Morgunblaðið - 23.05.2019, Blaðsíða 28

28 FRÉTTIRInnlent
MORGUNBLAÐIÐ FIMMTUDAGUR 23. MAÍ 2019
SÖLUAÐILAR
Reykjavík:
Gullbúðin Bankastræti 6 s:551-8588
Meba Kringlunni s: 553-1199
Michelsen Úrsmiðir Kringlunni
s: 511-1900
Michelsen Úrsmiðir Laugavegi 15
s: 511-1900
Kópavogur:
Klukkan, Hamraborg 10 s: 554-4320
Meba Smáralind s: 555-7711
Hafnarfjörður:
Úr & Gull Firði-Miðbæ Hafnarfjarðar
s: 565-4666
Keflavík:
Georg V. Hannah, úrsmiður Hafnargötu 49
s: 421-5757
Akureyri:
Halldór Ólafsson úrsmiður Glerártorgi
s: 462-2509
Akranes:
Guðmundur B. Hannah, úrsmiður
Suðurgötu 65 s: 431-1458
Egilsstaðir:
Klassík Selási 1 s:471-1886
Selfoss:
Karl R. Guðmundsson, úrsmiður
Austurvegi 11 s: 482-1433
Vestmannaeyjar:
Geisli Hilmisgötu 4 s: 481-3333
Guðmundur Magnússon
gudmundur@mbl.is
Fyrsti viðburðurinn tengdur for-
mennsku Íslands í Norðurskauts-
ráðinu verður ráðstefna um viðskipti
á norðurslóðum í sendiráði Íslands í
Washington í dag. Guðlaugur Þór
Þórðarson utanríkisráðherra ávarp-
ar ráðstefnuna og
segir frá
áherslum Íslands
á þessu sviði og
tekur síðan þátt í
pallborðsumræð-
um þar sem rætt
verður um fjár-
festingar á svæð-
inu.
„Það eru mikil
tímamót fram
undan,“ sagði
Guðlaugur Þór í samtali við Morg-
unblaðið í gær og vísaði til þeirra
tækifæra og áskorana sem skapast
þegar nýjar siglingaleiðir opnast um
norðurslóðir. Talað væri um að sigl-
ingatíminn á milli Asíu og Evrópu
myndi styttast um 40% og það væri
ekki ósvipuð bylting og þegar Pan-
amaskurðurinn og Súezskurðurinn
opnuðust. „Þá er afskaplega mikil-
vægt að öll þau samskipti verði með
friðsamlegum og uppbyggilegum
hætti og unnið verði með sjálfbærni
að leiðarljósi,“ segir utanríkisráð-
herra. Hann nefnir að sjálfbærni nái
ekki aðeins til umhverfismála heldur
einnig til félagsmála og efnahags-
mála.
Guðlaugur telur nauðsynlegt að
Íslendingar taki frumkvæði á nokkr-
um sviðum umræðna um málefni
norðurslóða, ekki síst um öryggis- og
björgunarmál.
„Það verða ekki margir aðrir stað-
ir mikilvægari en Ísland þegar kem-
ur að þessum þáttum,“ segir hann.
Hann segist hafa talað lengi fyrir því
að miðstöð leitar og björgunar á
norðurslóðum verði hér á landi og
fengið ágætar undirtektir, en mikil
vinna sé fram undan til að koma
þessu verkefni í höfn. Þetta sé eitt
þeirra mála sem eru efst á lista Ís-
lands meðan það gegnir formennsku
í Norðurskautsráðinu.
Guðlaugur Þór er bjartsýnn á að á
næstu árum muni fjárfestingar
Bandaríkjamanna á Íslandi aukast.
Þær hafi þegar tekið við sér. Á síð-
ustu fimm árum hafi 35% erlendra
fjárfestinga hér verið bandarísk.
Ráðstefnan í sendiráðinu í Wash-
ington er haldin undir yfirskriftinni
„Doing Business in the Arctic“. Að
henni standa Íslensk-ameríska við-
skiptaráðið (IACC), sendiráðið í
Washington, Efnahagsráð norður-
slóða (AEC) og Wilson Center’s Pol-
ar Institute í Washington. Þátttak-
endur eru bæði úr íslensku og
bandaríska viðskiptalífi auk banda-
rískra embættismanna og sendiráðs-
starfsmanna. Ráðstefnan er önnur
sinnar tegundar um viðskipti á milli
Íslands og Bandaríkjanna sem IACC
hefur staðið fyrir. Hin fyrri var hald-
in vorið 2015 og var mjög vel sótt.
Tímamót með nýrri siglingaleið
 Ráðstefna um viðskipti á norðurslóðum í sendiráði Íslands í Washington í dag
 Utanríkisráðherra vill að miðstöð leitar og björgunar á svæðinu verði á Íslandi
Morgunblaðið/RAX
Jökulstál Jöklar eru síbreytilegir enda bráðna þeir og ummyndast á degi hverjum. Þeir draga upp hinar ólíkustu
myndir af kynjaverum eins og sjá má á þessum sem eru í Breiðamerkurjökli.
„Rax er mikill
frumkvöðull og
það er heiður
og ánægja að
myndir hans
skuli sýndar í
tengslum við
ráðstefnuna,“
segir Guð-
laugur Þór
Þórðarson ut-
anríkisráðherra. Hann segir að
Ragnar Axelsson sé fremstur í
að ljósmynda á norðurslóðum
og myndir hans hafi vakið fólk
um allan heim til umhugsunar.
Sýning á ljósmyndum Ragn-
ars Axelssonar frá norð-
urslóðum undir yfirskriftinni
„Jöklar“ stendur nú yfir í sendi-
ráðinu í Washington. Samnefnd
bók RAX kom út fyrir síðustu jól
og hlaut mjög góðar viðtökur.
Ljósmyndirnar eru teknar á und-
anförnum tíu árum. Þær hafa
vakið athygli vestanhafs og birti
t.d. stórblaðið New York Times
nokkrar þeirra og viðtal við RAX
í lok síðasta árs. Myndirnar eru
öðrum þræði hugsaðar sem
heimild um veröld sem er að
hverfa, en því hefur verið spáð
að jöklar á Íslandi muni láta und-
an síga á næstu 150 til 200 ár-
um.
Jöklamyndir
RAX til sýnis
NORÐURSLÓÐIR
Ragnar
Axelsson
Guðlaugur Þór
Þórðarson