Fréttablaðið - 13.02.2016, Blaðsíða 12

17. febrúar 2015, kl. 8:30 – 13:30
á Reykjavík Natura
8:45 - 9:00 Morgunhressing - Boost og kaf
• Ráðstefnustjóri - Árdís Ármannsdóttir
• Sviðið: Hvað er að gerast? - Elísabet Sveinsdóttir
• Customer Journey - Þóra Ásgeirsdóttir
• Þarf fyrirtækið þitt app? - Jón Andri Sigurðarson
10:10 - 10:30 Kafhlé
• Við tókum ákvörðun! - Hólmfríður Einarsdóttir
• Meðmælavísitalan NPS - Ólafur Þór Gylfason
• Trendin 2016 - Þórey Vilhjálmsdóttir
11:30 - 12:00 Léttur hádegisverður
• Bætt þjónusta og aukin sala - Trausti Haraldsson og Bjarki Pétursson
• Hvað segir viðskiptavinurinn? - Hákon Davíð Halldórsson
• Breytt viðhorf til ferðamanna - Davíð Tor Ólafsson
13:30 Ráðstefnulok
Viðskiptavinurinn
í öndvegi
Nýjar áherslur í sam-
skiptum við viðskiptavini
Skráning og ítarlegar upplýsingar
á brennidepill.is
Brennidepill
Elísabet
Þóra
Hólmfríður
Ólafur Þór
Þórey
Bjarki
Davíð Tor
Hákon DavíðJón Andri
Árdís
Trausti
NOREGUR Haldi lítil framleiðni
í Noregi áfram getur hagvöxtur
stöðvast og skattbyrði orðið langt
yfir 50 prósentum. Norski hagfræði­
prófessorinn Jørn Rattsø hefur,
ásamt fleiri sérfræðingum, um
tveggja ára skeið rannsakað hvernig
reka megi ríki, sveitarfélög og fyrir­
tæki á hagkvæmari hátt.
Fjölgun eldri borgara, lægri olíu­
tekjur og stækkandi opinber geiri
geti haft þau áhrif að skatthlutfallið
aukist úr 37 prósentum, eins og það
er nú, í 65 prósent árið 2060 verði
framleiðni ekki aukin. – ibs
Segja skatt geta
orðið 65 prósent
SVÍÞJÓÐ Sænski bankinn Swedbank
hefur kært bankastjóra sem rekinn
var á dögunum til fjármálaeftirlitsins.
Í fréttatilkynningu frá bankanum
segir að kæra hafi verið send til fjár­
málaeftirlitsins samkvæmt reglum
um tilkynningaskyldu vegna brota
á markaðslögum. Bankinn hefur
fundið færslur sem gera má ráð fyrir
að stangist á við lög, segir í fréttatil­
kynningunni.
Fjármálaeftirlitið hefur sent efna­
hagsbrotadeild lögreglunnar málið.
Bankastjórinn, Michael Wolf, hafði
starfað í bankanum í sjö ár. – ibs
Banki kærir
bankastjóra
VERÐbÓlGa Hagfræðideild Lands­
bankans spáir 0,3% hækkun vísi­
tölunnar milli mánaða. Gangi spáin
eftir lækkar ársverðbólgan úr 2,1% í
1,8%. Hagfræðideildin gerir ráð fyrir
að tólf mánaða verðbólga haldist
áfram lág og verði 1,8 prósent í maí.
Með haustinu muni hins vegar
bæði áhrif launahækkana og áhrif
húsnæðisverðs aukast meðan ólík­
legt er að áhrif innfluttra vara aukist.
Því megi búast við aukinni verðbólgu
með haustinu. – jhh
Spá hjöðnun
verðlags
ÞýSkalaNd „Ég hef enga trú á þessu
og mér er alveg sama um það,“ segir
Mohammed al­Sheikh, talsmaður
Frjálsa Sýrlandshersins, um sam­
komulag um vopnahlé í Sýrlandi,
sem fulltrúar margra helstu ríkja
heims og stórra alþjóðastofnana
kynntu í gær.
„Enginn trúir á það. Það er orð­
inn fastur liður að tala um vopna­
hlé, en það er tilgangslaust,“ sagði
al­Sheikh í viðtali við breska dag­
blaðið The Guardian.
Frjálsi Sýrlandsherinn er eitt
stærsta afl sýrlenskra uppreisnar­
manna, sem barist hafa árum
saman gegn stjórn Bashars al Assad
forseta.
Átökin hafa kostað meira en 250
þúsund manns lífið og 11 milljónir
manna hafa flúið að heiman, þar af
hafa fjórar milljónir flúið úr landi.
Samkomulagið, sem fulltrúar
Bandaríkjanna, Rússlands, Evr­
ópusambandsins, Sameinuðu
þjóðanna, Arabandalagsins og fleiri
áhrifaafla, kynntu í gær að loknum
tveggja daga fundarhöldum, gengur
út á að vopnahlé hefjist innan viku
og strax á allra næstu dögum verði
hægt að útvega fólki á átakasvæð­
unum mannúðaraðstoð. Þá sé
stefnt að stjórnarskrárbreytingu og
kosningum innan hálfs annars árs.
Sjálfur segist Assad Sýrlands­
forseti staðráðinn í að ná landinu
öllu aftur á sitt vald. Það muni hins
vegar taka langan tíma. Ekki sé
heldur víst að það muni takast:
„Hvort sem við getum það eða
ekki, þá er þetta það takmark sem
við reynum að ná án minnsta hiks,“
sagði hann í viðtali við frönsku
fréttastofuna AFP. „Af okkar hálfu
væri ekkert vit í því að segjast ætla
að láta frá okkur einhvern hluta.“
Rússar hafa síðan í haust stutt
Assad með loftárásum á upp­
reisnarmenn. Bandaríkjamenn og
Vesturlönd almennt hafa hins vegar
staðið gegn Assad, sagt að honum
sé engan veginn treystandi lengur
eftir að hafa stundað grimmilegan
hernað gegn þjóð sinni.
Í síðustu viku stóð til að halda
friðarviðræður í Genf, með aðild
bæði stjórnarliða og uppreisnar­
manna. Ekkert varð úr þeim við­
ræðum vegna harðra loftárása
Rússa og stjórnarhersins á borgina
Aleppo. gudsteinn@frettabladid.is
Friðarsamkomulag upp á von og óvon
Stefnt er að vopnahléi í Sýrlandi eftir eina viku og kosningum eftir 18 mánuði. Uppreisnarmenn hafa litla trú á samkomulaginu og
Assad forseti segist staðráðinn í að ná landinu öllu aftur á sitt vald. Enn á eftir að fá samþykki frá bæði stjórn og stjórnarandstöðu.
Yfirlýsing Sýrlands-
fundarins
Á Sýrlandsfundinum í München
dagana 11. og 12. febrúar sátu
fulltrúar frá Alþjóðlega Sýrlands-
stuðningshópnum (ISSG), Araba-
bandalaginu, Evrópusambandinu,
Sameinuðu þjóðunum og
Samvinnustofnun íslamskra ríkja
(OIC) ásamt fulltrúum frá Banda-
ríkjunum, Bretlandi, Egyptalandi,
Frakklandi, Íran, Írak Ítalíu, Jórd-
aníu, Katar, Kína, Líbanon, Óman,
Rússlandi, Sádi-Arabíu, Tyrklandi
og Þýskalandi.
Í yfirlýsingu fundarins segir að
þátttakendur hafi „ákveðið að að-
gangur fyrir mannúðaraðstoð að
hersetnu svæðunum muni hefjast
í þessari viku og að verkefnahópur
ISSG muni innan einnar viku út-
færa leiðir til að átökum linni um
land allt.“
Þátttakendur heita því að gera
allt sem í þeirra valdi stendur til að
koma á vopnahléi, og segjast fá til
þess stuðning frá bæði Sýrlands-
stjórn og uppreisnarmönnum.
Þá er gert ráð fyrir því að efnt
verði til kosninga innan átján
mánaða. Þar verði byggt á nýrri
stjórnarskrá, en vinna að henni
eigi að hefjast eftir hálft ár. Sýr-
lenska þjóðin eigi sjálf að ákveða
eigin framtíð.
Móðir flýr ásamt börnum sínum undan loftárásum stjórnarhersins á bæinn Kafr Batna, sem er í útjaðri höfuðborgarinnar
Damaskus. NorDicphotos/AFp
Það er orðinn fastur
liður að tala um
vopnahlé, en það er tilgangs-
laust.
Mohammed al-Sheikh, talsmaður Frjálsa
Sýrlandshersins
1 3 . f E b R ú a R 2 0 1 6 l a U G a R d a G U R12 f R é t t i R ∙ f R é t t a b l a Ð i Ð