Fréttablaðið - 22.10.2015, Qupperneq 78

Ljósmyndarinn Janette Beckman er á leið til landsins en hún hefur tekið myndir af
tónlistarmönnum á borð við LL Cool J, Beastie Boys og Bustah Rymes.
„Bæði pönkið og hiphop-menningin
komu frá götunni. Þetta var menning
hinna ungu. Þetta var tónlist sem gaf
hinum raddlausu rödd,“ segir ljós-
myndarinn Janette Beckman, sem er á
leið til landsins. Beckman kemur hing-
að til lands til þess að halda sýningu
ásamt goðsögn í graff-heiminum, Cey
Adams. Hann gegndi mikilvægu hlut-
verki hjá Def Jam Records, sem hefur
í gegnum tíðina verið með margar af
merkilegustu rappstjörnum heims
á samningi. Beckman tók myndir af
goðsögnum á borð við LL Cool J, Bustah
Rhymes, Run DMC, Beastie Boys og Salt-
N-pepa. Því má segja
að þarna séu
tvær manneskjur sem hafi haft áhrif á
sögu rappsins í heiminum, sem ætla
að sameina krafta sína með sýningu í
Reykjavík.
Kemur frá London
Beckman er frá London og hóf ljós-
myndaraferilinn þar. Hún vakti strax
athygli og tók myndir fyrir mörg
þekkt tímarit í heimalandinu. Í upp-
hafi níunda áratugarins fluttist hún til
New York, og við það stækkaði kúnna-
hópurinn talsvert. Myndir eftir Beck-
man hafa birst í Rolling Stone, Glamour,
The Times, Newsweek, Esquire og
svona mætti lengi telja. En hennar
þekktustu verk eru líklega myndir sem
hún tók af tónlistarfólki. Myndir eftir
hana hafa ratað á plötuumslög þekktra
hljómsveita og listamanna á borð við
The Police, Salt-N-pepa og Run DMC.
Magnaðir tímar
Í samtali við Fréttablaðið segir
Beckman frá því að tímarnir
sem hún var á fullu að mynda
í rappsenunni hafi verið
magnaðir. „Ég finn að fólk
leitar enn í þessa tíma og
hefur enn mikinn áhuga
á þessum myndum.“
Sýningar Beckman
hafa vakið mikla athygli
og verið settar upp í New
York, Los Angeles, París,
London og fleiri stór-
borgum. Ein af sýningum
hennar var til dæmis Archive
of Attitude, en myndirnar á
henni voru margar af meðlimum
gengisins Hoyo Maravilla, frá austur-
hluta Los Angeles. „Fyrir sýninguna
komst ég aftur í sam-
band við suma
af meðlimum
gengisins. Það
var ótrúlegt að
rifja upp atvik
sem gerðust
fyrir um 30 árum
síðan. Flestir sem
ég hafði tekið
myndir af voru
annað hvort dánir
eða á bak við lás og slá.
En þrjár kvennanna sem ég
ræddi við lifðu þessa baráttu af og mér
þykir afar vænt um þær.“
Breyttir tímar
Beckman segist enn fylgjast með
rappinu í dag. „Ég kann vel að meta
nokkra rappara, held mest upp á
Drake. En í sannleika sagt finnst mér
rappararnir af „gamla skólanum“
betri en þeir sem eru í dag. Rapparar
níunda og tíunda áratugarins.“
Hún segir að sér finnist senan hafa
breyst talsvert. „Ég hreifst af pönk-
inu og rappinu því þar var fólk sem
elskaði tónlistina sína og menn-
ingu meira en viðskipta-
hliðina. Peningarnir
hafa breytt þessu
öllu. Áður fyrr
voru allir miklu
frjálsari ein-
hvern veginn.“
Hlakkar til að koma
„Ég kem því vinur minn Smutty Smiff
bað mig að koma hingað og setja
sýninguna upp,“ segir hún. Smutty er
útvarpsmaður á X-inu og á viðburða-
fyrirtækið Wildcat. „Ofboðslega margir
sem ég þekki hérna í Bandaríkjunum
hafa sagt mér frá fegurð Íslands, þann-
ig að ég get eiginlega ekki beðið eftir að
koma.“
Beckman mun hafa í nógu að snúast
þegar hún kemur. Hún heldur sýningu
í Galleríi Fold ásamt Cey Adams, þar
sem nokkrir færir listamenn úr graff-
senunni munu mála eftirlíkingar
af myndum Beckman. Hún
verður einnig með ljós-
myndanámskeið hjá Ljós-
myndaskólanum og
heldur fyrirlestra.
Hef alltaf verið
hrifin af menningu
uppreisnarinnar
Ljósmyndarinn Janette Beckman er á leið til landsins. Hún hyggst
setja upp sýningu hér á landi og stendur fyrir fjölda viðburða.
Jan ette er þekkt bæði í pönkinu og í hiphop-menningunni,
enda tók hún mikilvægar myndir fyrir báðar senurnar.
Kjartan Atli
Kjartansson
kjartanatli@frettabladid.is
LL Cool J
Salt N Pepa
Beastie Boys
Slick Rick
Sex Pistols
Grandmaster Flash
ég kann vel að meta
nokkra rappara,
Held mest upp á drake. en í
sannleika sagt finnst mér
rappararnir af „gamla
skólanum“ betri en þeir sem
eru í dag. rapparar níunda
og tíunda áratugarins.
2 2 . o k t ó b e r 2 0 1 5 F I M M t U D A G U r54 L í F I ð ∙ F r É t t A b L A ð I ð
Lífið