Fréttablaðið - 22.10.2015, Qupperneq 42

Það var á blautum vor-degi í apríl sem Kristján Hjálmarsson, viðskipta-
og almannatengslastjóri hjá H:N
Markaðssamskiptum, sá í fyrsta
sinn mann draga ryksuguna sína
niður Bergþórugötu í Reykja-
vík. Þetta þótti honum frekar
sérkennileg sjón svo hann tók
mynd á símann sinn og setti inn
á Facebook-vegg sinn með stöðu-
uppfærslunni „Í 101 fer fólk út að
ganga með ryksugurnar sínar“.
Kristjáni fannst þetta skemmti-
leg upplifun en átti ekki sérstak-
lega von á að sjá fleiri slíka menn
á vappi um miðborgina. Því varð
undrun hans ekki minni daginn
eftir þegar hann sá annan mann
koma gangandi niður Banka-
stræti dragandi á eftir sér ryk-
sugu eins og hann væri úti að
viðra hundinn sinn. „Þá gerði ég
mér grein fyrir því að hér væri
eitthvað nýtt og spennandi að
gerast, jafnvel ný tíska á ferð sem
ég þyrfti að skoða betur.“
Þykist vera að vinna
Eftir stutt spjall við tónlistar-
manninn Stafrænan-Hákon
varð til myllumerkið #lattesug-
an101 og merkti Kristján allar
ryksugumyndir sínar þannig á
Facebook. „Myllumerkið vísar til
þess að lattélepjandi hippsterar
í hundrað og einum eru svo töff
að þeir fara frekar út að viðra
ryksugurnar sínar en hundana.
Það hafa bæst við nokkrar svona
myndir í sumar og haust og mér
finnst þetta alltaf jafn skemmti-
legt enda fátt furðulegra en að sjá
fólk viðra ryksugurnar sínar.“
Flestar eru myndirnar tekn-
ar út um gluggann á fundarher-
berginu hjá H:N Markaðssam-
skiptum en herbergið er að hans
sögn á besta stað í Reykjavík. „Út
um gluggana er hægt að horfa
upp Skólavörðustíg og Lauga-
veg, beint niður á Ingólfsstræti
og niður Bankastrætið svo það
er fátt sem fer fram hjá mér, sér-
staklega í ljósi þess að ég er frek-
ar forvitinn maður. Reyndar fer
ég oft inn í fundarherbergi til að
þykjast vera að vinna en er í raun
bara að horfa út um gluggann í
von um að ná mynd af lattésugu.“
Skellti á mömmu sína
Kristján segist því miður hafa
misst af nokkrum lattésugum
sem hafa verið úti að viðra ryk-
sugurnar sínar og gráti hann
það sárt. „Stundum er ég bara
of seinn að ná í símann eða
einfaldlega upptekinn við eitt-
hvað annað í vinnunni. Einu
sinni þurfti ég samt að skella
á mömmu mína til að ná góðri
mynd. Ég held hún sé ekki enn
búin að taka útskýringu mína
trúanlega. „Mynd af hverju?“
hváði hún.“
Að sama skapi er eiginkonu
Kristjáns lítið skemmt yfir þess-
um uppátækjum eiginmanns-
ins. „Það spilar sennilega inn í
að ég hef gert mér það að leik að
taka myndir af henni sofandi og
á orðið dágott safn. Þetta eru frá-
bærar myndir þó ég segi sjálfur
frá, teknar í flugvél, rútu, í sóf-
anum yfir sjónvarpinu og hvað
eina. Ég stefni meira að segja
á að halda sýningu með þeim
myndum innan skamms. Það
yrði meira að segja samsýning
því þannig háttar til að góðvin-
ur minn hefur líka tekið myndir
af konunni sinni sofandi og mér
skilst að það séu stórkostlegar
myndir. Það stefnir því í hörku
sýningu.“
Hann segir ólíklegt að latté-
sugurnar viti af myndatökum
hans. „Ég verð því að biðja þær
fyrirfram afsökunar á mynd-
birtingunum. Myndirnar eru
oftast illa teknar og með lé-
legum instagramfilter. En það
skiptir ekki öllu, aðalmálið er
ryksugan sjálf. Ég mun halda
þessu áfram í haust en á nú frek-
ar von á að þeim fækki þegar
vetur skellur á með tilheyrandi
snjó og kulda.“
Útgefandi: 365 miðlar ehf., Skaftahlíð 24, s. 512 5000 Umsjónarmaður auglýsinga: Jónína María Hafsteinsdóttir, jonamariax@365.is s. 512-5445 Ábyrgðarmaður: Svanur Valgeirsson.
Kristján segist því miður hafa misst af
nokkrum lattésugum sem hafa verið úti
að viðra ryksugurnar sínar og gráti hann
það sárt. MYND/STEFÁN
,,Reyndar fer ég oft inn í fundarherbergi til að þykjast vera að vinna en er í raun bara að horfa út um gluggann í von um að ná mynd af lattésugu,” segir Kristján Hjálmarsson, við-
skipta- og almannatengslastjóri hjá H:N Markaðssamskiptum og áhugamaður um nýja strauma í samfélaginu. MYND/STEFÁN
Ný tíska skekur miðbæinn
Eru lattélepjandi hippsterar í hundrað og einum svo töff að þeir fara frekar út að viðra ryksugurnar sínar en hundana? Eftir smá
rannsóknarvinnu undanfarna mánuði, myndatökur og frekari pælingar hallast Kristján Hjálmarsson að þeirri skoðun.
Fyrsta ryksugumyndin var tekin á Bergþórugötu á drungalegum rigningardegi í apríl fyrr á árinu. MYND/ÚR EINASAFNI
Fáir sleppa undan haukfránum augum Kristjáns.
MYND/ÚR EINKASAFNI
Hippster viðrar ryksuguna sína á fallegum sumardegi.
MYND/ÚR EINASAFNI
Einu sinni þurfti
ég að skella á
mömmu til að ná góðri
mynd.
Ryksugur 22. oKtóBeR 2015 FIMMtUDAGUR2