Fréttablaðið - 13.02.2016, Síða 34

Þorgeir Tryggvason hlakkar til að skella
sér norður um næstu helgi. MYND/ERNIR
Ljótu hálfvitarnir syngja grípandi lög og eiga aðdáendur á öllum aldri.
Þorgeir Tryggvason, einn níu með-
lima hljómsveitarinnar, segir að
Ljótu hálfvitarnir ætli að vera með
þrenna tónleika á Græna hattinum
á Akureyri um næstu helgi. „Við
vorum síðast með tónleika í Hofi á
Akureyri í nóvember en þá lékum
við með karlakórnum Hreimi sem
kemur úr Þingeyjarsýslu. Við fyllt-
um staðinn tvisvar sem var mjög
skemmtilegt. Bæði fluttum við
eigin lög og týpísk karlakórslög
sem var öðruvísi fyrir okkur. Tón-
leikarnir á Græna hattinum verða
hins vegar dæmigerðir fyrir hálf-
vitana. Það þýðir margt fólk og
mikið fjör,“ segir Þorgeir.
EkkErt dansað
Hann segir að þótt marga kitli í
fæturna að dansa bjóði staður-
inn ekki upp á það. „Við erum
heldur ekki beinlínis dansiballa-
hljómsveit, spjöllum mikið á milli
laga og skiptum oft um hljóðfæri
svo það er ekki auðvelt að halda
uppi danstakti. Græni hatturinn
er fyrst og fremst tónleikastað-
ur. Við sjáum fólk koma aftur og
aftur á tónleikana og það myndast
mikil stemming. Margir þekkja
lögin og syngja með. Annars er
Græni hatturinn frábær tónleika-
staður og Haukur Tryggvason sem
rekur hann er einn af mikilvæg-
ustu mönnum í íslensku tónlistar-
lífi. Þarna spila flest allar íslensk-
ar hljómsveitir, staðurinn er mátu-
lega stór og ótrúlega góð stemming
sem myndast þar.“
nóg að gEra
Ljótu hálfvitarnir eru Þingeyingar
og Þorgeir segir að sama fólkið komi
aftur og aftur á tónleika, margir úr
þeirra sveit. „Á tónleikunum sjáum
við mörg kunnug leg andlit sem
brotist hafa í gegnum Víkurskarð-
ið. Síðan kíkir skíðafólkið inn sem
er í heimsókn á Akureyri. Við end-
urtökum síðan þessa tónleika á Café
Rosenberg 11. og 12. mars. Á báðum
þessum tónleikum flytjum við lög af
nýju plötunni okkar, Hrísey, en hún
var tekin upp þar.“
Hrísey er fimmta hljómplata
Ljótu hálfvitanna. Þorgeir segir
að allir „hálfvitarnir“ semji lög og
texta. „Það semur hver í sínu horni
og síðan skoðum við hvað fellur vel
að okkur og kemur til með að virka.“
Allir eru þeir í öðrum störfum með-
fram tónlistinni. Þorgeir starfar
hjá auglýsingastofunni Hvíta hús-
inu auk þess sem hann hefur gagn-
rýnt bækur í Kiljunni á RÚV og seg-
ist lesa ótrúlega mikið af bókum.
Þá keppti hann um tíma í Útsvari.
Bræðurnir Snæbjörn og Baldur
Ragnarssynir eru einnig þekktir úr
hljómsveitinni Skálmöld og Oddur
Bjarni Þorkelsson er prestur. Aðrir
hálfvitar eru Sævar Sigurgeirsson,
Arngrímur Arnarson, Guðmundur
Svafarsson, Ármann Guðmundsson
og Eggert Hilmarsson.
Æft og málað
Þegar Þorgeir er spurður hvað hann
ætli þá að dunda sér við um þessa
helgi, svarar hann: „Ég býst við að
við reynum að æfa smá fyrir tón-
leikana. Síðan hef ég verið að bræða
með mér að mála stofuna heima. Þá
ætlum við kona mín, Hulda B. Há-
konardóttir, að fara með barna-
barnið, Högna Nóam, sem er 5 ára,
í svokallað krakkamengi, sem er
tónlistarsmiðja fyrir börn hjá lista-
smiðjunni Mengi. Högni hefur sýnt
mikinn tónlistaráhuga,“ segir Þor-
geir.
Á morgun er Valentínusardagur.
Þorgeir segir hann ekkert sérstak-
lega hátt skrifaðan hjá sér. Konu-
dagur sé það frekar. „Við erum svo
gömul og þjóðleg,“ segir hann kím-
inn og lofar að hringja í eiginkon-
una um næstu helgi frá Akureyri.
elin@365.is
hálfvitar hEfja upp raddir
Hljómsveitin Ljótu hálfvitarnir á stóran hóp aðdáenda á öllum aldri enda syngja þeir félagar grípandi lög. Næsta haust verða
tíu ár liðin frá því hljómsveitin kom fyrst fram og hún er hvergi nærri hætt. Í nóvember kom út fimmta plata þeirra, Hrísey.
hÆtt’Essu vÆli
Eitt af vinsælustu lögum Ljótu hálf-
vitanna er Bjór meiri bjór en síðasta
versið í laginu hljómar svona:
Væli og veseni neitum
þá veröldin brosir og allir með.
Hætt’essu væli,
að hamingju leitum,
við hefjum upp raddir og ræktum
vort geð.
Væli og veseni neitum
þá veröldin brosir og allir með.
Hætt'essu væli.
Tónleikarnir á
Græna hattinum
verða hins vegar dæmi-
gerðir fyrir hálfvitana. Það
þýðir margt fólk og mikið
fjör.
Þorgeir Tryggvason
Flestum finnst kjötbollur góður
matur. Bestar eru bollurnar
þegar maður býr sjálfur til fars-
ið. Þá veit maður hvaða hráefni
eru notuð og losnar við aukefni.
Það er mjög einfalt að gera sitt
eigið kjötfars, síðan má steikja
bollurnar eða sjóða allt eftir
smekk. Þessi uppskrift miðast
við fjórar persónur.
kjötbollur
400 g nautahakk eða blandað
hakk eftir smekk
1 ½ tsk. salt
¼ tsk. nýmalaður pipar
Smávegis rifið múskat
¼ tsk. engiferduft
2 msk. kartöflumjöl
1 ½ dl vatn eða mjólk
l Allt sett í matvinnsluvél og
blandað saman þar til farsið
er mátulegt. Setjið smjör á
meðalheita pönnu og mótið
bollur úr deiginu. Steikið á
báðum hliðum.
brún sósa
4 msk. smjör
4 msk. hveiti
1 l kjötsoð
Salt og pipar
l Bræðið smjörið á pönnu og
bætið hveiti saman við. Hrærið
síðan soðinu hægt og rólega
saman við um leið og sósan
mallar og þykknar, um það bil
í 10 mínútur. Bragðbætið með
salti og pipar. Setjið bollurnar út
í sósuna og látið allt léttsjóða í
smástund.
l Berið fram með
soðnum kartöflum eða
kartöflumús, grænum baunum
og salati. Sumum finnst gott
að hafa rabarbarasultu með
bollunum.
Heimagerðar kjötbollur er auðvelt að búa til og þær eru bestar.
hEimagErðar kjötbollur
Eru ljúffEngar
2 FÓLK HELgin 13. febrúar 2016