Dagblaðið Vísir - DV - 21.08.2019, Blaðsíða 20

20 FRÉTTIR 21. ágúst 2019
Hjarðhegðun Íslendinga -
7 eftirminnilegar raðir
H
jarðhegðun er þekkt fyr-
irbæri meðal bæði dýra
og manna. Henni mætti
lýsa með þeim hætti að
einstaklingar innan hóps hagi
sér með sama hætti, án þess að
einhver sérstök stefna hafi verið
mótuð í þeim efnum. Dæmi um
þetta er að fara út í búð og ætla
að velja milli tveggja tegunda af
sömu matvörunni. Margir ættu
þá til að kippa með þeirri sem
minna væri eftir af. Fylgja fjöld-
anum án allrar gagnrýnnar hugs-
unar. Einstaklingur hermir eftir
öðrum í þeirri trú að hann hafi
vitað hvað hann væri að gera, í
staðinn fyrir að móta sínar eigin
skoðanir.
Íslendingar hafa lengi vel tekið
erlendum verslunum fagnandi,
en einnig geta ýmis tískufyrir-
bæri valdið æsingi og jafnvel usla
ef varan er auglýst með orðunum
„takmarkað upplag“ eða ef mik-
ið hefur farið fyrir auglýsingum
á samfélagsmiðlum og annað.
Omaggio-vasarnir frægu eru þar
gott dæmi, þar sem á gífurlega
skömmum tíma voru vasarnir
komnir inn á annað hvert heim-
ili.
Hjarðhegðun birtist einnig
með eftirminnilegum hætti á ný-
afstöðnum Ed Sheeran-tónleik-
um og því ekki úr vegi að rifja upp
nokkrar eftirminnilegar biðraðir
síðustu ára.
Lindex
Þremur dögum eftir að verslun-
in Lindex var opnuð í Smáralind
þurfti að loka versluninni vegna
vöruskorts. Á þessum dögum er
talið að verslunin hafi afgreitt
rúmlega tíu þúsund viðskiptavini
og salan verið fimm sinnum meiri
en áætlað hafði verið. Sænskir
forsvarsmenn verslunarinnar voru
viðstaddir opnunina og sögðust
aldrei hafa vitað annað eins, þetta
ætti bara ekki að vera hægt. Um
stærstu opnun verslunar í sögu
keðjunnar var að ræða.
Bauhaus
Bauhaus var opnuð í maí 2012. Brá
verslunin á það ráð að hafa sérs-
taka opnunarhátíð áður en dyrnar
voru formlega opnaðar. Mikil ör-
tröð myndaðist fyrir  utan verslun-
ina og öll sex hundruð bílastæðin á
svæðinu voru upptekin þegar há-
tíðin byrjaði. Framkvæmdastjóri
Bauhaus taldi að um 5–6 þúsund
manns hefðu verið á svæðinu.
H&M Smáralind
Fyrsti viðskiptavinurinn stillti
sér upp í röð rúmlega sólarhring
fyrir opnunina. Rétt fyrir opn-
unina náði röðin út úr Smára-
lindinni. H&M kom til móts við
eftirvæntinguna og þegar dyrnar
voru opnaðar streymdi starfsfólk
verslunarinnar út og tók dansspor,
gestum til mikillar kátínu.
Søstrene Grene
Árið 2016 stilltu margir Íslendingar
sér upp í röð fyrir utan verslun-
ina Søstrene Grene til að freista
þess að festa kaup á forláta hill-
um. Að sögn sjónarvotta lá nánast
við slagsmálum í Kringlunni þegar
viðskiptavinir kepptust við að
hrifsa til sín hillurnar. Sömu hillur
fóru aftur í sölu nokkrum mánuð-
um síðar og náði röðin þá út fyrir
Kringluna. Þetta er ekki eina var-
an sem hefur valdið usla í Søstrene
Grene en mikill æsingur á til að
grípa um sig þegar nýjar vörulínur
fara í sölu.
Dunkin‘ Donuts
Kleinuhringjakeðjan Dunkin‘
Donuts opnaði útibú á Íslandi með
pomp og prakt á Laugavegi árið
2015. Ævintýrið varð skammlíft og
var versluninni lokað snemma á
þessu ári. Stór fjöldi fólks safnaðist
saman fyrir opnunina 2015, sum-
ir biðu jafnvel heila nótt til að eiga
möguleika á veglegum vinningi,
fríir kleinuhringir í heilt ár.
Húrra
Þónokkrir Íslendingar gátu ekki
setið á sér þegar von var á Yeezy-
-strigaskóm úr smiðju Kanye West.
Vongóðir viðskiptavinir tjölduðu
jafnvel fyrir utan verslunina Húrra
til að tryggja sér par af skónum
sem komu í takmörkuðu upplagi.
Hátt í hundrað manns biðu í röð
þegar verslunin var opnuð.
Ed Sheeran
Segja má að tónlistarmaðurinn geðþekki, Ed Sheeran, hafi hlotið góðar móttökur hérlendis þegar hann hélt
tónleika sína 10. og 11. ágúst síðastliðinn. Löng röð myndaðist fyrir utan Ed Sheeran-verslun sem hafði verið
komið fyrir í Kringlunni, og langar raðir mynduðust þegar gestir freistuðu þess að snemminnrita sig á tónleik-
ana og svo inn á tónleikana sjálfa. Þetta var einkum athyglisvert þegar Rúnar Freyr Gíslason benti á að engin
skylda væri að innrita sig snemma nema sérstakar ástæður lægu þar að baki, svo sem ef hópur hefði keypt
miða sameiginlega en ætlaði sér að mæta hver í sínu lagi. Engu að síður kom gífurlegur fjöldi tónleikagesta og
beið í röð eftir snemminnritun, röðin náði langleiðina upp á Suðurlandsbraut.
Seinna um daginn myndaðist svo röð tónleikagesta sem biðu eftir því að vera hleypt inn á tónleikasvæðið.
Sú röð náði líklega sögulegri lengd á Íslandi, eða um 1,5 kílómetrum. Röðin náði alla leið að Glæsibæ og sló
þar með út röðinni sem myndaðist á Guns n’ Roses-tónleikana á síðasta ári sem náði næstum að Glæsibæ.
Hins vegar var alls ekki gert ráð fyrir svona langri röð. Raðirnar áttu að vera þrjár og var það greinilega merkt.
Engu að síður stilltu tónleikagestir sér upp í einfalda röð sem bara lengdist og lengdist. Rúnar Freyr sagði í
samtali við Vísi að lengd raðarinnar mætti skýra með hjarðhegðun. Fólk hafi farið í ranga röð þrátt fyrir skýrar
merkingar. „Þá er fólk þannig að það eltir aðra og heldur að það eigi að gera það sama og hinir.
Erla Dóra
erladora@dv.is