Morgunblaðið - 23.05.2019, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 23. MAÍ 2019
Hefur þú prófað nýju
kjúklingasteikurnar?
NÝTT OG
SPENNANDI
FRÁ HOLT
A
Aðalfundur
Breytt dagsetning
Aðalfundur Vörubílastöðvarinnar Þróttar hf. verður haldinn
að Sævarhöfða 12, þriðjudaginn 4.6.2019 klukkan 19:00.
Dagskrá aðalfundar skv. 27. gr. laga Vörubílstjórafélagsins
Þróttar.
Stjórnin.
Andrúm arkitektar fengu fyrstu
verðlaun í hönnunarsamkeppni sem
haldin var um nýjan leikskóla á Sel-
tjarnarnesi. Niðurstaðan var kynnt
17. maí við opnun sýningar á öllum
innsendum tillögum en þær voru 27
talsins frá innlendum og erlendum
arkitektum. Vinningstillagan heitir
Undrabrekka og eru höfundar henn-
ar arkitektarnir Haraldur Örn Jóns-
son, Hjörtur Hannesson og Kristján
Garðarsson. Í umsögn dómnefndar
um vinningstillöguna segir m.a.:
„Mjög metnaðarfull tillaga sem
mætir vel forsendum í keppnislýs-
ingu. Heildaryfirbragð leikskólans
er áhugavert og ásýnd hans styrkir
miðbæjarrými Seltjarnarness.
Byggingin er skemmtilega brotin
upp og vel staðsett á lóð með tilliti til
aðkomu og umferðar. Með því að
byggja yfir bílastæði náði þessi til-
laga stærsta útisvæði þeirra tillagna
sem komust á 2. þrep keppninnar.“
Dómnefndin sagði einnig að tillagan
væri sérlega vel unnin í alla staði og
framlögð gögn til fyrirmyndar.
Þrjár aðrar tillögur fengu sérstök
verðlaun. Höfundar þeirra eru THG
arkitektar, ASK arkitektar ehf. og
Teiknistofa arkitekta – Gylfi Guð-
jónsson og félagar ehf.
Í greinargerð Andrúms arkitekta
með vinningstillögunni kemur m.a.
fram að hún byggist á hugmynd um
barnshöndina „þar sem lófinn er
miðjan – salurinn og fjölnotarýmin
auk stjórnunarrýma. Deildirnar eru
svo fingurnir sem teygja sig til suð-
urs að útisvæðum.“
Tillagan er sögð gefa fyrirheit um
nýja nálgun við mótun leikskóla-
starfs. Byggingin taki sterka stöðu á
horni Suðurstrandarvegar og Nes-
vegar og leggi sitt af mörkum við að
skapa fallega götumynd á þessum
krossgötum. Bílar fá hvorki að setja
svip á götumynd né stela af leik-
svæði. Leikskólastarfið verður í
nánd við iðandi bæjarlífið og börnin
sýnileg í leik og starfi. gudni@mbl.is
Teikning/Andrúm arkitektar
Undrabrekka Fyrirmynd leikskólans sem teiknaður er á horni Suðurstrandar og Nesvegar er barnshöndin.
Tillaga Andrúms vann
 Hönnunarsamkeppni um nýjan leikskóla á Seltjarnarnesi
 27 tillögur bárust frá innlendum og erlendum arkitektum
Sigtryggur Sigtryggsson
sisi@mbl.is
Umræða um þriðja orkupakkann
hefur staðið yfir linnulítið á Alþingi
undanfarna daga. Þingfundi var
slitið klukkan 8.41 í gærmorgun og
hafði hann þá staðið yfir í rúmar 19
klukkustundir.
Þingmenn Miðflokksins hafa nán-
ast verið einráðir í þessum um-
ræðum. Þeir flytja hverja ræðuna
af annarri um málið og fara svo í
andsvör hver við annan.
Þetta hefur orðið til þess að
þingmenn flokksins hafa rokið upp
listann yfir þá þingmenn sem
lengst hafa talað á yfirstandandi
þingi, 149. löggjafarþinginu..
Birgir Þórarinsson í Miðflokki er
í nokkrum sérflokki og stefnir
hraðbyri að titlinum „Ræðukóngur
Alþingis.“ Þegar fundi var slitið í
gærmorgun hafði Birgir flutt 518
ræður og athugasemdir á yfirstand-
andi þingi og talað samtals í 1.505
mínútur, eða 25 klukkustundur.
Þegar staðan var tekin fyrir
rúmum mánuði síðan, 19. apríl,
voru þeir svo að segja hnífjafnir
Birgir og Þorsteinn Víglundsson,
þingmaður Viðreisnar. Þorsteinn
heldur enn 2. sætinu, hefur talað í
1.108 mínútur. Þorsteinn Sæmunds-
son Miðflokki hefur talað í 1.076
mínútur og nálgast nafna sinn óð-
fluga. Björn Leví Gunnarsson Pír-
ati hefur talað í 907 mínútur og í 5.
sæti er Ólafur Ísleifsson Miðflokki,
sem hefur talað í 858 mínútur.
Bryndís Haraldsdóttir Sjálfstæð-
isflokki hefur talað lengst þing-
kvenna, eða í 847 mínútur. Bjarni
Benediktsson Sjálfstæðisflokki hef-
ur talað lengst ráðherra eða í 790
mínútur.
Umræða um 3. orkupakkann hélt
áfram síðdegis í gær. Þá voru
nokkrir þingmenn Miðflokksins enn
á mælendaskrá. Þar á meðal Birgir
Þórarinsson, sem ætlaði að flytja
sína 13. ræðu og fleiri ræður þegar
á daginn leið.
Samkvæmt yfirliti á vef Alþingis
í gærmorgun höfðu þingmenn flutt
12.299 ræður og athugasemdir á yf-
irstandandi þingi og talað samtals í
559 klukkustundir.
Miðflokksmenn
„reykspóla“
upp ræðulistann
 Birgir Þórarinsson hefur talað oftar
en 500 sinnum  25 tíma ræðuhöld
Morgunblaðið/Kristinn Magnússon
Birgir Þórarinsson Hefur margt til
málanna að leggja um orkupakka.
Helgi Bjarnason
helgi@mbl.is
Forsætisnefnd Alþingis ákvað í gær
að gera þær breytingar á starfsáætl-
un þingsins að þingfundir verði síð-
degis í dag og á morgun, að afloknum
nefndafundum. Búast má við því að
fundirnir standi fram á nótt, ef þing-
menn Miðflokksins halda áfram mál-
þófi í seinni umræðu um staðfestingu
á þriðja orkupakkanum. Forseti Al-
þings vonast til að mál skýrist í viku-
lokin, eftir að nefndir hafa að mestu
leyti lokið afgreiðslu mála, en útilok-
ar ekki að þingið þurfi að starfa leng-
ur en til 5. júní þegar því átti að ljúka
samkvæmt starfsáætlun.
Met í næturfundahöldum
Umræður um þriðja orkupakkann
stóðu frá því kortér yfir þrjú í fyrra-
dag og þangað til fundi var slitið
klukkan 8.41 í gærmorgun. Þing-
menn Miðflokksins sátu að mestu
einir að ræðustólnum. Þingfundur-
inn stóð raunar frá klukkan 13.30,
eða í rúmar 19 klukkustundir. Er
þetta sá þingfundur sem staðið hefur
lengst fram á morgun frá því Alþingi
var gert að einni málstofu. Fyrra
metið var 19. desember 1996 þegar
fundi var slitið kl. 7.59 morguninn
eftir. Næturfundurinn fór í að ræða
öryggi raforkuvirkja og fleiri mál.
Dæmi eru um lengri fundi í deildum
Alþingis á árum áður, til dæmis um
kvótafrumvarpið 1984.
„Það hefur vissulega farið mikill
og dýrmætur tími í þetta eina mál
sem enn er til umræðu. Það er aðeins
farið að setja áætlanir okkar úr
skorðum,“ segir Steingrímur J. Sig-
fússon, forseti Alþingi, spurður um
þinghaldið framundan. Forsætis-
nefnd hefur brugðist við með því að
lengja fundi fram á nótt og bæta við
þingfundum, eftir nefndafundi í dag
og á morgun. „Þetta fer fljótlega að
bitna á þeim málum sem við annars
hefðum verið að vinna með. Það
verður ennþá verra ef ekki tekst að
leysa málið fyrir helgi.“
Á meðan rætt er um þriðja orku-
pakkann afgreiða nefndirnar frá sér
mál sem sett eru á dagskrá þingsins
til síðustu umræðu en komast ekki
að. Á fundi þingsins í gær voru 20
mál á dagskránni. Búist er við að það
bætist á þann hlaða á nefndafundum
í dag og á morgun en þá eiga nefnd-
irnar að vera búnar að afgreiða
helstu mál.
Steingrímur segir að staðan
skýrðist betur undir lok vikunnar.
Ef það mál sem nú tefur afgreiðslu
annarra mála verður þá frá reiknar
Steingrímur með að farið verði að
ræða alvarlega um það hvernig hægt
verði að ljúka þingstörfum. Sam-
kvæmt starfsáætlun er stefnt að
þingfrestum 5. júní. Fram til þess
tíma eru 4 þingfundardagar, auk
þeirra tveggja kvöldfunda sem boð-
aðir hafa verið, og svo eldhúsdagur
fyrir almennar stjórnmálaumræður.
Steingrímur segir að ef ekki takist
að ljúka vinnunni á þessum tíma
gæti þurft að funda eitthvað lengur.
Bætt við tveimur
kvöldfundum á Alþingi
 Stefnt að þingfrestun 5. júní  Gæti þurft að funda lengur
Morgunblaðið/Hari
Alþingi Sigmundur Davíð Gunnlaugsson, formaður Miðflokksins, og félagar
hans í þingflokknum eru í aðalhlutverki á maraþonfundum í þinghúsinu.