Morgunblaðið - 23.05.2019, Blaðsíða 37

FRÉTTIR 37Innlent
MORGUNBLAÐIÐ FIMMTUDAGUR 23. MAÍ 2019
Vínlandsleið 16
Grafarholti
urdarapotek.is
Sími 577 1770
Opið virka daga kl. 09.00-18.30
og laugardaga kl. 12.00-16.00
Hlökkum til að sjá þig!
Okkar metnaður er að veita ávallt
faglega og góða þjónustu
Sigtryggur Sigtryggsson
sisi@mbl.is
Hinn 85 ára gamli hverfill gömlu
Gufustöðvarinnar í Bjarnarflagi er
hættur að snúast og hefur þar
með lokið hlutverki sínu. Gamla
gufustöðin í Bjarnarflagi hóf
vinnslu rafmagns árið 1969 og er
hún elsta jarðhitastöð Íslands.
Vélasamstæðan er af gerðinni
British Thomson-Houston (BTH),
en hún hafði áður verið rekin í
sykurverksmiðju í Bretlandi frá
árinu 1934. Gamla vélasamstæðan
hafði gefið verulega eftir undan-
farin ár og var svo komið að hún
framleiddi lítið rafmagn og var
orðin varasöm að vinna við.
Landsvirkjun samdi við fyrir-
tækið Green Energy Geothermal
(GEG) um að endurnýja vélbúnað
gömlu gufustöðvarinnar og hófst
sú vinna í fyrra.
Uppsetning á vélbúnaði hófst í
júnímánuði í fyrra og lauk henni í
febrúar sl. Prófanir á endurnýj-
aðri stöð hefjast nú í maí og stefnt
er að því að stöðin verði komin í
rekstur í sumar. Með tilkomu
endurnýjaðrar Gufustöðvar eykst
afhendingaröryggi raforku í Mý-
vatnssveit, að því er fram kemur í
fréttabréfi Mývatnssvæðis, á vef
Landsvirkjunar.
Ný aflvél nýtir sama gufumagn
og sú eldri gerði, en þar sem nýtni
hennar er mun betri en þeirrar
gömlu er málafl nýju vélarinnar 5
MW. Umsókn um endurnýjað
virkjunarleyfi hefur verið í ferli
hjá Orkustofnun. Þá hefur verið
sótt um nýtingarleyfi á jarðhita-
auðlindinni til Orkustofnunar.
Mikil þróun hefur verið í nýt-
ingu jarðvarma á þessum 50 árum
og hefur uppsett afl til raforku-
vinnslu úr jarðvarma meira en
200-faldast frá því að fyrstu skref-
in voru tekin í Bjarnarflagi, segir
Steinn Ágúst Steinsson, stöðvar-
stjóri Mývatnssvæðis, m.a. í
fréttabréfinu.
Fram kemur í svari Landsvirkj-
unar við fyrirspurn Morgunblaðs-
ins að gamla vélasamstæðan er nú
í geymslu í Bjarnarflagi. Ekki er
ljóst hvað verður gert við hana en
kannaður verður áhugi fyrir því að
varðveita hana í ljósi þess að þetta
er fyrsti gufuhverfillinn (túrbína)
sem notaður var til rafmagnsfram-
leiðslu á Íslandi.
Nær aldar gamall
hverfill úr umferð
 Gufustöðin í Bjarnarflagi er elsta jarðhitastöð Íslands
Ljósmynd/Landsvirkjun
Búnaður Eftir langa og dygga þjónustu eru hjólin hætt að snúast.
200 trjábolir Um 200 trjábolum af ýmsum stærðum var hlaðið í gáminn.
Mörg tonn Rekatimbrið, sem sent er til Berlínar, vegur hátt í 9 tonn.