Skessuhorn - 01.06.2016, Blaðsíða 60
MIÐVIKUDAGUR 1. JÚNÍ 201660
Horft yfir liðið ár og litið til þess nýjaSjómannadagurinn
Óskum sjómönnum
og fjölskyldum þeirra
til hamingju með
sjómannadaginn
„Það var í aprílmánuði sem við
byrjuðum að sækja þang,“ segir
Örn Sveinsson, skipstjóri á Gretti
BA-39, skipi Þörungaverksmiðj-
unnar á Reykhólum. „Við ætluðum
að byrja mjög snemma mánaðarins
en það teygist í tímanum þegar farið
er í slippinn og eitt og annað. Kran-
inn var mjög erfiður við okkur, tók
langan tíma að fara yfir tjakkana og
þess háttar. Þetta var svoleiðis negl-
ingsfast að ég hef aldrei vitað annað
eins. Það var því ekki byrjað fyrr en
um miðjan apríl,“ segir Örn. Skip-
stjórinn segir að veður hafi verið
skaplegt frá því þangvertíðin hófst.
„Það hafa ekki verið miklar frátaf-
ir út af veðri. Sláttumennirnir hafa
verið seigir að finna skjól. Það hefur
því ekkert stopp komið í verksmiðj-
unni sem er nú bara vel af verki stað-
ið. Þeir eru aðeins með þrjá pramma
en allir þaulvanir og það hefur geng-
ið alveg ágætlega að slá,“ segir Örn.
Hann bætir því við að þar beri einn-
ig að þakka góðu viðhaldi tækja og
búnaðar. „Prammarnir voru teknir
mjög vel í gegn síðasta vetur. Það er
nú bara þannig að ef tækin eru tek-
in almennilega í gegn að þá geng-
ur þetta. Það er bráðnauðsynlegt að
gera það, annað kemur bara í bakið á
mönnum síðar, ef viðhaldinu er ekki
sinnt almennilega.“
Mikið frjó í þanginu
Örn segir að við upphaf vertíðarinn-
ar hafi þang verið sótt að Skálanesi
og aðeins að Bæjarnesi. Því næst
hafi þangskurðarmenn fært sig inn
í Kvígindisfjörð. „Þeir eru nýbyrj-
aðir núna að slá á Skarðsströndinni,
við Heinaberg og þar í nágrenninu.
Það hefur gengið mjög vel þar, langt
síðan svæðið var slegið og helling-
ur af þangi,“ segir Örn. Hann á von
á því að á næstunni fari sláttumenn-
irnir að fikra sig inn með Skarðs-
ströndinni.
Frjótíminn svokallaði sé genginn
í garð og Örn segir að búast megi
við að nú taki að hægjast á allri fram-
leiðslu þar til því lýkur um miðjan
júní. „Eftir miðjan maí fór að verða
vart við frjó í þanginu. Þessa dag-
ana sjáum við mikið frjó í blöðr-
um þangsins og það á eftir að aukast
fram yfir mánaðarmót áður en fer
að draga úr því um miðjan júní,“
segir Örn. Þegar frjó er í þang-
inu verður það margfalt þyngra og
þurrkun gengur hægar í verksmiðj-
unni. „Þetta er miklu lélegra hráefni
og maður veltir því fyrir sér hvort
það væri ekki bara skynsamlegt að
senda alla í sumarfrí meðan frjótím-
inn gengur yfir,“ segir hann léttur í
bragði. „En síðan eftir að frjótíma-
bilið gengur yfir kemur slítímabil
og mikið slí í þanginu. Eftir miðj-
an ágúst er þetta allt saman horfið,
þangið hreint og fínt og eitthvert
besta hráefni sem við finnum,“ seg-
ir Örn og bætir því við að þau gæði
haldist svo lengi sem hægt er að slá
fram á haustið. „Það er best ef hægt
er að lengja tímabilið í báða endana
því þá er besta þangið, það er léleg-
ast yfir hásumarið. Best væri að geta
slegið langt fram á haust og byrj-
að mjög snemma að vori. En það er
frostið sem skammtar okkur tímann,
það er ekki hægt að slá í frosti,“ seg-
ir skipstjórinn.
Forréttindi að sigla
um Breiðafjörð
Grettir tekur að sögn Arnar 360-370
tonn af þangi fulllestaður. Það eru
yfir hundrað þangpokar. Örn læt-
ur vel af skipinu. „Kraninn er öfl-
ugur og skipið er alveg klettstöð-
ugt þegar við erum að hífa pok-
ana upp úr sjó,“ segir Örn. „Eini
gallinn er að hann er djúpristur.
Það voru settir tveir auka kilir svo
hann myndi ekki leggjast á hliðina
ef ske kynni að fjaraði undan hon-
um. En þeir gera það aftur á móti
að hann er rosalega stöðugur,“
segir skipstjórinn og kann því vel
að sigla Gretti um Breiðafjörðinn.
„Mér líkar mjög vel. Þetta er ein-
hver albesta sjómennska sem mað-
ur kemst í og passar akkúrat fyr-
ir karla eins og mig áður en þeir
eru settir í úreldingu,“ segir Örn
og hlær við. „Svo er þetta líka svo
fallegt svæði. Það eru forréttindi
að fá að ferðast um hérna,“ bætir
hann við að lokum.
kgk
„Þetta er einhver albesta sjómennska sem maður kemst í“
- segir Örn Sveinsson, skipstjóri á Gretti BA-39
Þanginu landað á Reykhólum. Pokarnir eru opnaðir á vagn og síðan er ekið með
þangið á hráefnisplan Þörungaverksmiðjunnar.
Grettir var að leggja að bryggju á Reykhólum þegar blaðamann bar að garði í
síðustu viku. Örn Sveinsson skipstjóri sagði að nokkuð hafi vantað upp á að skipið
hafi verið fulllestað í þessari ferð.
Örn Sveinsson, skipstjóri á Gretti
BA-39, skipi Þörungaverksmiðjunnar á
Reykhólum. Ljósm. úr safni.