Dagblaðið Vísir - DV - 27.12.2019, Qupperneq 2

2 27. desember 2019FRÉTTIR
Á þessum degi,
27. desember
1831 – Charles Darwin lagði upp í
siglingu sína um Kyrrahaf.
1904 – Leikritið Pétur Pan var frum-
sýnt í London.
1936 –Ungmennafélagið Valur
var stofnað.
1956 – Staðfest voru lög um bann við
hnefaleikum á Íslandi, bæði keppni og
sýningu.
1988 – Fyrsta fasta bílnúmerið í nýju
númerakerfi var sett á bifreið Halldórs
Ásgrímssonar dómsmálaráðherra.
hlutir sem ætti að henda á áramótabrennuna
Nú færist nýja
árið sífellt nær og
margir kveðja það
gamla með því að
fara á brennu. Hér
eru fimm hlutir
sem væru best
geymdir í logun-
um.
Stjórnarskráin
Þarf eitthvað að flækja
þetta í fleiri mánuði og ár?
Hendum bara gömlu stjórn-
arskránni á bálið og búum
til nýja þar sem réttindi allra
borgara eru tryggð í bak og
fyrir, ekki bara þeirra sem
eru með djúpa vasa.
Nýja jólajógúrtin
Hvernig datt MS í hug að
breyta kurlinu? Það er ein af
stóru ráðgátum þessara jóla
og eiginlega magnað að ekki
hafi orðið meira fjaðrafok
yfir þessri nýju jógúrt. Á
bálið með hana!
Brostnar væntingar
Gamla árið er að kveðja og
það nýja að heilsa. Þá er lag
að losa sig við allar brostnu
væntingarnar, glötuðu
draumana og fólkið sem
hefur verið ömurlegt við þig
árið 2019. Taktu á móti 2020
með opnu hjarta og hreinum
skildi.
Láglaunaseðlar
Það er búið að berjast
fyrir hækkun launa þeirra
verst settu en betur má
ef duga skal. Skitnar
þrjú hundruð þúsund
krónur á mánuði fleyta
fjölskyldufólk ekki langt
og því hægt að brenna
launaseðlana á táknræn-
an hátt.
Hvatningarorð í
ramma
Vertu besta útgáfan af
sjálfum þér, dúndraðu
þessum klisjukenndu
hvatningarorðum í
ramma beint í logandi
eldinn og byrjaðu að lifa
lífinu samkvæmt þinni
eigin sannfæringu, ekki
einhverjum orðum á
blaði. Þessir rammar eru
líka svo hallærislegir að
það hálfa væri nóg.
Fleyg orð
„Svo margar bækur, svo
lítill tími.“
– Frank Zappa
EKKERT GRÍN AÐ
BÚA ÞETTA TIL
n Beðið eftir skaupi n Ekki annáll heldur tilfinning fyrir árinu
T
ökum er nú lokið á
vinsælasta sjónvarpsefni
allra landsmanna,
áramótaskaupinu, en
fjölbreyttur hópur kemur að
gerð skaupsins í ár. Reynir
Lyngdal sér um leikstjórn
en þau Dóra Jóhannsdóttir,
Þorsteinn Guðmundsson,
Hugleikur Dagsson, Jakob
Birgisson, Vala Kristín
Eiríksdóttir, Sævar Sigurgeirsson
og Lóa Hlín Hjálmtýsdóttir
sjá um handritsgerð. Að
sögn Reynis hefur hópurinn
verið einkar samstilltur og
undirbúningsvinnan gengið vel.
„Við kláruðum í síðustu viku en
mér líður eins og það sé mánuður
síðan, það er svo brjálað að gera,“
segir Reynir þegar blaðakona nær
tali af honum. „Það er auðvitað
af miklu að taka og þegar maður
skoðar árið í stóra samhenginu
fattar maður að mun meira hefur
átt sér stað en það sem maður
upplifir við fyrstu sýn. Þetta skaup
mun vonandi fanga það helsta, en
við verðum líka að hafa hugfast að
þetta er ekki annáll heldur aðeins
okkar tilfinning fyrir árinu.“
Fólkið á bak við skaupið Mjög
samstilltur hópur að sögn Reynis.
Reynir leikstýrði síðast
áramótaskaupinu 2006 og
segist ekki kominn á þann stað
að kvíða gamlárskvöldi. Hann
biður þjóðina þó um að sýna
þeim nærgætni sem koma að
framleiðslunni. „Stressið hellist
eflaust yfir mig milli jóla og
nýárs en ég hef hreinlega ekki
tíma til að hugsa um það núna.
Útgangspunkturinn var að hafa
þetta fjölbreytt og ég vona að
okkur hafi tekist það, bæði í
höfunda- sem og leikaravali. Við
förum yfir breitt svið þó að eitt
þema sé ríkjandi.“
Sjálfur segist Reynir eiga sér
nokkur eftirlætisatriði þótt hann
geti ekki greint frá því hver þau
séu nákvæmlega. „Það eru þarna
þrjú söngnúmer sem ég er ansi
sáttur við og sena sem á sér stað
í Bónus. Ég væri náttúrlega ekki
að taka þetta að mér ef ég kviði
fyrir gagnrýni, en auðvitað óska
ég þess að sem flestir njóti og
hafi gaman af. Ég vona bara að
fólk sýni okkur sem að þessu
koma kurteisi, því þó að þetta sé
grínþáttur er nákvæmlega ekkert
grín að búa þetta til.“
Hollt að þurfa að skrifa
brandara
Lóa Hlín tekur í sama streng
en hún er hokin af reynslu
þegar kemur að því að skrifa
brandara. „Þetta hefur verið
mjög skemmtilegt ferli en líka
lærdómsríkt. Það er hollt að
þurfa að skrifa brandara, bera
þá undir aðra og ekki síst – geta
tekið gagnrýni. Mér finnst gott
að æfa mig í því. Ég er sjálf með
meistaragráðu í ritlist og hef
skrifað leikrit og sjónvarpsþættina
Hulli 1 og Hulli 3 fyrir RÚV. Ég
gerði líka handrit að tveimur
teiknimyndum sem voru hluti af
skaupinu fyrir nokkrum árum,
en það var allt öðruvísi. Þá var ég
ekki hluti af skrifteyminu á sama
hátt og ég er núna.“
Aðspurð hvernig líðanin verði
á gamlárskvöld segist Lóa reikna
með því að vera róleg. „Ég er búin
að sjá mörg atriði og þetta skaup
lofar góðu. Í samstarfsverkefnum
sem þessu finnst mér best
þegar egóið er lagt til hliðar og
hagsmunir verkefnisins eru settir
ofar eigin hagsmunum. Þá er líka
auðveldara að taka gagnrýni og
ræða verkefnið án þess að taka
því of persónulega. Ég hef aldrei
verið neitt sérstaklega góð í að
taka gagnrýni en það er ákveðin
kúnst.“
Hommalagið Þetta atriði vakti
athygli í skaupinu í fyrra.
Þrátt fyrir að Jakob sé
nýgræðingurinn í hópnum segir
hann fátt hafi komið honum á
óvart við gerð skaupsins. „Ég er
auðvitað að gera þetta í fyrsta
skipti og hef því lítinn samanburð,
en ég er ákaflega þakklátur fyrir
að hafa fengið tækifæri til að
vinna með þessu frábæra fólki
sem ég lít mikið upp til. Það er
ekki sjálfgefið. Vissulega verður
þetta gamlárskvöld frábrugðið
þeim fyrri í lífi mínu, það er klárt
mál, en ég er mjög spenntur
fyrir þessu. Hvað viðbrögð
þjóðarinnar áhrærir þýðir ekki
að hafa miklar áhyggjur því ég
tel klárt að skaupið verði bæði
fyndið og skemmtilegt. En ef
það verður leiðinlegt mun ég
alfarið skella skuldinni á Þorstein
Guðmundsson.“ n
Íris Hauksdóttir
iris@dv.is
Fólkið á bak við skaupið Mjög samstilltur hópur að sögn Reynis.
Hommalagið Þetta atriði vakti athygli í skaupinu í fyrra.