Morgunblaðið - 23.05.2019, Qupperneq 38

38 FRÉTTIRViðskipt | Atvinnulíf
MORGUNBLAÐIÐ FIMMTUDAGUR 23. MAÍ 2019
Skannaðu kóð-
ann til að sjá
gengið eins og
það er núna á
BAKSVIÐ
Gunnlaugur Snær Ólafsson
gso@mbl.is
Samdráttarskeið í sölu bifreiða held-
ur áfram hér á landi, og var salan
34% minni í aprílmánuði þessa árs
eða 1.201 bíll miðað við sama tímabil í
fyrra þegar salan var 1.812 bílar.
Dregur þó aðeins úr samdrættinum
þar sem hann var 41% í mars þegar
seldust 1.079 bílar samanborið við
1.833 sama mánuð 2018. Fyrstu fjóra
mánuði ársins voru seldir 3.922 bílar,
en á sama tímabili í fyrra voru seldir
6.427 bílar. Milli mars og apríl hefur
salan aukist um 122 eða 11,3%. Þá
hækkar einnig hlutfall umhverfis-
vænni bíla svo sem raf-, tengiltvinn-
og vetnisbíla og voru þeir 16% seldra
bíla í apríl, en 13% í mars. Jón
Trausti Ólafsson, formaður Bíl-
greinasambandsins, segir söluaukn-
inguna milli mánaða eftirtektarverða
þar sem hún hafi komið þrátt fyrir að
páskarnir hafi verið í apríl auk ann-
arra frídaga.
Dregur úr samdrætti
Sala til einstaklinga í apríl var 566
bílar en í fyrra 1.016 bílar sem gerir
samdrátt upp á 44,3%. „Þannig að
það er dálítið meiri samdráttur hjá
einstaklingum heldur en á markaðn-
um í heild,“ segir Jón Trausti.
„Við teljum nokkuð ljóst að það
muni draga úr samdrættinum þegar
líður á árið vegna þess að seinni hluta
árs í fyrra var minni sala heldur en á
fyrriparti ársins og við búumst við
því að nokkuð margir hafa verið að
bíða eftir kjarasamningum. Það leys-
ir ákveðna óvissu. Kaupmáttur er
góður og vextir voru lækkaðir í dag
[gær]. Það er sífellt meira í boði af
bílum sem eru tengiltvinn- eða rafbíl-
ar. Margir eru að bíða eftir því líka.
Þannig að almennt verður þetta hóf-
samt ár í bílasölu en samt verður
ágætis markaður,“ útskýrir hann og
segist telja að áhrif kjarasamninga
hafi ekki skilað sér inn í sölutölur enn
og að sala taki líklega við sér á kom-
andi mánuðum. „En það verður eng-
in flugeldasýning vegna ársins.“
Óbreytt sala notaðra bíla
Þrátt fyrir samdrátt í sölu nýrra
bíla hefur verið óbreytt ástand í
stærsta hluta markaðarins. „Það er
búið að vera mjög góður markaður
fyrir notaða bíla. Notaði markaður-
inn hefur bara verið fínn fyrstu fjóru
mánuði ársins og enginn samdráttur
í sölu notaðra bíla, hann er bara á
pari við árið í fyrra. Það er klárlega
áhugi fyrir bílakaupum,“ segir for-
maðurinn og bendir á að notaði
markaðurinn sé um 70 til 80% af
heildarmarkaði bíla.
Samdráttinn undanfarin misseri
má einnig að rekja til þess að bílaleig-
urnar hafa ekki verið að endurnýja
flota sinn jafn ört og áður, að sögn
Jóns Trausta. „Það er ágætis bókun-
arstaða hjá bílaleigunum fyrir sum-
arið. Þó að það hafi hægt á í mars og
apríl þá er ágætis útlit og bílaleig-
urnar eru kannski að endurnýja
hægar en áður, vegna þess að þær
eru ekki lengur með niðurfellingu
vörugjalda, nýta flotann sinn betur
og taka kannski þá bíla úr sölu sem
voru til sölu í vetur og nota þá í sum-
ar. Það er ekkert of mikið af notuðum
bílum á markaði í sumar.“
Metár í förgun
Formaðurinn segir þurfa að hag-
ræða og aðlaga rekstur að markaðn-
um, en á sama tíma sé mikil þörf á
endurnýjun bílaflotans þar sem aldur
bifreiða Íslendinga er mjög hár.
Hann bendir á að í fyrra hafi verið
metár í förgun bíla þegar skilað var
inn um 11 þúsund bílum til endur-
vinnslu og að meðalaldur fargaðra
bíla hafi verið 17 og hálft ár.
Minni samdráttur
Morgunblaðið/Kristinn
Bílasala Bundnar eru vonir við að sala nýrra bíla taki við sér í sumar.
 Þriðjungi minna seldist af nýjum bílum í apríl en á sama
tíma í fyrra  Óbreytt sala notaðra bíla  Met sett í förgun
23. maí 2019
Gengi Kaup Sala Mið
Dollari 123.33 123.91 123.62
Sterlingspund 156.58 157.34 156.96
Kanadadalur 91.86 92.4 92.13
Dönsk króna 18.397 18.505 18.451
Norsk króna 14.029 14.111 14.07
Sænsk króna 12.747 12.821 12.784
Svissn. franki 122.01 122.69 122.35
Japanskt jen 1.118 1.1246 1.1213
SDR 169.83 170.85 170.34
Evra 137.42 138.18 137.8
Meðalgengi/Viðskiptavog þröng 167.4028
Hrávöruverð
Gull 1276.0 ($/únsa)
Ál 1785.5 ($/tonn) LME
Hráolía 72.15 ($/fatið) Brent
Peningastefnunefnd Seðlabanka Ís-
lands ákvað í gær að lækka vexti
bankans um 0,5 prósentur. Í tilkynn-
ingu frá bankanum segir að sam-
kvæmt nýrri þjóðhagsspá Seðla-
bankans hafi hagvaxtarhorfur
breyst verulega frá síðustu spá
bankans. Í stað 1,8% hagvaxtar á
þessu ári eins og gert var ráð fyrir í
febrúar sé nú spáð 0,4% samdrætti.
Þessi umskipti stafi einkum af sam-
drætti í ferðaþjónustu og minni út-
flutningi sjávarafurða vegna loðnu-
brests. Af þessum sökum muni
framleiðsluspenna snúast í slaka á
næstunni.
Samtök atvinnulífsins fögnuðu
vaxtalækkuninni í frétt á vef sínum,
og segja hana mikið gleðiefni fyrir
heimili og fyrirtæki landsins. Lækk-
unin styrki Lífskjarasamninginn
svokallaða, með því að draga úr
vaxtakostnaði heimila og skapi svig-
rúm fyrir fyrirtækin til að mæta
kostnaðarauka kjarasamningsins.
Í frétt frá Greiningardeild Arion
banka segir að ákvörðunin sé í sam-
ræmi við væntingar greiningaraðila,
sem fyrirfram höfðu allir spáð vaxta-
lækkun, mismikilli þó. Bendir deild-
in á að hún hafi verið eini aðilinn sem
spáði 50 punkta lækkun.
Þá segir í frétt-
inni að greining-
ardeildinni sýnist
sem frekari
vaxtalækkanir
séu á leiðinni.
„[...]sýnist okkur
á máli nefnd-
arinnar að hún sé
hvergi nærri
hætt heldur búin
að girða vaxta-
lækkunarbuxurnar og tilbúin í
næstu skref. Farin eru tækin og tól-
in og viljinn og hótanir um vaxta-
hækkanir, leyst af hólmi af svigrúmi
peningastefnunnar til að mæta efna-
hagssamdrætti.“
Í sama streng tekur Jón Bjarki
Bentsson aðalhagfræðingur Íslands-
banka, í samtali við Viðskiptapúls-
inn, hlaðvarp ViðskiptaMoggans, en
hann segist verða hissa ef vaxta-
stigið verði ekki orðið töluvert lægra
fyrir áramót.
Reynir á heimilin
Seðlabankinn segir að samdráttur
í þjóðarbúskapnum muni reyna á
heimili og fyrirtæki en viðnáms-
þróttur þjóðarbúsins sé umtalsvert
meiri nú en áður. tobj@mbl.is
SÍ lækkar vexti
um 0,5 prósentur
Vextir Seðlabanki
Íslands.
 Spáir núna 0,4% samdrætti á árinu
● Fasteignaverð á
höfuðborgarsvæð-
inu hækkaði um
0,3% milli mars og
apríl. Þá hækkaði
verð á fjölbýli um
0,4% og verð sér-
býlis um 0,1%. Síð-
ustu tólf mánuði
hefur verð á fjölbýli
hækkað um 3,9% og verð á sérbýli um
6,5%. Vegin árshækkun húsnæðisverðs
nemur nú 4,7%, sem er 0,4 prósentu-
stiga hækkun frá fyrri mánuði.
Fram kemur í Hagsjá Landsbankans
að hækkun vísitölu neysluverð hafi verið
0,5% milli mars og apríl og 2,8% fyrir
síðustu tólf mánuði. „Árshækkun raun-
verðs er orðin hóflegri en áður. Þannig
var raunverð fasteigna nú í apríl um
1,8% hærra en í apríl 2018. Hækkun
raunverðs síðustu 12 mánuði er mun
minni en árin tvö þar á undan. Samsvar-
andi tölur voru 5,6% fyrir apríl 2018 og
25% fyrir apríl 2017.“ gso@mbl.is
Fasteignaverð í auknum
takti við neysluverð
STUTT
● Það var grænt um að litast í Kauphöll
Íslands í gær og virðist markaðurinn
hafa tekið afar vel í stýrivaxtalækkun
Seðlabankans upp á 0,5 prósentur. Að-
eins Marel lækkaði í verði, um 0,17% en
13 félög hækkuðu um 1,5% eða meira.
Mest hækkuðu bréf í fasteignafélaginu
Regin um 3,1% í 460 milljón króna við-
skiptum. Reitir hækkuðu um 3,09%.
Vel tekið í vaxtalækkun
í Kauphöll Íslands
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
R
GUNA
GÓÐAR
I