Dagblaðið Vísir - DV - 27.12.2019, Qupperneq 82

82 27. desember 2019STJÖRNUSPÁ
stjörnurnar
Spáð í
Happatölur: 4, 11, 36
Happadagur: Miðvikudagur
Ástin Ástalífið er stöðugra en það hefur verið undan-
farin ár. Hrúturinn er búinn að læra mikið inn á sjálfan
sig og tilfinningar og er loksins farinn að uppgötva að
hann sjálfur er nóg. Hrútar sem eru í sambandi ættu
samt að varast að tala ekki mjög opinskátt og hispurs-
laust við makann um málefni sem þeir veit að makinn á
erfitt með að opna sig um. Þótt hrúturinn þekki vel inn
á sig sjálfan verður hann einnig að bera virðingu fyrir
tilfinningum annarra – annars gæti sambandið verið í
hættu. Einhleypir hrútar eru sjálfum sér nógir þetta árið
og engin alvarleg ástarsambönd í kortunum. Kannski
bankar ástin á dyr þegar þú átt síst von á?
Framinn Þú hefur leynt og ljóst verið að setja þér mark-
mið í vinnu eða skóla og klífur metorðastigann hratt en
örugglega. Þú skalt búa þig undir að það klifur taki mik-
ið á þig andlega. Þú finnur fyrir meiri orku og vinnugleði
í byrjun árs sem hjálpar þér að koma þér af stað. Þegar
líða fer á árið færðu sífellt meira krefjandi verkefni og í
lok árs nærðu markmiðum þínum með stæl.
Fjármálin Fjárhagur er nokkuð góður. Í raun einkenn-
ist allt árið þitt af stöðugleika og þar eru fjármálin engin
undantekning. Mundu bara að spara afgangseyrinn og
koma upp varasjóð – það á eftir að vera mikið heillaspor.
Heilsan Þér líður betur líkamlega og andlega. Það er að
þakka þessari miklu sjálfskoðun sem þú hefur verið í
síðustu vikur og mánuði. Þú finnur fyrir meira jafnvægi
og það auðveldar þér að hugsa betur um hvað þú borð-
ar.
Happatölur: 3, 19, 42
Happadagur: Þriðjudagur
Ástin Nú er kominn tími til að þú skoðir þín nánustu
sambönd og ákveðir hvað þú raunverulega vilt út úr
þeim. Þú vilt kannski ekki breyta til þegar kemur að
ástinni, en það borgar sig til lengri tíma litið. Það er
algjör óþarfi að hanga í óhamingjusömu sambandi.
Opnaðu þig og vittu til – kannski er maki þinn sama
sinnis. Einhleyp naut eru með sjarmann í botni og
þurfa að passa sig á tilfinningum annarra. Ekki gefa
öðrum óþarflega mikið undir fótinn ef þú ætlar ekki
að standa við stóru orðin.
Framinn Ef þú vinnur við skrifborð allan daginn í
frekar skrifstofulegu andrúmslofti þá ættir þú að
huga að því að finna þér vinnu þar sem þú leysir
sköpunarkraftinn úr læðingi. Þú ert nefnilega miklu
meira skapandi en þú heldur og rútína og fyrirsjá-
anleiki í vinnu hentar þér illa. Þér gengur ágætlega í
vinnunni en ættir jafnvel að spá í að stofna þitt eigið
fyrirtæki til að geta verið þinn eigin herra.
Fjármálin Þú lentir í fjárhagskröggum árið 2019 sem
eiga eftir að smita út í árið 2020. Þú þarft að setja
það í forgang að laga það eins fljótt og þú getur. Það
er dýrt að skulda og erfitt að hafa fjárhagsáhyggjur
hangandi yfir sér langt fram á vor.
Heilsan Þú hefur einnig fundið fyrir því að heilsu
þinni hrakar. Þú verður að setja þig í fyrsta sæti þegar
kemur að því og velja rétt. Ekki velja mat, drykk eða
hreyfingu sem lætur þér líða illa.
Happatölur: 22, 50, 91
Happadagur: Sunnudagur
Ástin Þetta er svo sannarlega ár rómantíkurinnar eftir
mörg mögur ár. Árið 2019 stóðstu á krossgötum. Árið
2020 veistu nákvæmlega hvað þú vilt og þú ætlar að
sækjast eftir því. Ástin ber á dyr og áður en þú veist
af hrífur hún þig með sér. En þú ert með báða fætur á
jörðinni því þú ætlar ekki að lenda aftur í sambandi
með einstaklingi sem heldur aftur af þér. Þú þarft að
fá að blómstra og þú þarft að fá rými til að segja þínar
skoðanir án þess að vera dæmd/ur fyrir þær.
Framinn Það virðist sem uppsagnir hafi átt sér stað á
vinnustað þínum og þær halda áfram á nýja árinu. Þótt
þú sért örugg/ur með vinnu þá tekur þetta á móralinn
og þú byrjar að leita þér að nýju starfi. Þig langar að
söðla um og gera eitthvað allt annað. Þig langar í
álagsminni vinnu og stekkur á tækifæri sem þér finnst
kannski galið. Sú vinna er erlendis og þótt erfitt sé að
flytja búferlum þá verður þetta mikið gæfuspor í þínu
lífi.
Fjármálin Þú ert svo sem ekki í vanda stödd/stadd-
ur en peningar á milli handanna mættu vera meiri.
Þú hefur ávallt verið skynsöm/samur þegar kemur að
peningum og ef þú átt eitthvað eftir þegar þú hefur lagt
inn á sparireikning ættir þú að gera eitthvað skemmti-
legt fyrir rest.
Heilsan Þú hefur verið að taka þig á, hreyfa þig meira
og borða skynsamlegar. Þú grennist á nýja árinu og
styrkist, sem veitir þér mikla ánægju. Þú hefur meira
sjálfstraust og ánægðari með þig.
Happatölur: 26, 75, 99
Happadagur: Mánudagur
Ástin Þú lærir mikið um þig sjálfa/n út frá því hvern-
ig aðrir sjá þig. Það er ýmislegt í fari þínu sem getur
stundum gert þína nánustu gráhærða en þú bæt-
ir það upp með þínum endalausa sjarma og húmor.
Árið 2020 er frábært ár til að finna ástina fyrir krabba,
svo lengi sem þeir hafa ekki fundið hana nú þegar. Þú
þarft samt fyrst að hugsa hvað þú vilt í þínu langtíma
sambandi.
Framinn Það koma upp einhver átök á vinnustað.
Þú ert ekki í hringiðunni heldur fremur áhorfandi.
Samt sem áður taka þessi átök sinn toll og þú efast um
stöðu þína. Það leiðir af sér að þú ferð í samkeppni við
vinnufélaga. Það er hollt að fara í samkeppni en þú
skalt muna að berjast á heiðvirðann hátt.
Fjármálin Í peningamálum ert þú sveipuð/aður mik-
illi lukku. Þú færð óvænt mikið fé á fyrstu mánuðum
ársins og þú þarft engar áhyggjur að hafa.
Heilsan Þú skalt varast að hætta að hreyfa þig. Þú ert
alltaf á iði og það gefur hjartanu, æðum og lungum
mikið og gott súrefni. Það versta sem þú getur gert er
að drabbast niður í hreyfingarleysi. Mundu það.
Happatölur: 6, 13, 84
Happadagur: Sunnudagur
Ástin Breytingar einkenna ástalífið 2020. Þú kemst að
einhverju nýju varðandi maka þinn í dag. Þó að þessar
upplýsingar séu ekki hræðilegar þá breyta þær sýn þinni
á makann sem verður til þess að þú verður að endur-
hugsa sambandið, jafnvel slíta því. Þetta kemur þér ekki
á óvart því þú hefur verið að velta þessu fyrir þér í tals-
verðan tíma og lokaðir augunum fyrir vissum hlutum.
Framinn Fókusinn er í botni í vinnu eða skóla og þú hef-
ur sjaldan verið orkumeiri. Þú skilar þínu og rúmlega
það og samstarfsmenn þínir eru hálfhræddir við þessa
framtakssemi. Þú finnur þig aftur eftir áralanga hvíld –
þú varst nefnilega alltaf mjög dugleg/ur í vinnu en týnd-
ir þér í nokkur ár.
Fjármálin Þú getur verið eyðslukló, en árið 2020 mætir
sparsama ljónið á völlinn. Þú sparar meira en þú eyðir
og það er eins og þú sért að búa þig undir magra tíma.
Heilsan Þig langar að prófa nýja hluti og dregur vini
þína með á alls kyns námskeið og skemmtilegheit. Þú
hreyfir þig mikið, borðar hollari mat en heldur í nautna-
segginn innra með þér. Virkilega góð blanda. Í stuttu
máli: Þú verður þú sjálf/ur árið 2020 og verður bættari
manneskja þegar því lýkur.
Happatölur: 9, 11, 38
Happadagur: Laugardagur
Ástin Meyjan er á grænni grein í ástamálum. Árið
2019 var gjöfult þegar kom að ástinni og árið 2020
verður enn betra. Þú hefur fundið það sem þú leit-
aðir svo lengi að og gerir hvað sem er til að halda í
það. Þú hefur kynnst sjálfri/um þér alveg upp á nýtt
síðustu ár og árið 2020 nýtir þú alla þessa visku til að
gera líf þitt enn betra. Einhleypar meyjur geta átt von
á því að kynnast draumamakanum í byrjun árs.
Framinn Þú sérð allt skýrar og sérð hve mikils virði
þú ert. Þess vegna sættirðu þig ekki við neitt bull á
vinnustaðnum. Í raun er mikið rót á þér í vinnulífinu
og þú þráir að finna vinnustað sem kann að meta þig
almennilega. Að skipta um starfsvettvang gæti verið
mjög hollt fyrir þig.
Fjármálin Þú bætir þig í fjármálalæsi, enda búin/n
að ganga í gegnum alls kyns hæðir og lægðir. Þú lær-
ir betur á peninga og nærð að leggja aðeins til hliðar,
þótt erfitt sé.
Heilsan Loksins mætir orkumikla meyjan aftur á
sviðið. Þú kemur þér upp rútínu og hugsar vel um þig
sjálfa/n eftir margra mánaða dvala.
Krabbi
22. júní–22. júlí
Hrútur
21. mars–19. apríl
Meyja
23. ágúst–22 .sept
Ljón
23. júlí–22. ágúst
Tvíburar
21. maí–21. júní
Naut
20. apríl–20. maí