frásér tvær bækur þegar
hún sló í gegn með bók sinni Hjón-
in við hliðina árið 2016, bæði í
heimalandi sínu og á erlendri
grundu. Hérlendis var bókin, í þýð-
ingu Ingunnar Snædal, meðal ann-
ars tilnefnd til Ísnálarinnar fyrir
bestu þýddu glæpasöguna á ís-
lensku og hlaut
hún góða dóma.
Vonbrigðin með
bók hennar
Óboðinn gestur,
sem kom út í ís-
lenskri þýðingu
nýlega, eru því
töluverð.
Í Óboðnum
gesti fetar Lapena sig í gegnum
alla helstu sjúskuðu frasa spennu-
bókmennta þar sem frásögnin er
ekki aðeins fyrirsjáanleg heldur
eins og óvanur höfundur reyni að
notfæra sér margnotuð stef án
þess að kunna almennilega með
það að fara, hvað þá á nýstárlegan
hátt.
Karen Krupp vaknar marin og
blá á spítala eftir bílslys. Hún
keyrði á staur og man ekki hvað
gerðist. Hún á yfir höfði sér kæru
vegna gáleysislegs aksturs en það
versnar í því þegar lík finnst nærri
þeim stað sem hún ók á og ljóst að
maður var myrtur um svipað leyti
og hún var í óútskýrðum ofsaakstri
á sömu slóðum. Ekki síst er þetta
skrýtið því Karen ætti ekki að hafa
átt erindi í þetta hættulega hverfi,
fjarri ofurvenjulegu úthverfisheim-
ili sínu þar sem hún og eiginmaður
hennar, Tom Krupp, lifa hefð-
bundnu og hamingjuríku lífi.
Meðan Karen reynir að rifja upp
hvað gerðist þetta kvöld fara að
renna tvær grímur á eiginmann
hennar, hann veit lítið um fortíð
eiginkonu sinnar sem hann hefur
verið giftur í þrjú ár og nágranna-
konan og besta vinkona Karenar,
Brigit, er skammt undan með svip-
aðar vangaveltur. Með Rasbach
rannsóknarlögreglumann að garfa í
málinu kemur smám saman í ljós
hvernig í málunum liggur og það
er satt best að segja ekki óvænt
fyrir lesandann, sem með smá
glæpasögulæsi áttaði sig því miður
of fljótt, jafnvel áður en bókin var
hálfnuð, á því hvernig í öllu lá.
Burtséð frá plottinu er texti
Óboðins gests of oft stamur og
stirður og ótrúlegur byrjenda-
bragur á honum miðað við að höf-
undi hefur áður tekist vel upp með
glæpasöguformið. Höfundur skiptir
klaufalega um senur og sjónarhorn,
fer af óþarfa nákvæmni í lýsingar á
því sem gefur frásögninni ekkert
aukalega og grefur grunnt í per-
sónur, stundum eru tilfinningar
þeirra og hugsanir svo klisju-
kenndar að það er eins og grín.
Þetta er ekki bók sem hefur ofan
af fyrir ráðgátuþyrstum. Hún er
allt í lagi sem afþreying en ekki
vönduð eða frumleg sem slík.
Fyrirsjáanleg og ófrumleg
Lúið „Í Óboðnum gesti fetar Lapena
sig í gegnum alla helstu sjúskuðu
frasa spennubókmennta.“
Skáldsaga
Óboðinn gestur bbmnn
Eftir Shari Lapena.
Ingunn Snædal þýddi.
Bjartur 2018. Kilja. 301 bls.
JÚLÍA MARGRÉT
ALEXANDERSDÓTTIR
BÆKUR