Morgunblaðið - 11.10.2018, Blaðsíða 52

FATNAÐUR Á ALLA
FJÖLSKYLDUNA
Borgartún 3, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
úr lífrænni ull og silki
Kíktu á
netverslun okkar
bambus.is
Hulda Bjarnadóttir
hulda@k100.is
„Ég er með reglu þegar ég er að
semja: að aldrei að tala í boðhætti.
En stundum er gott að búa til reglu
og brjóta hana svo,“ segir Jónas
sposkur um titil lagsins Dansiði.
Grjóthart en kraftmikið dansvænt
lag myndi einhver segja um nýjasta
lag Jónasar Sig., en lag og texti er
eftir hann sjálfan. Lagið verður að
finna á plötunni Milda hjartað, sem
kemur út í nóvember, en síðasta
plata hans kom út 2012 og frá þeim
tíma hafa einnig komið út lögin Víg-
in falla og Af ávöxtunum skuluð þér
þekkja þá sem kom út árið 2015.
Komið að „glamúrhlutanum“
Jónas hefur unnið að plötunni
undanfarin tvö ár ásamt Ómari Guð-
jónssyni sem hefur stjórnað upp-
tökum og útsetningum. Þegar hann
er spurður út í ferlið í síðdegisþætti
K100 segist hann núna kominn í
glamúrhluta útgáfunnar; allt sé
klappað og klárt til sýningar. Það er
þó langur aðdragandi og mikil vinna
sem hefur verið lögð í plötuna og
verkefnið í heild. „Fólk sér kannski
ekki þegar maður skríður ofan í
myrkan kjallara snemma á sunnu-
dagsmorgni til að taka upp orgel í
heilan dag,“ útskýrir hann spurður
út í ferlið. „Stundum finnst manni
eins og þetta sé allt að fara til fjand-
ans en svo smellur það saman,“ út-
skýrir Jónas, sem segist orðinn
mjög sáttur við það sem komið er.
Píanóið flaut um í sjónum
Bernhard Kristinn leikstýrir
myndbandinu sem var tekið upp í
fjöruborðinu við Þorlákshöfn,
heimabæ Jónasar. Það vekur athygli
hve dramatískar aðstæður eru á
tökustað. Á myndum á kynning-
arsíðu bandsins má sjá hvar Jónas
og píanóleikarinn Tómas Jónsson
eru komnir vel út í sjó er líða fer á
tökurnar. Jónas segist spenntur fyr-
ir að sjá tökurnar í heild og þetta
hafi raunverulega verið svona til-
þrifamikið og þeir hafi notið liðsinnis
björgunarsveitar Þorlákshafnar við
tökurnar.
„Það var háfjara. Við stilltum upp
píanóinu og svo byrjuðum við bara
að spila og syngja og taka upp. Svo
bara flæddi að og í lokin var píanóið
farið að fljóta um og allt komið á
hvolf og við á kaf í sjó,“ segir Jónas
um tökurnar.
Listsköpun kallar á áhættu
Spurður hvort hann sé smella-
smiður hlær hann og svarar með
einföldu: „Ég veit það ekki.
Kannski,“ segir hann svo hugsi, en
spyr á móti hvað sé eiginlegur smell-
ur.
„Ég fæ stundum þá tilfinningu að
það sé eitthvað í laginu og þá reyni
ég að elta þá tilfinningu og það verð-
ur yfirleitt gott,“ útskýrir Jónas en
eftir hann liggja smellir á borð við
lögin Hamingjan er hér, Rangur
maður, Hafið er svart og fleiri vin-
sæl lög sem hann hefur ýmist flutt
með Sólstrandargæjunum, Lúðra-
sveit Þorlákshafnar eða Ritvélum
framtíðarinnar. En hann segir lista-
manninn aldrei geta gengið að neinu
vísu.
„Ef þú ert virkilega að skapa þá
tekurðu alltaf áhættu. Þú getur aldr-
ei gengið út frá síðasta sigri og að
hann sé eitthvað að fara að end-
urtaka sig,“ segir hann. Spurður út í
verklagið við lagasmíðarnar og út-
gáfumagn segist hann ekki semja
hundrað lög og gefa svo 10 af þeim
út á plötu líkt og margir gera, heldur
vinni hann strax með tíu til fimmtán
hugmyndir að lögum, sem hann gefi
svo út í heild. Milda hjartað kemur
út í nóvember og þá er spurning
hvort enn fleiri smellir líti dagsins
ljós. Eitt er þó gefið: við hlýðum og
tökum þátt í lífsins dansi.
Björgunarsveit aðstoðaði við tökur
Dansiði er nýtt lag frá Jónasi Sig. sem verður að finna
á plötunni Milda hjartað, sem kemur út í nóvember.
Mynd/Bernhard Kristinn
Listamaður Jónas Sig hér
við tökur á laginu Dansiði.
Dansiði Fjöldi dansara og annarra
dansar í myndbandi við lagið.
Dramatískt Jónas Sig. og Tómas
Jónsson á flæðiskeri við Þorlákshöfn.
Hvar er næsta
verkstæði?
FINNA.is