Morgunblaðið - 17.08.2019, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 17. ÁGÚST 2019
Höskuldur Daði Magnússon
hdm@mbl.is
„Þetta er eins konar þekkingar-
vottun innan bjóriðnaðarins,“ segir
Hjörvar Óli Sigurðsson, 25 ára bar-
þjónn á Brewdog Reykjavík við
Hverfisgötu.
Hjörvar varð á dögunum fyrsti Ís-
lendingurinn sem getur kallað sig
„certified cicerone“. Þann titil hljóta
þeir sem ljúka öðru stigi af fjórum í
fræðunum hjá alþjóðlegu vottunar-
fyrirtæki. Eftir langan og strangan
undirbúning gekkst Hjörvar undir
fjögurra klukkustunda próf í Stokk-
hólmi og stóðst það með ágætum.
„Fyrst er þriggja tíma skriflegt
próf þar sem þú þarft til dæmis að
geta borið kennsl á 72 mismunandi
bjórstíla. Svo kemur smakkkafli þar
sem maður þarf að þekkja spilli-
bragð í bjór. Það er mjög praktískt,
maður þarf að þekkja þetta í bjór-
bransanum. En þetta var djöfullega
erfitt próf og á að vera það,“ segir
Hjörvar.
Hjörvar segir að orðið cicerone
komi úr latínu og þýði leiðbeinandi.
Þessi vottun sé að einhverju leyti
hliðstæð við að vera lærður vínþjónn,
sommelier. Hann segir aðspurður að
nokkrir Íslendingar hafi lokið fyrsta
stigi cicerone-prófsins enda geri
Brewdog kröfu um að starfsfólk sitt
geri það. Hann kveðst vona að fleiri
feti í fótspor sín og auki við þekk-
inguna með þessum hætti. „Það er
mikil þörf á þessu myndi ég segja.
Flestir veitingastaðir á Íslandi hefðu
gott af því að láta starfsfólk fræðast
um bjór enda margir komnir með
fjölbreyttan bjórlista. Bjórfram-
leiðsla er flott á Íslandi en það má
bæta hana. Þetta kerfi er að mínu
mati rosalega góð leið til þess.“
Hjörvar er að norðan og segir að
áhugi á bjór hafi lengi fylgt sér. „Mér
hefur alltaf fundist bjór ansi góður.
Þegar fólk potaði að mér nýjum bjór
vildi ég fræðast um hann. Ég er bara
þannig gerður, ég er nörd. Hvort
sem það er um bjór, tónlist eða kaffi.
Ég fór að nördast í þessu og það þró-
aðist og vatt upp á sig.“
Hjörvar starfaði á R5 á Akureyri
fyrir þremur árum og fann að hann
hafði gaman af því að miðla af bjór-
þekkingu sinni. „Þessi hugmynd um
að geta átt sér einhvers konar feril í
bjór fór þá að verða skarpari og
skarpari. Ég var að læra sálfræði í
Háskólanum á Akureyri en hætti því
og einbeitti mér að þessu. Svo flutti
ég suður gagngert til að vinna á
Brewdog Reykjavík fyrir ári.“
Fyrsti íslenski bjórsérfræðingurinn
Morgunblaðið/Árni Sæberg
Leiðbeinandi Hjörvar Óli Sigurðsson er fyrsti íslenski „cicerone“-inn, sér-
fræðingur um bjór. Hann segir þörf á fræðslu um bjór í veitingageiranum.
 Hjörvar Óli
sótti sér gráðu
Draga má þá ályktun af niðurstöðum
loftgæðamælinga við Hof á Akureyri
að útblástur svifryks, niturdíoxíðs og
brennisteinsdíoxíðs frá skemmti-
ferðaskipum hafi ekki haft heilsu-
farsleg áhrif á fólk í miðbæ Akur-
eyrar eða allra næsta nágrenni,
samkvæmt niðurlagi minnisblaðs
Verkfræðistofunnar EFLU sem
kannaði niðurstöður loftgæðamæl-
inga þar hluta ársins 2018.
Umhverfisstofnun (UST) og Akur-
eyrarbær eru með sjálfvirkan loft-
gæðamæli við menningarhúsið Hof.
Það er rúman kílómetra frá þar sem
skemmtiferðaskip leggjast að
bryggju. Hafnasamlag Norðurlands
fékk EFLU til að taka saman minnis-
blað um niðurstöður loftgæðamæl-
inga við Hof frá mars til 11. júlí 2018.
Mælingar á styrk svifryks, nitur-
díoxíðs og brennisteinsdíoxíðs sýndu
að „áhrif útblásturs af völdum
skemmtiferðaskipa í miðbæ Akur-
eyrar voru mjög lítil og vart
merkjanleg, utan við örfáa toppa fyr-
ir þessa mæliþætti sem eru þó allir
vel undir heilsuverndarmörkum“.
EFLA benti á að strompar skemmti-
ferðaskipanna væru hátt uppi og út-
blásturinn bærist því hátt upp í loft.
Mögulega næmi mælistöðin við Hof
ekki þennan útblástur nema að litlu
leyti.
Mælir mengun frá umferð
Þorsteinn Jóhannsson, sérfræð-
ingur í loftgæðum hjá UST, sagði að
mælirinn við Hof hefði verið staðsett-
ur þar fyrst og fremst til að mæla
mengun frá umferð. Hann sagði að
væri horft á vindrós fyrir Akureyr-
arbæ sæist að sjaldan stæði vindur
frá bryggjunum sem skemmtiferða-
skipin leggjast að beint að mælinum.
„Mælirinn er staðsettur þannig að
hann er ekkert endilega að grípa
mengunina frá skipunum,“ sagði
Þorsteinn. „Vindáttin á Akureyri
stendur yfirleitt inn eða út fjörðinn.
Mengunin frá skipunum fer í raun-
inni mjög sjaldan á Hof nema
kannski ef algjört logn er.“ Hann
sagði að töluverð mengun gæti borist
frá skemmtiferðaskipum, en þau
væru mjög há og loftgæðamælir í
tveggja metra hæð við Hof væri lík-
lega ekki kjörstaður til að mæla
mengunina frá þeim.
Ef settur væri upp loftgæðamælir
til að mæla þessa mengun sérstak-
lega þyrfti að staðsetja hann með til-
liti til ríkjandi vindáttar og hafa hann
t.d. í íbúðarbyggð, við skóla, sjúkra-
hús eða aðra starfsemi 0,5-1 kíló-
metra frá skipunum. „Okkur finnst
kannski ekki endilega marktækt að
mæla mengunina á hafnarbakkanum.
Þar býr enginn og þar er hvorki skóli
né leikskóli,“ sagði Þorsteinn.
Mengun fylgir hafnarstarfsemi
Fjórar loftgæðamælastöðvar eru í
Reykjavík. Stöðvar UST hafa verið
við Grensásveg og Húsdýragarðinn
árum saman. Sú síðarnefnda er um
1,8 km frá Skarfabakka, þar sem stór
skemmtiferðaskip leggjast að
bryggju. Enginn loftgæðamælanna í
Reykjavík er sérstaklega staðsettur
til að vakta mengun frá skipum.
„Ég get varla sagt að maður hafi
séð samband við skemmtiferðaskip í
mælingunum, en mælirinn er nátt-
úrulega talsvert langt frá,“ sagði
Þorsteinn. Hann sagði það hafa verið
nefnt meðal sérfræðinga að það gæti
verið áhugavert að mæla loftgæði í
Sundahöfn og við Gömlu höfnina.
„Hafnir eru svæði þar sem búast má
við talsverðri mengun. Þar eru
skipin, mikið af vinnuvélum og flutn-
ingabílum. Almennt talað eru þetta
mengaðir staðir,“ sagði Þorsteinn.
gudni@mbl.is
Engir loftgæðamælar við hafnir
 Mengun frá skemmtiferðaskipum vart merkjanleg í miðbæ Akureyrar  Loftmengun frá skipum í
höfn ekki sérstaklega mæld  Almennt talað eru hafnir mengaðir staðir  Þar eru margar vélar í gangi
Morgunblaðið/Sigurður Bogi
Akureyri Stór skemmtiferðaskip leggjast að bryggju rétt við miðbæinn. Loftgæðamælir við Hof, rúman kílómetra
frá skipalæginu, hefur mælt mjög litla mengun frá skipunum og langt undir heilsuverndarmörkum.
Guðni Th. Jó-
hannsson, forseti
Íslands, mun
heimsækja
Skagafjörð um
helgina og hafa
viðkomu á
nokkrum stöð-
um. Í dag, laug-
ardag, setur
hann landbún-
aðarsýninguna
og bændahátíðina Sveitasælu, sem
verður í reiðhöllinni Svaðastöðum
við Sauðárkrók.
Á sunnudag heimsæki forsetinn
svo sýninguna 1238: The battle of
Iceland. Það er stafræn upplif-
unar- og sögusýning á Sauðár-
króki sem tileinkuð er helstu stór-
atburðum Sturlungaaldarinnar í
Skagafirði. Síðdegis á sunnudeg-
inum opnar forsetinn svo sýn-
inguna Á söguslóð Þórðar kakala í
Kakalaskála í Kringlumýri í
Blönduhlíð og er það síðasti dag-
skrárliðurinn í þessari Skagafjarð-
arferð. sbs@mbl.is
Forseti Íslands í
heimsókn í Skaga-
firði nú helgina
Jóhanna Hjaltadóttir fagnar hundr-
að ára afmæli sínu í dag. Mun hún
fagna afmælinu með garðveislu á
heimili sínu ásamt börnum og barna-
börnum. Jóhanna fæddist í Eyjafirði
en foreldrar hennar voru Hjalti
Gunnarsson, bóndi á Ytri-Bakka í
Eyjafirði og síðar kaupmaður í
Reykjavík, og kona hans Ásta Ás-
geirsdóttir. Þess má geta að faðir Jó-
hönnu var bróðir Jóhannesar Gunn-
arssonar, biskups rómversk--
kaþólsku kirkjunnar, og móðir
hennar systir Ásgeirs Ásgeirssonar,
fyrrverandi forseta Íslands.
Jóhanna giftist lýðveldisárið Birni
Helgasyni frá Hnausakoti í Vestur-
Húnavatnssýslu, en hann er sam-
vinnuskólagenginn. Saman eignuð-
ust þau fimm börn og eru fjögur
þeirra enn á lífi. Sjálf útskrifaðist Jó-
hanna úr Kvennaskólanum og tók að
honum loknum kennarapróf árið
1939.
Jóhanna er prjónahönnuður og
hefur í gegnum tíðina hannað ótal
prjónamunstur fyrir ýmis fyrirtæki.
Hún segist enn stunda prjónaskap af
kappi.
„Þótt ég sé lögblind, þá kann ég
þetta utan að,“ segir Jóhanna, sem
segist enn vera með prjónaupp-
skriftirnar og mynstrin greypt í
minnið. „Líka smákökuuppskriftir,
en nú bakar unga fólkið bara fyrir
mig,“ segir hún og hlær. „Þeim þykir
gaman að því eins og mér þótti þetta
gaman á meðan ég sá betur.“
Jóhanna þakkar langlífi sitt því að
hafa alltaf borðað hollan mat og ver-
ið reglusöm.
Hún segist hlakka til afmælisveisl-
unnar og vonast eftir góðu veðri og
segir að yfirleitt sé gott veður á af-
mælisdaginn. rosa@mbl.is
Lögblind en kann prjóna-
uppskriftirnar utan að
Ljósmynd/ Jóhanna Kristín Andrésdóttir
100 ára Jóhanna ætlar að verja
deginum með fjölskyldunni.
Guðni Th.
Jóhannesson
Námskeið
að hefjast
Ármúla 38 | Sími 691 6980 | pianoskoli@gmail.com
pianoskolinn.is