Dagblaðið Vísir - DV - 21.08.2019, Blaðsíða 8

FRÉTTIR
N
ú er Tekjublaðið komið út
enn og aftur og sem fyrr
verða örugglega skiptar
skoðanir um ágæti þess að
birta tekjur útvalinna Íslendinga.
Sama hvað fólki finnst þá eru þess-
ar upplýsingar mikilvægar til að
varpa ljósi á þann launamismun
sem er á Íslandi. Í ár fáum við hins
vegar afar skakka mynd af stétta-
skiptingunni þar sem Ríkisskatt-
stjóri hefur ákveðið að gefa ekki
út upplýsingar um skattakónga og
-drottningar. Það er miður. Í þeim
útreikningum kristallast oft hversu
mikil misskiptingin er, en nú eru
þeir útreikningar ekki taldir sam-
ræmast ákvæðum sem gilda um
persónuvernd og friðhelgi einka-
lífs. Undarleg rök þar sem oftar en
ekki hefur fólk sem nýtur góðs af
auðæfum þjóðarinnar skipaði sér í
efstu sæti yfir þá sem greiða mesta
skattinn.
Peningar, völd og kynlíf –
kennarinn minn í háskóla sagði
mér eitt sinn að allur heimurinn
snerist um þessa þrjá hluti. Að all-
ar okkar ákvarðanir væru teknar út
frá þessum þremur atriðum. Þessi
þrjú atriði væru í raun hvati að
öllum okkar gjörðum. Hugsjóna-
manneskjan ég tók þetta ekki gott
og gilt. Heimurinn hlyti að snú-
ast um meira. Hvað með réttlæti,
góðmennsku, ást og frið? Það hlyti
að spila einhverja rullu. Eftir mikl-
ar rökræður, þar sem háskóla-
kennarinn göfugi nefndi fjölmörg
dæmi úr nútímanum og mann-
kynssögunni gjörvallri varð ég að
játa mig sigraða. Það snerist víst
allt um peninga, völd og kynlíf á
endanum.
Ég, sem hafði aldrei spáð mik-
ið í peninga, fór að velta þeim
meira fyrir mér eftir þessar sam-
ræður. Hversu stórt hlutverk þeir
lékju í mínu lífi, þótt ég teldi þá í
algjöru aukahlutverki. Peningum
fylgir vissulega mikið frelsi. Það
er frelsandi að eiga þá og geta eytt
þeim í næstum því það sem mað-
ur vill. Það er líka frelsi fólgið í því
að geta séð fyrir fjölskyldu sinni
án þess að skrimta. Og ótrúlegt en
satt þá er það gífurlega frelsandi
að geta greitt alla reikningana um
mánaðamótin. Það er vissulega
frelsissvipting á sinn hátt að eiga
fislétta pyngju, götótta vasa og
tóman ísskáp. Það er álag að horfa
í hverja einustu krónu. Geta aldrei
leyft sér neitt. Og fara svo í Endur-
vinnsluna um miðjan mánuð til
að eiga fyrir grjónum í grautinn.
Horfa á hvert innheimtubréfið
renna inn um lúguna á fætur öðru.
Bíða í fósturstellingunni eftir að
stefnuvotturinn mæti heim.
Sumir upplifa bara frelsissvipt-
inguna en finna aldrei ljúft pen-
ingafrelsið gefa þeim byr undir
báða vængi. Og það er ekki út af
því að þeir séu latir, illa mennt-
aðir, ómögulegir eða skrýtnir. Það
er einfaldlega út af því að sumt
fólk skiptir minna máli en annað í
samfélaginu. Það gengur ekki það
sama yfir alla. Meðalmaður getur
lent í miklu tjóni og veseni, jafnvel
gjaldþroti, fyrir það eitt að skulda
yfirvaldinu nokkra hundrað þús-
und kalla, á meðan aðrir sleppa
með mörg hundruð milljóna
króna skrekk. Fá afskriftir. Færa
til peninga. Finna gráu svæðin og
gloppurnar í kerfinu.
Á síðu 37 til 69 kristallast
munurinn á hinum frjálsu og hin-
um frelsissviptu.
21. ágúst 20198
Spurning vikunnar Hvernig fannst þér sumarið?

„Alveg yndislegt“

Guðrún Georgs
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Prentun: Landsprent Dreifing: Árvakur
Sandkorn

„Dásamlegt“
Soffía
„Æðislegt“

Karítas
Fatlaðir upp
á punt
„Meðalmaður getur lent
í miklu tjóni og veseni,
jafnvel gjaldþroti, fyrir það eitt
að skulda yfirvaldinu nokkra
hundrað þúsund kalla, á meðan
aðrir sleppa með mörg hundruð
milljóna króna skrekk. Dularfulli pistillinn
sem hvarf
Þroskaþjálfinn og aktífistinn Freyja Har-
aldsdóttir benti á það á Twitter nýlega
að nú þegar haustið gengur í gang hafi
stjórnvöld gjarnan samband við hin
ýmsu félagasamtök og óski eftir þekk-
ingu, hugmyndum og reynslu fatlaðra.
Hins vegar sé í fæstum tilvikum greitt
fyrir slíka vinnu og þetta setji fatlaða í
erfiða stöðu. Neiti þeir að taka þátt eigi
þeir á hættu að ekkert samráð sé haft
við þennan jaðarsetta hóp og ákvarðan-
ir sem varði hann þá teknar alfarið af
fólki í valdastöðum. Hinn kosturinn er
að þýðast boð stjórnvalda og gefa vinnu
sína. Fatlaðir einstaklingar hafa ítrekað
sótt um vinnu hjá hinu opinbera en fá
ekki ráðningu þrátt fyrir hæfni. Freyja
bendir þarna á undarlegt háttalag
stjórnvalda; að neita fötluðum um störf
en á sama tíma bjóða þeim í sjálfboða-
vinnu eins og um einhverja ölmusu sé
að ræða. Stjórnvöld virðast því kæra
sig kollótt um fatlaða, en slá þó ekki
höndum á móti því að geta skreytt
sína málstaði með þeim. Fatlaðir upp á
punt. Sjálfsagt að fara fram á ókeypis
vinnuframlag þeirra, þau ættu jú bara
að prísa sig sæl að stjórnvöld gangi ekki
alfarið framhjá þeim.

„Það er búið að
vera alveg yndislegt“
Sigríður Þórólfsdóttir
Hinir frjálsu og frelsissviptu
Leiðari
Lilja Katrín Gunnarsdóttir
lilja@dv.is
Vefritið Nútíminn birti aðsendan pistil í
síðustu viku sem hvarf nánast jafnharð-
an. Í pistlinum var fréttaflutningur mbl.
is af lögmanninum Sveini Andra Sveins-
syni, þar sem hann var kallaður riddari
götunnar, gagnrýndur. Var það vegna
fortíðar Sveins Andra, óviðeigandi skila-
boða sem hann sendi á ungar stúlkur
og þeirrar staðreyndar að hann barnaði
sextán ára gamla stúlku fyrir nokkrum
árum. Mál sem hefur verið fjallað mikið
um og urðu kveikjan að Beauty Tips-
-byltingunni #þöggun. Að sögn ritstjóra
Nútímans, Ingólfs Stefánssonar, var
pistillinn tekinn úr birtingu því það átti
eftir að fínpússa hann. Hins vegar sagði
hann enn fremur að óljóst væri hvort
pistillinn yrði birtur yfirhöfuð. Þetta er
því allt hið dularfyllsta mál, sem Sveinn
Andri segist ekki koma nálægt.
Bossinn mættur í bankann
Ásgeir Jónsson tók formlega við starfi
seðlabankastjóra í gær.