Morgunblaðið - 17.08.2019, Blaðsíða 38

38 ÍÞRÓTTIR
MORGUNBLAÐIÐ LAUGARDAGUR 17. ÁGÚST 2019
–– Meira fyrir lesendur
NÁNARI UPPLÝSINGAR:
Katrín Theódórsdóttir
Sími: 569 1105 kata@mbl.is
Í blaðinu verður kynnt fullt af
þeim möguleikum sem í boði
eru fyrir þá sem stefna á
heilsuátak og bættan lífsstíl.
PÖNTUN AUGLÝSINGA:
Fyrir þriðjudaginn 20. ágúst
fylgir Morgunblaðinu
föstudaginn 23. ágúst 2019
Heilsa& lífsstíll
SÉRBLAÐ
BIKARÚRSLIT
Andri Yrkill Valsson
yrkill@mbl.is
Það er stór stund á Laugardalsvelli í
dag þar sem KR og Selfoss leiða
saman hesta sína, en klukkan 17
verður flautað til leiks í bikarúrslita-
leik kvenna í knattspyrnu í 39. sinn.
KR freistar þess að vinna fimmta tit-
il sinn í sögunni og þann fyrsta í ell-
efu ár en Selfyssingar gera þriðju
tilraun sína að fyrsta titlinum.
Það er sérstök stund að spila
bikarúrslitaleik en búast má við að
stundin verði enn einstakari fyrir
Hólmfríði Magnúsdóttur. Rang-
æingurinn er goðsögn hjá KR og
vann þrjá bikarúrslitaleiki með lið-
inu, 2002, 2007 og 2008, en verður nú
í búningi Selfoss og miðlar reynslu
sinni til leikmanna sem aldrei hafa
lyft bikarnum.
„Þetta gerist ekki stærra en þetta
hér á Íslandi. Ég er alveg búin að
segja nokkur orð við stelpurnar, en
þetta snýst aðallega um að njóta. Ég
var 15 að verða 16 ára þegar ég var í
fyrsta sinn í byrjunarliðinu í bikar-
úrslitaleik árið 2000. Það fór í
reynslubankann hjá mér og vonandi
gerist það sama hjá ungu leikmönn-
unum í okkar liði. Þetta eru leikirnir
sem maður vinnur fyrir allt undir-
búningstímabilið. Nú er bara að hafa
gaman, njóta og nýta orkuna frá
áhorfendum á jákvæðan hátt,“ sagði
Hólmfríður við Morgunblaðið í gær,
þá nýkomin af síðustu æfingu liðsins
fyrir úrslitaleikinn.
KR-taugar gleymast í leiknum
Selfoss komst í úrslitaleikinn árin
2014 og 2015 en tapaði í bæði skiptin
fyrir Stjörnunni. Á þeim árum var
Hólmfríður í atvinnumennsku og
spilaði til að mynda bikarúrslitaleik-
inn í Noregi með Avaldsnes árið
2015, og einnig 2013. Með henni í liði
þar var meðal annars Þórunn Helga
Jónsdóttir, sem nú er fyrirliði KR.
Og taugarnar til KR eru skiljanlega
sterkar hjá Hólmfríði, þar sem hún
lék yfir 100 leiki í efstu deild.
„Það vita það allir að ef ég ætti
heima í Reykjavík væri ég bara í
einu liði og það er KR. Ég var lengi í
KR og það hefur hjálpað mér mikið,
innan sem utan vallar, og ég ber til-
finningar til félagsins. En þegar
flautað er til leiks gleymist það á
meðan leikurinn stendur yfir,“ sagði
Hólmfríður, en þetta verður þó ekki
í fyrsta sinn sem hún mætir KR í
bikarúrslitum, því hún var í liði Vals
sem vann úrslitaleik liðanna 2011.
„Það verður bara gaman að mæta
þeim og það er bara frábært að þessi
tvö lið séu að spila þennan úrslita-
leik. Það sýnir að það þarf virkilega
að vinna fyrir því að komast alla leið,
það er ekkert gefins í bikarleikjum.“
Suðurlandið er með Selfossi
og KR-ingar gáfu út nýtt lag
Stuðningsmenn beggja liða munu
hittast fyrir leik. Vesturbæingar
ætla að hittast í Laugardalnum ein-
um og hálfum tíma fyrir leik og
hrista sig saman. Þá gaf KR-liðið
meðal annars út nýtt lag og tón-
listarmyndband fyrir leikinn. Sel-
fyssingar ætla að hittast fyrir austan
fjall eftir hádegi og koma svo með
rútum í bæinn. Það má því búast við
skemmtilegri stemningu á vellinum í
dag og jafnvel er búist við áhorf-
endameti. Núverandi met var ein-
mitt sett þegar Selfoss komst annað
árið í röð í úrslitaleikinn 2015 gegn
Stjörnunni, en þá voru 2.435 áhorf-
endur á Laugardalsvellinum.
„Það eru nokkur ár síðan Selfoss
komst í tvo bikarúrslitaleiki, en þá
voru stelpurnar kannski bara saddar
að ná að komast svo langt. Það er
allt annað hugarfar í dag, meira að
segja annað en var þegar ég samdi
við liðið í byrjun móts. Ég finn það
vel. Það er líka gaman við liðið að við
erum fimm leikmenn í hópnum sem
erum frá Hvolsvelli og ein frá Hellu.
Við höfum því ekki bara Selfoss á
bak við okkur, heldur erum við með
nánast allt Suðurlandið. Margir
munu koma að styðja okkur og það
sem við þurfum að gera er að mæta
á völlinn, vinna okkar vinnu og njóta
þess í leiðinni,“ sagði Hólmfríður
Magnúsdóttir við Morgunblaðið.
Frábært að þessi tvö lið
spili bikarúrslitaleik
 Reynsla Hólmfríðar vegur þungt hjá Selfossi gegn hennar gamla liði KR í dag
Morgunblaðið/Eggert
Bikarúrslit Hólmfríður Magnúsdóttir er hér á afmælisdaginn sinn að skora eitt af þremur mörkum sínum fyrir KR í
bikarúrslitaleik gegn Val 2008. Í dag verður hún hins vegar í búningi Selfoss í bikarúrslitaleiknum gegn KR.
Pepsi Max-deild kvenna
HK/Víkingur – Fylkir .............................. 0:2
Staðan:
Valur 13 12 1 0 51:8 37
Breiðablik 13 11 2 0 43:12 35
Þór/KA 14 7 3 4 27:21 24
Selfoss 13 7 1 5 17:15 22
Fylkir 14 7 1 6 20:26 22
Stjarnan 14 5 1 8 14:28 16
KR 13 4 1 8 16:27 13
ÍBV 14 4 0 10 24:37 12
Keflavík 14 3 1 10 22:31 10
HK/Víkingur 14 2 1 11 10:39 7
Markahæstar:
Elín Metta Jensen, Val ..............................13
Margrét Lára Viðarsdóttir, Val................12
Hlín Eiríksdóttir, Val.................................12
Cloé Lacasse, ÍBV......................................11
Berglind B. Þorvaldsdóttir, Breiðabliki...11
Agla María Albertsdóttir, Breiðabliki......11
Inkasso-deild karla
Fjölnir – Grótta........................................ 0:0
Þór – Haukar............................................ 1:1
Rick Ten Voorde 87. (víti) – Aron Freyr
Róbertsson 24. (víti).
Leiknir R. – Þróttur R............................. 2:1
Gyrðir Hrafn Guðbrandsson 11., Ernir
Bjarnason 89. – Lárus Björnsson 69.
Keflavík – Víkingur Ó............................. 2:1
Adolf Bitegeko 23. (víti), Dagur Ingi Vals-
son 71. – Harley Willard 30. (víti).
Staðan:
Fjölnir 17 10 5 2 34:15 35
Þór 17 9 5 3 29:17 32
Grótta 17 8 7 2 34:24 31
Leiknir R. 17 9 2 6 30:25 29
Fram 17 8 2 7 26:26 26
Keflavík 17 7 4 6 24:22 25
Víkingur Ó. 17 6 6 5 18:15 24
Þróttur R. 17 6 3 8 33:26 21
Afturelding 16 5 2 9 21:30 17
Haukar 17 3 6 8 23:33 15
Magni 16 3 4 9 18:42 13
Njarðvík 17 3 2 12 16:31 11
Markahæstir:
Pétur Theódór Árnason, Gróttu ...............13
Rafael Victor, Þrótti R...............................12
Helgi Guðjónsson, Fram ...........................12
Alvaro Montejo, Þór ....................................8
2. deild karla
Selfoss – Dalvík/Reynir.......................... 4:0
Kenan Turudija 17., 41., Adam Örn Svein-
björnsson 74., Guðmundur Tyrfingsson 84.
Kári – ÍR ................................................... 3:1
Eggert Kári Karlsson 43., Andri Júlíusson
62., Ragnar Már Lárusson 68. – Ágúst
Freyr Hallsson 50.
Staðan:
Leiknir F. 15 9 4 2 30:16 31
Vestri 15 9 0 6 20:20 27
Selfoss 16 8 2 6 36:22 26
Víðir 15 8 1 6 26:19 25
ÍR 16 7 3 6 25:23 24
Dalvík/Reynir 16 6 6 4 23:23 24
Fjarðabyggð 15 6 4 5 30:25 22
Þróttur V. 15 6 4 5 26:24 22
Völsungur 15 6 3 6 18:19 21
Kári 16 5 2 9 31:40 17
KFG 15 5 0 10 25:36 15
Tindastóll 15 1 3 11 14:37 6
KNATTSPYRNA
Breiðablik dróst gegn tuttugu-
földum Tékklandsmeisturum Sparta
Prag í 32-liða úrslitum Meistara-
deildar Evrópu í fótbolta í gær. Um
er að ræða andstæðing með mikla
reynslu af því að spila á þessu stigi
keppninnar.
„Ég held að við eigum ágæta
möguleika. Þetta verða tveir erfiðir
leikir en við munum gera allt sem við
getum til að komast áfram,“ sagði
Þorsteinn Halldórsson, þjálfari Ís-
landsmeistaranna, en Blikakonur
sluppu við allra bestu lið Evrópu.
Fyrir tveimur árum mætti Stjarn-
an öðru tékknesku liði, þáverandi
meisturum Slavia Prag, og féll
naumlega úr leik í 16-liða úrslitum.
Sparta vann titilinn af erkifjendum
sínum með naumindum árið 2018 og
fylgdi því eftir með öruggum sigri á
síðustu leiktíð, þegar liðið tapaði
ekki leik í deildinni.
Sparta hefur eins og fyrr segir
verið fastagestur í útsláttarkeppni
Meistaradeildarinnar frá árinu 2009
og fimm sinnum komist í 16-liða úr-
slit á þeim tíma, en ekki lengra. Lið-
ið komst í 8-liða úrslit tímabilið
2005-06, sem er besti árangur þess,
rétt eins og hjá Breiðabliki sem fór
jafnlangt ári síðar. Spartaði mætti
Ajax frá Hollandi í 32-liða úrslitum í
fyrra og tapaði þá samanlagt 4:1.
Sara Björk Gunnarsdóttir og liðs-
félagar hennar í Wolfsburg drógust
gegn Mitrovica frá Kósóvó.
sindris@mbl.is
Morgunblaðið/Hari
Prag-farar Blikakonur fara til Tékklands í 32-liða úrslitunum.
Mæta fastagestum í
32-liða úrslitum