Morgunblaðið - 06.12.2018, Page 4

4 FRÉTTIRInnlent
MORGUNBLAÐIÐ FIMMTUDAGUR 6. DESEMBER 2018
www.holabok.is — holar@holabok.is
Hvernig myndir þú bregðast við ef þú
stæðir allt í einu andspænis hvítabirni?
Fjölmargir Íslendingar hafa því miður
upplifað það og ekki allir lifað af.
Hvítabirnir á Ísland er mögnuð bók um
þessar grimmustu skepnur sem hingað
hafa komið allt frá landnámsöld til okkar
daga og stundum skilið eftir sig blóðuga
slóð, en einnig orðið að gjalda fyrir
heimsóknina með lífi sínu.
Hvítabirnir á Íslandi
- mögnuð bók og fróðleg!
HVÍTABIRNIR
Á ÍSLANDI
Veður víða um heim 5.12., kl. 18.00
Reykjavík 1 alskýjað
Hólar í Dýrafirði 2 skýjað
Akureyri -10 léttskýjað
Egilsstaðir -1 skýjað
Vatnsskarðshólar 2 alskýjað
Nuuk 1 skýjað
Þórshöfn 3 skýjað
Ósló 0 heiðskírt
Kaupmannahöfn 4 léttskýjað
Stokkhólmur -1 heiðskírt
Helsinki 1 snjóél
Lúxemborg 5 þoka
Brussel 9 súld
Dublin 10 súld
Glasgow 4 rigning
London 11 súld
París 11 heiðskírt
Amsterdam 6 súld
Hamborg 3 heiðskírt
Berlín 2 heiðskírt
Vín 3 heiðskírt
Moskva -1 snjókoma
Algarve 18 heiðskírt
Madríd 17 heiðskírt
Barcelona 17 heiðskírt
Mallorca 15 léttskýjað
Róm 16 heiðskírt
Aþena 12 léttskýjað
Winnipeg -8 snjókoma
Montreal -7 snjókoma
New York 0 heiðskírt
Chicago -3 snjókoma
 6. desember Sólarupprás Sólsetur
REYKJAVÍK 10:59 15:39
ÍSAFJÖRÐUR 11:38 15:10
SIGLUFJÖRÐUR 11:23 14:52
DJÚPIVOGUR 10:37 15:01
VEÐUR KL. 12 Í DAG
Á föstudag Norðaustan 10-18 m/s, hvassast NV-til.
Slydda eða snjókoma N- og A-lands.
Á laugardag Austlæg átt, 8-15 m/s, hvassast syðst.
Dálítil él á N-verðu landinu. Kólnandi veður.
Talsverð rigning eða slydda SA-til og snjókoma eða skafrenningur NA-lands, en annars úrkomu-
lítið. Dregur talsvert úr vindi og úrkomu á S-verðu landinu í kvöld. Hiti yfirleitt 1 til 6 stig.
Tekið var á móti stjórnendum Flugfélagsins
Ernis og áhöfn nýrrar farþegaflugvélar fyrir-
tækisins á Húsavík þegar vélin lenti þar í sínu
fyrsta áætlunarflugi. Jónínu Guðmundsdóttur,
eiginkonu Harðar Guðmundssonar, forstjóra
Ernis, var færður blómvöndur og sveitarfélagið
Norðurþing bauð upp á kaffi og kökur í flugstöð-
inni. Örlygur Hnefill Örlygsson, forseti bæjar-
stjórnar, skar kökuna.
Morgunblaðið/Hafþór Hreiðarsson
Tekið á móti nýrri vél með kaffi og kökum
Guðni Einarsson
gudni@mbl.is
Upplýsingar um laun og kostnaðar-
greiðslur þingmanna allt frá alþing-
iskosningunum 2007 eru nú aðgengi-
legar á vef Alþingis (althingi.is). Þar
kemur m.a. fram að fastar kostnaðar-
greiðslur til þingmanna og greiðslur
vegna ferða, símakostnaðar o.fl. eru
mjög misháar.
Undanskildir á yfirlitinu eru fyrr-
verandi þingmenn sem létust fyrir 1.
desember 2018. Tekið er fram á vefn-
um að í þeim tilvikum sem þingmenn
kjörnir í alþingiskosningum 2007 áttu
einnig sæti á fyrra kjörtímabili (2003-
2007) taki upplýsingarnar til alls árs-
ins 2007. Alþingi leitaði álits Persónu-
verndar um birtingu fjárhagsupplýs-
inganna aftur í tímann. Jafnframt var
öllum þingmönnum sem í hlut eiga
gefinn kostur á að gera athugasemdir.
Upplýsingarnar birtast á sömu vef-
síðu og upplýsingar um laun núverandi
þingmanna og kostnaðargreiðslur til
þeirra. Vefsíðan er uppfærð um 25.
hvers mánaðar og þá birtar nýjar upp-
lýsingar fyrir undangenginn mánuð.
Hægt er að velja hvert almanaksár frá
2007 sem menn vilja skoða og hægt er
að skoða upplýsingar fyrir hvern mán-
uð ársins 2018.
Ferðakostnaður vegur þyngst
Þegar skoðaðar eru upplýsingar
fyrir október 2018 fékk Bjarkey Olsen
Gunnarsdóttir, þingflokksformaður
VG, mest greitt undir liðnum „annar
kostnaður“ eða 1.263.050 kr. Bjarkey
sagði að megnið af þessum kostnaði,
746 þúsund krónur, væri vegna ferða
til útlanda. Hún sat á Allsherjarþingi
Sameinuðu þjóðanna og fór í vinnu-
heimsókn til Washington 14.-26. októ-
ber.
Bjarkey á heima í Ólafsfirði og fer
heim til sín þegar tök eru á. Svo vildi
til að flugferðir hennar í september
voru færðar til bókar í október og
bættust við flugferðirnar í þeim mán-
uði. Einnig er inni í þessari upphæð
kostnaður vegna bílaleigubíla sem
hún notar til að fara á milli Akureyr-
arflugvallar og Ólafsfjarðar.
Næst hæstu greiðslur til þing-
manna vegna annars kostnaðar í
október voru til Njáls Trausta Frið-
bertssonar, Sjálfstæðisflokki, for-
manns Íslandsdeildar NATO-þings-
ins með 975.365 kr., og Loga
Einarssonar, formanns Samfylking-
arinnar og 2. varaformanns utanrík-
ismálanefndar, með 806.237 kr.
Njáll Trausti sat tvo fundi vegna
NATO-þingsins í Bandaríkjunum í
október og Logi var á Allsherjarþingi
Sþ og í vinnuheimsókn til Washington
um leið og Bjarkey.
Misháar greiðslur vegna kostnaðar
 Upplýsingar um launagreiðslur og greiðslu kostnaðar þingmanna allt aftur til 2007 eru aðgengilegar
Alþingi Upplýsingarnar eru birtar í samræmi við ákvörðun forsætisnefndar 9. apríl sl.
Morgunblaðið/Hari
Brotist hefur
verið inn í þrjú
heimili á höfuð-
borgarsvæðinu
undanfarnar
tvær vikur, eitt í
Mosfellsbæ og
tvö í Grafarvogi.
Farið var inn um
glugga í eða við
svefnherbergi,
leitað að skart-
gripum og reiðufé að því er best
verður séð og vettvangur svo yfir-
gefinn. Kemur þetta fram í tilkynn-
ingu frá lögreglunni sem hvetur
íbúa til að vera vel á verði, huga að
verðmætum og læsa húsum sínum.
Eins er fólk hvatt til að láta vita um
grunsamlegar mannaferðir.
Aðferðinni svipar mjög til þeirr-
ar sem erlendir brotahópar hafa
viðhaft hér á landi. Þeir hafa þá
komið til landsins gagngert í þeim
tilgangi að brjótast inn, helst á
þessum árstíma. Fara þeir þá inn í
einbýlishús á jaðarsvæðum, hús
sem eru við göngustíga, til að
mynda þar sem ekki sést til úr öðr-
um húsum. Gerendur eru karlmenn
og gjarnan tveir saman. Þeir
fremja brot sín á virkum dögum
þegar líklegt er að enginn sé heima.
Þeir eru fótgangandi, bera litla
tösku eða bakpoka og nota strætó
fremur en einkabíla.
Í gærmorgun var eitt þessara
þriggja innbrota framið og kom
íbúi að viðkomandi sem þá forðaði
sér. Hann sást illa og engin lýsing
því til á honum.
Lögreglan varar
íbúa við faraldri
innbrota á heimili
Innbrot Fólk er
hvatt til að loka vel.