Dagblaðið Vísir - DV - 27.12.2019, Blaðsíða 6

6 27. desember 2019FRÉTTIR
SPURNING ÁRSINS: HVAÐ
ER EFTIRMINNILEGAST?
S
íðasta spurning ársins
hlýtur óhjákvæmilega að
vera: hvað staðið hefur upp
úr á árinu sem er að líða.
Þessi höfðu sitt um það að segja.
Friðrik Ómar Hjörleifsson
söngvari.
„Það verður að vera fyrsta
utanlandsferðin mín með
foreldrum og systkinum til Riga
í tilefni 70 ára afmælis mömmu.“
Valgeir Sigurjónsson
flugmaður
„Það sem olli svona helstu
fjaðrafoki á þessu ári var nú
að mínu mati þegar fjölbleikt
flugfélag lokaði dyrunum og
óvissan tók við.“
Ívar Örn Sverrisson, leikari og
framleiðandi
„Klárlega það að Grete
Thunberg hristi upp í okkur. Við
verðum að breyta því hvernig
við hugsum um umhverfið
og að það þurfi að hugsa fyrir
komandi kynslóðum. Við viljum
ekki lengur stranga foreldra sem
leiðtoga heldur óeigingjarnt fólk
með góða tilfinningagreind.“
Hildur Guðmundsdóttir
„Vikuferð til Delí á Indlandi í
sumar var góð áminning um
hve heppin við Íslendingar
erum. Það er alltaf jafn magnað
að komið sé verr fram við fólk en
dýr. Annars var mitt persónulega
ár dásamlegt. Samverustundir
með fjölskyldunnni,
fæðing lítillar bróðurdóttur,
utanlandsferðir með vinum og
almenn skemmtilegheit.“
Pétur Rúnar Heimisson,
markaðsstjóri Borgarleik-
hússins
„Eftirminnilegast á árinu var að
sjá dáðasta knattspyrnumann
Garðabæjar hreinlega taka yfir
sjónvarpsþáttinn „Allir geta
dansað“. Þvílíkur dansari!“
Ólöf Helga Guðmundsdóttir
lögmaður
„Brúðkaups-dagurinn minn
er án efa eftirminnilegastur af
þessu ári sem og ógleymanleg
brúðkaupsferð í Karíbahafið
sem fylgdi í kjölfarið.“
Aldís Pálsdóttir ljósmyndari
„Ég hætti í fastri vinnu og fór að
huga að sjálfri mér. Svo átti ég
líka gott sumarfrí með fjölskyldu
minni. Nú tek ég bara fagnandi
á móti þeim verkefnum sem
berast til mín sem „freelance“
ljósmyndari.“
Alma Dögg Garðarsdóttir
nemi
„Persónulega myndi ég segja
fjölskyldufríið til Spánar sem
varði í góða fjóra mánuði, en
auðvitað var veðrið hér á Íslandi
líka æðislegt og þá sérstaklega í
sumar.“
Sævar Stormur Þórhallsson
lífskúnstner
„Þegar ég fékk að klippa á mér
hárið.“
Sigga Eyrún Friðriksdóttir
söngkona
„Vá, svo margt! Ég eignaðist
barn, gifti mig og lék líka í rugl
skemmtilegri leiksýningu í
Tjarnarbíói þar sem ég fann
Dragdrottninguna mína.“
Ísafold Salka Búadóttir
„Eftirminnilegast var þegar ég
stakk mig á marglyttu í sjónum
út í Noregi.“
Mynd: Eyþór Árnason