Dagblaðið Vísir - DV - 17.05.2019, Blaðsíða 33

Iðnaðarblaðið 17. maí 2019 KYNNINGARBLAÐ
Vissir þú að ...
n hnúðkál vex ofan á jörðinni?
n ekki er ráðlegt að geyma paprikur í ísskáp því þá er
meiri hætta á að þær verði linar?
n gulrætur geymast best við kjörhitastig, sem er 0–2
gráður?
n mest af næringarefnum tómats er að finna í vökv­
anum sem umlykur fræin? Því er mikilvægt að sá
vökvi sé hafður með í matreiðslunni.
n ræktun grænmetis á Íslandi hófst strax við landnám?
n best er að geyma gúrkur í ekki of miklum kulda
heldur á svölum stað, t.d. á þeim stað í ísskápnum
þar sem kuldinn er minnstur?
n bragðgæði íslenska grænmetisins eru tilkomin vegna
hreina vatnsins og loftsins? Þau stafa einnig af því að
grænmetið fær að þroskast á eðlilegum hraða.
n gott er að tyggja steinselju eftir að hafa neytt mat­
ar sem inniheldur mikinn hvítlauk því að hún dregur
úr hvítlaukslyktinni?
ÍSLENSKT GRÆNMETI:
Enn grænna en
annað grænmeti!
Það eru milljón og ein ástæða fyrir því að Íslendingar ættu að velja íslenskt grænmeti.
Fyrir utan það hvað það er ótrúlega
ferskt, hollt og bragðgott þá er það
einfaldlega svo gott fyrir umhverfið.
Kolefnisjöfnun íslensks grænmetis
Íslenskur grænmetisiðnaður er alla
jafna nokkuð umhverfisvænn. Hér
er jarðvarmi nýttur til ræktunar en
annars staðar á Norðurlöndunum
er jarðgas eða olía nýtt til að hita
gróðurhús. Kolefnisfótspor íslenskra
tómata er t.a.m. eingöngu einn
fimmti af spori danskra tómata og
það er áður en kolefnisjöfnun kom til
sögunnar. „Sölufélag garðyrkjumanna
og Kolviður gerðu nýlega samning um
að íslenskt grænmeti, bæði ræktun
og flutningur á milli bæjarfélaga yrði
kolefnisjafnaður. Í fyrra gróðursetti
Sölufélag garðyrkjumanna rúmlega
2.000 tré sem er ívið meira en það
sem þarf til þess að kolefnisjafna
flutning á íslensku grænmeti. Með
þessu erum við búin að stíga mjög
stórt skref í að kolefnisjafna vöruna
alla,“ segir Kristín Linda Sveinsdóttir,
markaðsstjóri fyrirtækisins.
Krossleggja fingur um hagstætt
sumar
Sölufélag garðyrkjumanna sam­
anstendur af fjölda bænda sem
rækta allt það gómsæta grænmeti
sem selt er undir vörumerkinu Íslenskt
grænmeti. „Langflestir ræktunar­
staðirnir eru staðsettir í kringum
jarðvarmasvæðin á Flúðum, í Borgar­
firði og fyrir norðan á Hveravöllum.
Þar eru ræktaðir tómatar, paprikur,
gúrkur, ber, salöt, kryddjurtir, sveppir
og margt fleira.
Útiræktarsvæðin er svo að finna
á víðfeðmu svæði frá Ölfusi og alla
leið til Víkur í Mýrdal. Þar er ræktað
rótargrænmeti, kartöflur, spergilkál,
blómkál, hnúðkál, kínakál og margt
fleira. Í fyrra var uppskeran á úti­
ræktarsvæðunum því miður ekki upp
á sitt besta sökum hins alræmda
rigningarsumars sem hér gekk í garð.
Þá lét sólin lítið á sér kræla. Bænd­
urnir eru nú búnir að sá fyrir þetta
sumar og eru vongóðir um góða
uppskeru enda hefur þessi vorbyrjun
gefið vænleg fyrirheit um sólríkt og
hlýtt sumar.“
Gerum eitthvað gott úr íslensku
grænmeti í sumar!
Með hækkandi sól eru paprikurnar og
tómatarnir í toppformi og það er um
að gera að nýta sér það til fullnustu.
Hefur þú til dæmis nokkurn tímann
bragðað kalda tómatsúpu með
fetaosti og myntu? Súpan er ótrúlega
fersk og passar syndsamlega vel með
íslensku sumri.
Köld tómatsúpa
n 6 stk. plómutómatar
n stk. agúrka
n rif hvítlaukur
n 100 ml tómatsafi
n safi úr 1 lime
n 1 tsk. tabasco­sósa
n smá fersk mynta
n 1 pk fetasneiðar
Skerið tómatana, agúrkuna og hvítlaukinn gróft. Setið í matvinnslu­
vél og maukið ásamt tómat­ og limesafanum og myntulaufunum eftir
smekk. Kryddið með tabasco­sósunni. Setjið í skálar ásamt fetaostinum og
skreytið með myntulaufi.
Höfundur uppskriftar: Hrefna Sætran
Paprikur eru gimsteinar náttúrunnar í finnast í ótal fallegum sterkum litum. Gular, rauð­
ar, appelsínugular, grænar og fjólubláar! Þær eru góðar hráar, einar og sér, skornar í
lengjur með ídýfu, steiktar, ofnbakaðar, grillaðar, fylltar … Möguleikarnir eru óendanlegir.
En það eru fáir sem vita að ein paprika inniheldur jafnmikið af C­vítamíni og fjórar app­
elsínur. Auk þess eru paprikur hitaeiningasnauðar frá náttúrunnar hendi.
Grillað paprikusalat
n 6–8 íslenskar paprikur í mismunandi litum
n 6 msk. ólífuolía
n 1 hvítlauksgeiri, saxaður smátt
n nýmalaður pipar og salt
n 1–2 msk. furuhnetur
n nokkur basilíkublöð (má sleppa)
Útigrill hitað, eða grillað í ofninum, og
paprikurnar grillaðar við góðan hita, þar til
hýðið er allt orðið svart. Snúið öðru hverju svo að
þær grillist jafnt. Þeim er svo stungið í bréfpoka eða settar í skál og plast
breitt yfir. Látnar standa í um 5 mínútur og þá ætti að vera auðvelt að fletta hýðinu
af þeim. Best er að gera þetta yfir sigti svo að safinn fari ekki til spillis. Skerið grilluðu
paprikurnar í breiðar ræmur og raðið á disk. Hrærið paprikusafanum saman við ólífu­
olíu, hvítlauk, pipar og salt og hellið yfir paprikurnar. Dreifið furuhnetum yfir og skreytið
með basilíkublöðum sem skorin hafa verið í ræmur. Berið paprikurnar t.d. fram sem
forrétt eða sem meðlæti með grilluðum mat. Einnig má skera þær í mjórri ræmur og
nota þær og olíuna út á pasta.
Höfundur uppskriftar: Nanna Rögnvaldardóttir
Þessar uppskriftir og fjölda annarra má finna á vefnum islenskt.is.
Þú færð íslenskt grænmeti og ávexti úti í næstu matvörubúð.