Dagblaðið Vísir - DV - 17.05.2019, Page 16

16 FÓKUS 17. maí 2019
Ú
rslitakeppni Eurovision fer
fram næsta laugardagskvöld
og eigum við Íslendingar
fulltrúa í úrslitum í fyrsta
sinn síðan árið 2014. Af því tilefni
ákvað DV að kíkja á sögurnar á
bak við nokkur af okkar þekktustu
Eurovision-lögum.
Þrýst á Jóhönnu Guðrúnu að
sýna meira hold
Óskar Páll Sveinsson er einn af
lagahöfundum Is It True?, þess
framlags Íslendinga í Eurovision
sem hefur náð hvað bestum ár-
angri. Lagið var hins vegar
ekki samið upprunalega fyrir
Eurovision.
„Þetta lag fæddist um árið 2005
minnir mig. Á þeim tíma bjó ég í
London og var að vinna sem laga-
höfundur og upptökustjóri. Ég
var með útgáfusamning við Sony
London. Þetta vildi þannig til að
kunningi minn, sem heitir Chris
Neil, er einn af upptökustjórum
Celine Dion og hringdi í mig og
sagðist vera að vinna plötu með
rússneskri söngkonu, Tinatin
Japaridze, sem væri sennilega
allavega jafngóð og Celine Dion.
Ég sperri alltaf eyrun þegar ég
heyri eitthvað svona,“ segir Óskar
Páll og heldur áfram.
„Hann sagði mér að þau væru
að leita að meðhöfundum til að
semja lög á plötuna hennar og
spurði hvort ég væri ekki til í að
semja með henni eitt lag. Þetta
var það sem ég var að vinna við á
þessum tíma og auðvitað er ekk-
ert skemmtilegra en að vinna með
góðum söngvurum. Það er það
sem gaf manni alltaf mest – góð-
ar raddir. Það er ekkert sem topp-
ar það.“
Lagið samið á nokkrum tímum
Í framhaldinu fór Óskar Páll í
hljóðver með fyrrnefndum Chris
og söngkonunni og allt small
saman.
„Ég var tilbúinn með grunn-
hugmyndina þegar að þau komu
í stúdíóið. Þau kveiktu strax á því
sem ég var búinn að gera. Ég var
búinn að hnoða deigið, síðan var
brauðið bakað og sett smá glassúr
ofan á. Við gerðum það í sam-
einingu og út kom þetta lag, Is It
True?“
Textasmíðin gekk eins og í sögu
og segir Óskar Páll að fæðing lags-
ins hafi verið auðveldari en með
mörg önnur lög. Þríeykið var mætt
í hljóðverið klukkan 11 og var
demó af laginu tilbúið klukkan 17.
„Síðan liðu nokkur ár og það
bólaði ekkert á þessari plötu
hennar. Þá kom á daginn að hún
ákvað að hætta við að gefa út plötu
því henni bauðst að fara í mjög
eftirsótt nám í Columbia-háskóla
í New York, með áherslu á sam-
skipti Rússlands og Bandaríkj-
anna. Þá lá þetta lag uppi í hillu
hjá mér. Þegar ég flutti heim til Ís-
lands sá ég auglýsingu fyrir lög í
Eurovision. Þá poppaði þetta lag
upp í hausinn á mér, en vanda-
málið við það er það getur nánast
enginn sungið þetta almennilega.
Mér datt strax Jóhanna Guðrún í
hug því ég bara gat ekki ímyndað
mér að nokkur önnur söngkona
sem ég þekkti gæti ráðið við þetta.
Ég spilaði fyrir hana lagið og hún
var strax til í þetta.“
Stundin sem rústaði
taugakerfinu
Eins og allir vita komst lagið í
Söngvakeppnina og bar sigur úr
býtum. Það bjuggust hins vegar
fáir við því að þetta yrði framlag Ís-
lands árið 2009.
„Þetta lag var aðeins undir
radarnum hjá flestum hér heima.
Fyrstu viðbrögð hjá nokkrum
Eurovision-sérfræðingum voru
alls ekki góð. Þeim leist ekkert á að
senda svona lítið Eurovision-legt
lag í þessa keppni. Út af þessari
umræðu fórum við út með mjög
litlar væntingar,“ segir Óskar Páll,
sem varð þó enn vonminni þegar
úrslit undanriðilsins í Eurovision-
-keppninni í Rússlandi voru kunn-
gjörð. Eins og margir muna var Ís-
land lesið síðast upp í úrslitin.
„Ég var algjörlega búinn að
missa vonina. Ég gleymi seint
þegar nafn lagsins var lesið upp.
Sú stund algjörlega rústaði tauga-
kerfinu. Þetta var alveg fárán-
legt. Það voru svo mörg lög eft-
ir í pottinum sem flestir töldu að
væru örugg áfram og okkar lag var
ekki eitt af þeim. Það bjóst enginn
við að heyra Ísland sem síðasta
lag inn,“ segir Óskar Páll, en eftir
úrslitakeppnina kom í ljós að Jó-
hanna Guðrún sigraði í undan-
riðlinum og eins og flestir vita varð
hún í öðru sæti í úrslitakeppninni.
Þrýst á kjólabreytingu
Það var þó ekki bara lagið sem fékk
slæma dóma Eurovision-spekinga
heldur einnig kjóllinn frægi sem
Jóhanna Guðrún klæddist í Rúss-
landi.
„Fólk annaðhvort elskaði hann
eða hataði hann út af lífinu,“ segir
Óskar Páll, en vissir aðilar tengd-
ir keppninni þrýstu á Óskar Pál
að skipta kjólnum út fyrir eitt-
hvað efnisminna. „Það var meðal
annars komið að máli við mig og
ýtt á mig um það hvort það ætti
ekki að setja hana í stuttan, fleg-
inn kjól. Sýna meira hold. Ég fékk
að heyra það frá nokkrum að ég
væri klárlega að tapa fjölmörg-
um stigum með því að hafa hana
ekki í flegnari kjól. Ákveðnir aðil-
ar voru algjörlega harðir á því að
það þyrfti að sýna meira hold til
að komast áfram í keppninni og
sögðu klárt að við kæmumst ekki
upp úr undankeppninni. Ég fékk
að heyra að ég bæri þá ábyrgð á
því að við kæmumst ekki upp úr
undankeppninni,“ segir Óskar
Páll. Hann stóð hins vegar fastur
á sínu.
„Mér fannst aldrei góð hug-
mynd að hafa kjólinn styttri og
flegnari. Mér fannst hætta á því
að það myndi skyggja á þessa frá-
bæru rödd og lagið. Það má deila
um kjólinn, eins og allt annað, en
ég tel að hann hafi hjálpað okkur
heilmikið.“
Óskar Páll rekur í dag fram-
leiðslufyrirtækið Yoda Film og
vinnur að heimildamyndagerð og
kynningarmyndböndum. Hann er
nú á Vestfjörðum að fylgja Veigu
Grétarsdóttur er hún fer á kajak
rangsælis í kringum landið. Út-
koman verður heimildamynd um
ferðalagið sem mun heita Á móti
straumnum. Hann er ekki alveg
hættur í tónlist og útilokar ekki að
taka aftur þátt í Eurovision. Varð-
andi framlag Íslands í ár, Hatara,
segist hann vera hæstánægður
með það. „Mér sýnist þeir vera
með sitt atriði svo gjörsamlega á
hreinu að ég gæti ekki gefið þeim
nokkur einustu ráð. Ég styð þá 100
prósent í því sem þeir eru að gera,“
segir Óskar Páll.
Óskar Páll við tökur á Grænlandi.
Jóhanna Guðrún í
kjólnum umdeilda.
Lilja Katrín Gunnarsdóttir
lilja@dv.is
Sögurnar á bak við
Eurovision-lögin
n Þrýst á aðstandendur að breyta klæðnaði Jóhönnu Guðrúnar n Keppinautur
reyndi að skemma fyrir Önnu Mjöll n Greta leitaði á þjóðlegar slóðir