Morgunblaðið - 17.08.2019, Blaðsíða 44

44 MENNING
MORGUNBLAÐIÐ LAUGARDAGUR 17. ÁGÚST 2019
karakter_smaralind
verslunin.karakter
Smáralind
NÝ GLÆSILEG
HAUSTSENDING FRÁ
AF SÖNGLEIK
Helgi Snær Sigurðsson
helgisnaer@mbl.is
Söngleikurinn We Will Rock You,
sem skrifaður var í kringum helstu
smelli hljómsveitarinnar Queen,
var frumsýndur í Dominion-
leikhúsinu á West End í London ár-
ið 2002 og lauk sýningum rúmum
12 árum síðar. Höfðu þá rúmlega
6,6 milljónir miða verið seldar á yf-
ir 4.600 sýningar í leikhúsinu.
Söngleikurinn er fyrir vikið einn sá
vinsælasti í sögu West End sem er
býsna merkilegt í ljósi þeirra hörm-
ungardóma sem hann hlaut í upp-
hafi. Aðalframleiðandi sýningar-
innar hafði áhyggjur af því að fara
á hausinn eftir fámennið á frum-
sýningardag. Þær áhyggjur reynd-
ust óþarfar.
Óvægin gagnrýni
Breskir gagnrýnendur eiga
það til að vera óvægnir og spöruðu
þeir ekki stóru orðin í garð Queen-
sýningarinnar. Dagblaðið The
Guardian sagði söngleikinn minna
á menntaskólasýningu, götublaðið
The Daily Mirror sagði réttast að
skjóta höfundinn, Ben Elton, og
The Daily Telegraph sagði öruggt
mál að söngleikurinn myndi drepa
fólk úr leiðindum.
Þeir gagnrýnendur sem héldu
að We Will Rock You myndi drepa
fólk úr leiðindum höfðu heldur bet-
ur rangt fyrir sér. Til viðbótar fyrri
tölum um aðsókn hafa yfir 16 millj-
ónir manna séð verkið í upp-
færslum víða um heim og talan fer
hækkandi með hverjum degi.
Hvað veldur? Jú, í fyrsta lagi
sívinsæl tónlist Queen sem fólk
virðist aldrei verða leitt á. Í öðru
lagi er þetta hreinræktuð af-
þreying, tæplega þriggja klukku-
stunda löng skemmtun sem er ekk-
ert að reyna að vera jafngáfuleg og
Vesalingarnir. Sagan er algjört bull
og klisja, dystópía með syngjandi
og dansandi kristsgervingi í miðið
og satanísku illmenni. Segir af
heimi þar sem eitt fyrirtæki hefur
öll völd yfir mannkyni, leitt af Kill-
er Queen, drápsdrottningunni sem
Ragga Gísla leikur. Hennar hægri
hönd er Kasoggí, leikinn af Birni
Jörundi. Hans helsta hlutverk er að
halda aftur af andspyrnuhreyfingu
og passa að hún flytji ekki tónlist
eða leiki á hljóðfæri. Aðeins stein-
geld tónlist alvaldsins er leyfð í
þessum framtíðarheimi og engar
upplýsingar að fá um veröld sem
var. Spádómar segja þó að „hinn
eini“ muni finna falið hljóðfæri og
vekja tónlistina til lífsins á ný.
Rokkið á að bjarga heiminum.
Fagnaðarlæti
Auðvitað er þetta algjör þvæla
og kjánahrollur hríslaðist um mig
af og til. Það skiptir þó litlu máli því
fólk skemmti sér vel og fagnaðar-
lætin voru mikil á frumsýningunni í
fyrrakvöld í Háskólabíói. Átta ára
sonur minn, mikill Queen-unnandi,
var alsæll þótt sýningin væri í
lengsta lagi fyrir hann.
Þrátt fyrir tæknilega örðug-
leika (hljóðnemar duttu út hjá leik-
urum nokkrum sinnum og ójafn-
vægi var í hljóðstyrk milli söngs og
hljóðfæraleiks) gekk allt vel á
heildina litið. Mikið mæddi á döns-
urum, sem voru glæsilegir, og það
sama má segja um aðalleikarana,
mjög svo misreynda á sviði. Laddi
kitlaði hláturtaugarnar og hljóm-
sveitin rokkaði vel. Lagatextarnir
voru líka lipurlega þýddir. Engin
ástæða til að skjóta þann þýðanda,
ekki frekar en höfundinn Elton.
Rokkið bjargar heiminum
Fjör Það gengur mikið á í söngleiknum We Will Rock You sem frumsýndur var í fyrrakvöld í Háskólabíói. Laddi, Króli (Kristinn Óli Haraldsson), Katla Njálsdóttir og Björn Jörundur stóðu sig vel.
»Mikið mæddi ádönsurum, sem voru
glæsilegir og það sama
má segja um aðalleik-
arana, mjög svo mis-
reynda á sviði.
Ljósmyndir/Brynjar Snær Þrastar
Háskakvendi Dansarar í We Will Rock You með drápsdrottningunni, Killer Queen, sem Ragga Gísla leikur.
Teknófiðludúóið Geigen & plötu-
snúðatvíeykið Dj Dominatricks
sameina krafta sína
í rave-gjörningateitinni Geigen
Galaxy #4 í Tjarnarbíói í kvöld kl.
21. Geigen mun hefja ferðalagið
með „magnþrungnum hljóðum fiðl-
unnar sem breytast í rafbylgjur og
stjörnuryk með þeim afleiðingum
að rýmið verður að svartholi“, eins
og því er lýst í tilkynningu. Þá taka
Dj Dominatricks við og flytja gesti
á milli sólkerfa með dynjandi takti
og hreyfimyndum. Geigen skipa
Gígja Jónsdóttir og Pétur Eggerts-
son og Dj Dominatriks eru Arna
Beth og Melkorka Þorkelsdóttir.
Geigen Gígja Jónsdóttir og Pétur Eggerts-
son skipa fiðluteknótdúettinn.
Teknófiðludúó og plötusnúðatvíeyki
Listagalleríið Stokkur Art Gallery
verður opnað á morgun kl. 15 með
sýningu Margrétar Loftsdóttur.
Galleríið er rekið af listamönnum
og sýnir Margrét útskriftarverk
sem hún gerði við University of
Cumbria ásamt nýjum viðbótum.
Framtíðin nefnist sýning Mar-
grétar og segir hún að með því að
blanda saman sakleysi barnsins og
grófum málarastíl sé leitast við að
ná fram ákveðinni þversögn í mál-
verkinu.
Stefán Hermannsson og Arn-
fríður Einarsdóttir hafa verið bú-
sett á Eyrarbakka um skeið og
standa að galleríinu. Þau munu auk
sýninga standa fyrir viðburðum á
borð við tónleika og upplestra úr
bókum. Frekari upplýsingar má
finna á stokkurartgallery.is.
Listamaðurinn Margrét Loftsdóttir.
Framtíðin í galleríinu Stokki