Morgunblaðið - 06.12.2018, Page 24

24 FRÉTTIRInnlent
MORGUNBLAÐIÐ FIMMTUDAGUR 6. DESEMBER 2018
Birds by Toikka
iittala-búðin | 1. hæð Kringlunni
Sigtryggur Sigtryggsson
sisi@mbl.is
Framkvæmdir eru að hefjast við
gerð nýs sjóvarnargarðs á Gelgju-
tanga við Elliðavog/Elliðaárvog. Á
svæðinu mun rísa íbúðabyggð, svo-
nefnd Vogabyggð 1. Íbúðir verða allt
að 330 í fimm húsum.
Þessar framkvæmdir eru í sam-
ræmi við deiliskipulag svæðisins
sem gerir ráð fyrir um 3.500 fer-
metra landfyllingu og að um 17.000
fermetrar lands verði hækkaðir.
Lágmarks yfirborðshæð lands verð-
ur 5 metrar yfir sjávarmáli. Íbúða-
byggðin verður því vel varin komi til
hækkunar á yfirborði sjávar vegna
mögulegrar hlýnunar andrúmslofts-
ins.
Stærsti hluti útboðsverksins er
uppbygging sjóvarnargarðs og upp-
röðun á grjóti í ölduvörn. Sjóvarnar-
garðurinn verður með tvöfaldri kápu
þar sem álagið er mest en þegar inn-
ar dregur tekur við léttari grjót-
garður.
Verktaki mun annast móttöku og
flokkun á efni, sem kemur að stærst-
um hluta úr grunni Nýja Landspít-
alans við Hringbraut. Verktaki í
jarðvinnu við Nýjan Landspítala er
byrjaður að keyra efni á staðinn.
Vegna fiskgengdar í Elliðavogi er
leyfilegur framkvæmdatími svo ná-
lægt laxveiðiá bundinn við tímabilið
frá 1. nóvember til 30. mars. Þetta á
við um vinnu í fjörunni og undir
sjávarmáli. Gert er ráð fyrir að hægt
verði að vinna við landgerð innan við
varnargarð utan þess tíma.
Samið við Jarðvirki ehf.
Verkið var boðið út í lok október
og tilboð opnuð 14. nóvember. Alls
bárust 9 tilboð í verkið. Lægsta til-
boð átti Jarðvirki ehf. og hefur verið
ákveðið að ganga til samninga á
grunni þess. Jarðvirki bauðst til að
vinna verkið fyrir 37,1 milljón, sem
var 66% af kostnaðaráætlun, sem
hljóðaði upp á 56 milljónir. Næst
lægsta tilboðið átti Jarðval sf., 48
milljónir.
Vogabyggð er hverfið sunnan
Kleppsmýrarvegar og austan Sæ-
brautar. Samkvæmt aðalskipulagi er
gert ráð fyrir að þarna geti risið allt
að 1.300 íbúðir, samtals um 155.000
fermetrar og atvinnuhúsnæði verði
um 56.000 fermetrar. Skipulags-
svæðið er um 18,6 hektarar. Lóð-
arhafar á öllu svæðinu eru um 150 og
rúmlega 50 leigulóðir á svæðinu.
Vogabyggðinni er skipt í 5 skipu-
lagsreiti. Búið er að samþykkja nýtt
deiliskipulag fyrir svæði 1 (Gelgju-
tangi) og 2 (Súðarvogur) og eru
framkvæmdir hafnar á síðarnefnda
svæðinu.
Sem fyrr segir liggur fyrir deili-
skipulag svæðis 1 á Gelgjutanga. Fé-
lagið Festir, í eigu hjónanna Ólafs
Ólafssonar (Samskip) og Ingibjarg-
ar Kristjánsdóttur, átti fjórar af
fimm lóðum þar. Þar hafði Festir
látið forhanna 270 íbúðir í fjórum
byggingum. Fram kom í fréttum í
sumar að Festir hefði selt lóðirnar
til félagsins U 14-20 ehf., dóttur-
félags Kaldalóns bygginga hf. sem
er tengt Kviku banka. Nýir eigendur
munu nú útfæra verkefnið.
Bjarg – íbúðafélag ASÍ og BSRB
mun byggja eitt hús með um 60
íbúðum á Gelgjutanga, að því er
fram kemur á heimasíðu Bjargs.
Eru íbúðirnar ætlaðar fyrir tekju-
lágar fjölskyldur og einstaklinga.
Óvíst er hvenær framkvæmdir
hefjast á Gelgjutanga. Ljúka þarf
við sjóvarnargarða og landfyllingar
og í framhaldinu þarf að fergja land-
ið og þjappa áður en hægt verður að
hefja byggingu húsanna. Þá eru á
Gelgjutanga gamlar byggingar sem
á eftir að rífa.
Morgunblaðið/sisi
Gelgjutangi Framkvæmdir að hefjast. Spítalamold komin á svæðið og brátt verður byrjað á grjótgarði.
Tölvumynd/Rakel Karls
Vogabyggð 1 Glæsibyggingar rísa á Gelgjutanga þegar undirstöðurnar verða traustar.
Sjóvarnargarður við Gelgjutanga
 Landfylling í Vogabyggð 1 verður varin með grjóti  Mold af Landspítalalóð ekið á svæðið
Ný landfylling á Gelgjutanga við Elliðavog
Sjóvarnargarður
Land fylling
Kleppsm
ýrarveg
ur GELGJ
UTANG
I
Elliða-
vogur
Snarfara-
höfn
Kjalarvogur
Ný lóðamörk
Grunnkort/Loftmyndir ehf.
Borgarráð samþykkti í maí 2017
tillögu umhverfis- og skipulags-
ráðs að auglýsa nýtt deiliskipu-
lag Vogabyggðar 1 á Gelgjutanga.
Ef þetta yrði að veruleika mátti
ljóst vera að svokölluð innri leið
Sundabrautar væri úr sögunni,
en hún átti að taka land á
Gelgjutanga. Nú er ferlið komið
svo langt að ekki verður aftur
snúið.
Þetta var sú leið sem Vega-
gerðin hafði mælt með enda
hafði hún metið að þetta væri
ódýrsti kosturinn við lagningu
brautarinnar. Nú er aðeins einn
kostur eftir varðandi legu Sunda-
brautar, svokölluð ytri leið frá
Kleppsbakka. Sú leið er talin 10
milljörðum dýrari framkvæmd en
innri leiðin. Vegagerðin telur að
Reykjavíkurborg eigi að greiða
mismuninn en því hafnar borgin.
Borgarráð samþykkti í fyrra að
hefja viðræður við Vegagerðina
um Sundabraut en þær viðræður
eru ekki hafnar ennþá.
Sundabraut hefur verið sýnd á
Aðalskipulagi Reykjavíkur frá
árinu 1984, eða í yfir 30 ár. Hún
var kynnt sem meginstofnleið
um höfuðborgarsvæðið, tenging
fyrir norðurhluta Reykjavíkur að
Kjalarnesi og vegtenging fyrir
Vestur- og Norðurland. Margoft
hefur verið þrýst á að taka
ákvörðun um þessa braut. Sig-
urður Ingi Jóhannsson sam-
gönguráðherra sagði nýlega að
hugmyndir væru uppi um að
einkaaðilar fjármögnuðu Sunda-
braut með veggjöldum.
Í frétt á heimasíðu borgar-
innar segir að Gelgjutangi sé
fornt örnefni en sagan hermir að
Ketilbjörn hinn gamli landnáms-
maður hafi lent skipi sínu Elliða
við tangann og bundið þar land-
festar. Gelgja er fornt orð fyrir
festi. Tanginn var því nefndur
Gelgjutangi en árnar sem renna í
voginn voru nefndar Elliðaár eftir
skipi Ketilbjarnar.
Íbúðabyggð á Gelgjutanga
útilokar ódýrasta kostinn
INNRI LEIÐ VAR MÖGULEGT VEGARSTÆÐI SUNDABRAUTAR
Innri leiðin Ekki lengur möguleg.