Dagblaðið Vísir - DV - 25.10.2019, Page 20

20 25. október 2019FRÉTTIR
Kaffihlaðborð ýmsar útfærslur, Pinnamatur,
smurt brauð, tertur, o.fl. fyrir erfidrykkjuna
Afgreitt á einnota fötum
tilbúið á borðið
Erfidrykkja
HRINGDU OG PANTAÐU Í SÍMA 555 1810
Hólshraun 3, 220 Hafnarfjörður / S 555 18 10 og 565 1810 / veislulist@veislulist.is / veislulist.is
M
argrét Sigurðardóttir er
búsett á Egilsstöðum.
Hún leitaði á bráða-
móttöku LSH í Fossvogi
þann 17. september síðastliðinn.
Í sex daga hafði hún verið löm-
uð á hægra auga og glímt við höf-
uðverk og uppköst. Grunur lék á
blæðingu í heila eða tappa og var
henni vísað suður af vakthafandi
lækni á Egilsstöðum.
„Klukkan sex mætum við og
maðurinn minn þar sem ég á að
tilkynna mig inn, þar sem minn
læknir var búinn að melda mig
frá Egilsstöðum.“
Þannig lýsir Margrét upplifun
sinni af bráðamóttökunni.
„Ég beið frammi í rúman
klukkutíma þar til ég var loksins
kölluð inn. Þar þurfti ég að dúsa
svo í marga klukkutíma. Æðalegg-
ur var settur upp á 5 sekúndum,
frammi á gangi fyrir framan ann-
að fólk. Svo tók önnur eins bið við
að fara í myndatöku sem var svo
klukkan ellefu um kvöldið.“
Margrét segist hafa verið á
biðstofunni til klukkan tvö um
nóttina, á meðan hún beið eftir
að fá herbergi. „Ég fékk síðan
ekkert herbergi heldur fékk ég að
dúsa á læknabekk frammi á gangi
ásamt fjölda annarra. Þar fékk ég
að sofa um nóttina.
Skoðun á mér, sem sagt
taugaskoðun, fór fram á gangi
fyrir framan fjölda fólks. Önn-
ur skoðun fór fram í pínulítilli
kompu þar sem varla var hægt að
athafna sig.“
Starfsfólkið hljóp um gangana
Margrét fékk niðurstöður úr
rannsóknunum síðar um nóttina,
frammi á biðstofunni, fyrir fram-
an fjölda manns.
„Klukkan níu um morguninn
vakna ég, eftir að hafa farið að
sofa frammi á ganginum klukk-
an þrjú, Mér finnst líklegast að ég
hafi gleymst því maðurinn minn
fór klukkan hálf tólf að leita að
hjúkrunarfræðingi til að spyrja
um stöðu mála hjá mér. Á með-
an voru verkamenn fyrir ofan mig
að vinna í loftinu, og ég lá með
æðalegg í náttfötum á ganginum
á læknabekk. Gamalmenni lágu
úti um alla ganga í hjartalínurit-
um og starfsfólkið gekk ekki um
gangana, heldur hlupu flestir eða
gengu kraftgöngu.“
Rannsóknir leiddu í ljós að
ekki var um heilablæðingu að
ræða. Í samtali við DV segist Mar-
grét sem betur fer vera á góð-
um batavegi í dag. Hún fékk við-
eigandi sterameðferð hjá lækni
á Egilsstöðum. En hún kveðst
vilja vekja athygli á aðstæðum á
bráðamóttökunni. Margrét tek-
ur fram að starfsfólk bráðamót-
tökunnar hafi verið „dásamlegt í
alla staði.“ Vinnuaðstæðurnar séu
hins vegar engum bjóðandi.
„Þau voru öll dásamleg upp til
hópa og ég hrósa þeim ekki nóg.
Starfsfólkið var alveg útbrunnið
og maður fann alveg bugun í
nokkrum þeirra.“
Margrét spyr hvort þessar að-
stæður séu virkilega boðlegar fyr-
ir starfsfólk og sjúklinga. „Ríkis-
stjórnin má fara að girða sig í brók
og gera eitthvað í þessum málum.
Ég hef lesið marga pistla um þetta
og hélt stundum að þetta væru
ýkjur, en það er það svo sannar-
lega ekki,“ segir Margrét og bæt-
ir við. „Ég vona svo innilega að
ef þingmaður veikist og þurfi á
þessari aðstoð að halda að hann
eða hún fái enga sérmeðferð
heldur fari aftast í röðina eins og
við almúginn.“
Farsakennt ástand
Í samtali við Rás 2 á dögunum
sagði Hjalti Már Björnsson,
kennslustjóri bráðalækninga
á Landspítalanum, ástandið á
bráðamóttökunni hafa verið
slæmt lengi en nú væri það orðið
„farsakennt“.
„Eins og staðan er núna þá
höfum við húsnæði og mannskap
til að sinna þessu þannig það ætti
nánast aldrei að vera bið hjá okk-
ur. En legudeildir Landspítala
hafa ekki mannskap til að taka við
öllum þeim sem þurfa að leggj-
ast inn á spítalann. Þess vegna
er bara svarið, það eru engin
pláss og sjúklingurinn bíður á
bráðamóttöku. Meginhluti okk-
ar deilda sem sinnir öllum alvar-
legum tilfellum er með 36 rúm og
það er ekkert flókin stærðfræði
að þegar það er 41 einstaklingur í
þeim 36 rúmum sem eru að bíða,
þá er engin aðstaða til að veita
fólki eðlilega bráðaþjónustu.“
Þá bætti hann við á öðrum
stað: „Bráðamóttaka er almennt
séð komin á kolrautt ástand ef að
það eru 5 fastir þar og komast ekki
á legudeild. Það er mjög slæmt.
Það er búið að vera árum saman,
að það hafa alltaf verið einhverj-
ir í bið og eiginlega hefur venj-
an núna síðasta eitt, tvö árin að
það séu 20 sjúklingar að bíða og
það er sturlað ástand. Þegar þetta
er komið yfir fjörtíu sjúklinga þá
eiginlega skortir mig lýsingarorð
til að lýsa þessu ástandi.“ n
Auður Ösp Guðmundsdóttir
audur@dv.is
„Starfsfólkið gekk ekki um
gangana, heldur hlupu flestir“
n Margrét lýsir upplifun sinni af nótt á bráðamóttöku LSH n Ekkert næði
og útkeyrt starfsfólk n Fékk að dúsa á læknabekk frammi á gangi