Morgunblaðið - 17.08.2019, Blaðsíða 48

Tónlistarkonan Magga Stína flytur
úrval laga við ljóð Halldórs Lax-
ness, auk laga eftir Megas, á stofu-
tónleikum Gljúfrasteins á morgun
kl. 16. Stofutónleikar Gljúfrasteins
eru haldnir hvern sunnudag frá júní
til 25. ágúst og eru miðar seldir í
safnbúð Gljúfrasteins samdægurs
en ókeypis er fyrir börn á leikskóla-
aldri.
Magga Stína flytur lög
við ljóð Laxness
LAUGARDAGUR 17. ÁGÚST 229. DAGUR ÁRSINS 2019
5 6 9 0 9 0 0 0 0 0 9 0 0
Í lausasölu 1.150 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Fylkiskonur unnu gríðarlega mikil-
vægan 2:0-sigur gegn HK/Víkingi
þegar liðin mættust í úrvalsdeild
kvenna í knattspyrnu, Pepsi Max-
deildinni, í 14. umferð deildarinnar
í Fossvogi í gær. Sigur Árbæinga
þýðir að nýliðarnir eru svo gott sem
öruggir með sæti sitt í efstu deild á
næstu leiktíð. Staða HK/Víkings
heldur áfram að versna. »41
Nýliðar Fylkis í fínum
málum eftir sigur
Friðrik Rafnsson þýðandi flytur er-
indi í Hlöðunni á Kvoslæk í Fljóts-
hlíð á morgun kl. 15. Mun hann
ræða almennt um skáldsögur tékk-
nesk/franska rithöfundarins Mil-
ans Kundera og viðtökur þeirra hér
á landi. Kundera og eiginkona hans,
Vera, hafa oft komið til Íslands og
hafa íslenskar bókmenntir haft
áhrif á bækur hans. Kundera hefur
skrifað á annan tug bóka og hefur
Friðrik Rafnsson þýtt þær allar á ís-
lensku og kynnst honum
persónulega.
Fyrirlesturinn er öll-
um opinn og að honum
loknum boðið upp á
kaffi.
Friðrik fjallar um Milan
Kundera á Kvoslæk
ÍÞRÓTTIR FÓLK Í FRÉTTUM
Steinþór Guðbjartsson
steinthor@mbl.is
Einar Hansberg Árnason lagði í gær
af stað í hringferð til að styðja átak
UNICEF á Íslandi gegn ofbeldi á
börnum. Á einni viku, eða til 24.
ágúst ætlar hann að stoppa í 36 sveit-
arfélögum og róa, skíða eða hjóla í
sérstökum þrektækjum 13.000
metra á hverjum stað, einn metra
fyrir hvert barn sem brotið er á.
Þátttaka Einars í átakinu hófst á
Akranesi og hann lýkur ferðinni með
því að hlaupa maraþon í Reykja-
víkurmaraþoninu til stuðnings UNI-
CEF. „Ég er ekki auðugur fjárhags-
lega en ég hef ýmislegt að gefa og
þetta er mín leið til þess,“ segir
hann.
Um 18% barna á Íslandi verða fyr-
ir líkamlegu eða kynferðislegu of-
beldi fyrir 18 ára aldur, eða um
13.000 börn. Síðastliðið vor hóf UNI-
CEF fyrrnefnt átak undir yfirskrift-
inni „Stöðvum feluleikinn“. Ingi-
björg Magnúsdóttir verkefnisstjóri
segir að því ljúki þegar markmið-
unum verði náð í öllum sveitar-
félögum, að þau setji sér skýra við-
bragðsáætlun gegn ofbeldi á
börnum. Liður í átakinu sé að þrýsta
á stjórnvöld til að koma upp ofbeldis-
varnaráði. Inni í tölum um ofbeldi
séu ekki börn sem verði fyrir van-
rækslu, andlegu ofbeldi eða einelti
og því megi ætla að tölurnar séu
töluvert hærri. „Það hræðir okkur,“
segir Ingibjörg.
Samtaka í stuðningnum
Þegar Einar heyrði af herferð
UNICEF segist hann hafa viljað
leggja eitthvað af mörkum og eftir að
hafa ráðfært sig við eiginkonuna Ás-
gerði Örnu Sófusdóttur hafi þau
útbúið áætlun sem UNICEF hafi
samþykkt. „Mér fannst tilvalið að
enda þetta á maraþoni til styrktar
UNICEF,“ segir hann og bætir við
að þetta verði í fyrsta sinn sem hann
hlaupi svo langa vegalengd. „Ég hef
mest hlaupið 13 kílómetra í einu.“
Hann leggur áherslu á að hann sé
ekki í keppni heldur reyni að ljúka
hlaupinu til styrktar góðu málefni.
„Ég vona bara að ekki verði búið að
loka brautinni þegar ég klára.“ Þess
má geta að fyrr í sumar gekk Einar
100 km með sleða í eftirdragi og farg
á bakinu til styrktar Krabbameins-
félagi Hvammstangahéraðs og áður
hafði hann róið 500 km í róðrarvél til
styrktar öðrum góðum málstað.
Einar er með aðstoðarmenn í ferð-
inni og UNICEF er með tvo fulltrúa
á hverjum stað til þess að upplýsa
fólk um málefnið og taka við undir-
skriftum til stuðnings við það.
„Konan mín er heilinn á bak við
þetta, en bróðir minn er með mér og
fjölskyldan er til taks,“ segir Einar,
en nánari upplýsingar og dagskrá
ferðarinnar má sjá á heimasíðu UNI-
CEF (unicef.is).
Ljósmynd/Árni Svanur Guðbjörnsson
Keppnismaður Einar Hansberg Árnason styrkir átak UNICEF gegn ofbeldi á börnum á óvenjulegan hátt.
Vekur athygli á ofbeldi
gegn börnum í landinu
 Einar rær, skíðar eða hjólar fyrir börnin í átaki UNICEF