Morgunblaðið - 07.09.2019, Side 2

2 FRÉTTIRInnlent
MORGUNBLAÐIÐ LAUGARDAGUR 7. SEPTEMBER 2019
ÁMANNM.V. 2 FULLORÐNA
NÁNAR Á UU.IS EÐA Í SÍMA 585 4000
VERÐ FRÁ 339.900 KR.
TVÆR FERÐIR, APRÍL 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Höskuldur Daði Magnússon
hdm@mbl.is
„Þarna hefur hvorki verið talað við
kóng né prest heldur bara vaðið
áfram,“ segir Ásgeir Kr. Ólafsson,
sumarhúseigandi í Landsveit.
Ásgeir situr í samráðsnefnd íbúa
og landeigenda í nágrenni jarðanna
Leynis 2 og 3 í Landsveit þar sem
hafin er uppbygging ferðaþjónustu.
Íbúarnir hafa lagt fram kvörtun
vegna framkvæmdanna til Heil-
brigðiseftirlits Suðurlands og Mann-
virkjastofnunar. Morgunblaðið hef-
ur að undanförnu fjallað ítarlega um
uppbygginguna á Leyni 2 og 3, bæði
um óánægju íbúa og landeigenda í
nágrenninu sem og áform eigenda.
Malasíumaðurinn Loo Eng Wah,
sem stýrir uppbyggingunni, sagði í
viðtali við blaðið í vikunni að hann
vildi gott samstarf við íbúa og áform-
in væru ekki eins umfangsmikil og
þeir virtust telja.
Í kvörtun íbúanna til heilbrigðis-
eftirlitsins er gerð athugasemd við
15 hjólhýsi sem hafi verið sett upp á
svæðinu sem séu öll fasttengd við
fráveitu og aðveitu hitaveitu og
kaldavatnsveitu. Segir að ekkert
byggingarleyfi hafi verið gefið út
vegna þessara framkvæmda. Sam-
kvæmt reglugerð séu öll mannvirki
sem séu fasttengd slíkum veitum háð
byggingarleyfi. Sama gildi um plast-
kúluhús sem rísa eigi á svæðinu.
„Sveitarfélagið hefur enga kynn-
ingu haft á þessum framkvæmdum
en veitti stöðuleyfi fyrir húsunum í
júní. Í umsókn um stöðuleyfi er sér-
staklega tekið fram að húsin verði
ótengd slíkum veitum en á þeim tíma
var þegar byrjað að tengja húsin.
Húsin og rotþrær eru staðsett inni á
fjarsvæði vatnsveitu. Við byggjum
kæru okkar á að hér sé eftirliti alvar-
lega ábótavant og vinnulag bygg-
ingafulltrúa og sveitarstjórnar beri
vott um mjög alvarlega vanrækslu á
skyldum sínum og við krefjumst
þess að rekstur verði stöðvaður nú
þegar og mannvirkin fjarlægð sbr.
byggingarreglugerð 2.9. 1.gr.,“ segir
í kvörtuninni. Sigrún Guðmunds-
dóttir, framkvæmdastjóri Heilbrigð-
iseftirlits Suðurlands, staðfesti í
samtali við Morgunblaðið að umrætt
erindi hefði borist eftirlitinu.
Kvörtun til Mannvirkjastofnunar
er efnislega samhljóma en vísað er til
eftirlitshlutverks stofnunarinnar.
„Jafnframt krefjumst við þess að
Mannvirkjastofnun grípi til viðeig-
andi ráðstafana gagnvart þeim eft-
irlitsaðilum sem hér hafa brugðist
skyldum sínum sem þeir eru bundnir
af skv. lögum,“ segir í kvörtuninni.
Vilja stöðva
starfsemi á Leyni
 Íbúar kvarta undan framkvæmdum
Tugir grindhvala voru strandaðir í fjörunni við Ytra-Lón
á Langanesi í gærkvöldi. Að sögn fréttaritara Morgun-
blaðsins er um u.þ.b. 60 hvali að ræða og aðstæður á
staðnum til björgunar slæmar.
„Þetta er hræðilegt dauðastríð og erfitt að horfa upp á
þá kveljast í fjörunni,“ sagði Líney Sigurðardóttir.
Göngufólk kom að hvölunum fyrr um daginn og gerði
lögreglu viðvart, sem hefur lokað veginum niður í fjör-
una.
Ekki náðist í lögregluna á Þórshöfn, en í samtali við
RÚV sagði Steinar Snorrason varðstjóri að unnið væri að
því að koma dýrunum aftur út á sjó. Hann sagði að ein-
hver dýranna væru dauð en meirihlutinn á lífi. Verið væri
að safna mannskap til að sinna björgunarstörfum.
„Mér skilst að menn muni ekki eftir að það hafi orðið
svona stórt strand á þessum slóðum þótt það þekkist að
bæði hvali og háhyrninga hafi rekið á land,“ var haft eftir
Steinari varðstjóra.
Morgunblaðið/Líney Sigurðardóttir
Grindhvalir á Langanesi
 Tugir grindhvala voru í gærkvöldi strandaðir í fjörunni
Strand Tugir grindhvala voru strandaðir í fjörunni við Ytra-Lón á Langanesi í gær og óljóst hve mörgum yrði bjargað.
Helgi Bjarnason
helgi@mbl.is
Sveitarstjórn Bláskógabyggðar lýsir
óánægju með það að allt vatnasvið
tveggja virkjanakosta á Kili verði
friðlýst en ekki aðeins hinir eiginlegu
virkjanakostir. Telur sveitarstjórn að
tillögur Umhverfisstofnunar séu
byggðar á veikum lagalegum grunni
og skorar á stofnunina að taka málið
upp að nýju.
Gert er ráð fyrir því að þeir virkj-
anakostir sem settir eru í verndar-
flokk rammaáætlunar verði friðlýstir.
Þannig voru tveir virkjanakostir í
Jökulfalli og Hvítá flokkaðir, það er
að segja Gýgjarfossvirkjun og Blá-
fellsvirkjun. Umhverfisstofnun lagði
til við umhverfisráðherra að allt
vatnasvið þessara vatnsfalla yrði frið-
lýst. Þar er um að ræða allt svæðið á
milli Langjökuls og Hofsjökuls frá
vatnaskilum rétt fyrir sunnan Hvera-
velli og suður að miðju Bláfelli. Til-
lagan þannig útfærð liggur á borði
umhverfisráðherra.
Þingmaður gagnrýnir ráðherra
Svæðið tilheyrir Bláskógabyggð og
Hrunamannahreppi. Báðar sveitar-
stjórnir gerðu athugasemdir við und-
irbúning málsins en ekki var á þær
hlustað. Sérstaklega gerðu sveitar-
stjórnirnar athugasemdir við lagaleg-
an grundvöll friðlýsingarinnar. Bentu
á að í náttúruverndarlögum væri ekki
fjallað um friðlýsingu heilla vatna-
sviða með vísan til rammaáætlunar
heldur svæða sem falla í verndar-
flokk. Því væri túlkun Umhverfis-
stofnunar of víðtæk og ætti sér ekki
lagastoð.
Jón Gunnarsson, þingmaður Sjálf-
stæðisflokksins, viðraði sömu sjónar-
mið og sveitarstjórnirnar í grein í
Morgunblaðinu í gær. Guðmundur
Ingi Guðbrandsson umhverfisráð-
herra og Katrín Jakobsdóttir for-
sætisráðherra höfnuðu því í samtali
við mbl.is í gær að ekki væri traustur
lagagrundvöllur undir friðlýsingar,
með vísan til verndarflokks ramma-
áætlunar.
Helgi Kjartansson, oddviti Blá-
skógabyggðar, segir að það sé óþarfi
að friðlýsa jafnstórt svæði og lagt sé
til. Bendir hann á að auðveldara sé að
breyta friðlýsingu síðar, ef þörf gerist,
en að setja friðlýsingu á í fyrsta skipti.
Gagnrýna víðtæka friðlýsingu á Kili
 Sveitarstjórn Bláskógabyggðar telur að friðlýsing alls vatnasviðs Jökulfalls og Hvítár á Kili eigi sér
ekki lagastoð  Umhverfisráðherra og forsætisráðherra mótmæla því að of geyst sé farið í friðlýsingar
Morgunblaðið/Einar Falur
Friðlýsing Gýgjarfoss í Jökulfalli, á Kerlingarfjallaleið, verður friðaður.
Gýgjarfossvirkjun og Bláfellsvirkjun var skipað í verndarflokk.
Stjörnuspá Siggu Kling fyrir sept-
ember birtist í Sunnudagsblaðinu,
sem fylgir Morgunblaðinu í dag. Þar
les Sigga í stjörnurnar, ávarpar les-
endur sína og hvetur og fjallar um
hvert stjörnumerki fyrir sig.
Ráðgert er að mánaðarspá Siggu
muni eftirleiðis birtast síðasta
sunnudag í hverjum mánuði.
Að auki verður Sigga með fast
efni í Sunnudagsblaðinu um hverja
helgi þess á milli og miðlar af fróð-
leik sínum til lesenda.
Stjörnuspá Siggu Kling birtist
einnig á mbl.is á netinu og þar verð-
ur hún sömuleiðis með fast efni af
ýmsum toga, þar á meðal um tarot-
spil, auk þess sem þar má lesa vís-
dómsorð hennar.
Þá mun hún einnig láta að sér
kveða á öldum ljósvakans á útvarps-
stöðinni K100 þar sem hún verður
vikulegur gestur.
Í viðtali í Sunnudagsblaðinu fyrir
viku sagði hún að hún færi sínar eig-
in leiðir í að spá, veldi um tíu manns
sem hún hefði tengingu við í hverju
stjörnumerki og tengdi sig við orku
þeirra.
Hamingjan kemur ekki
með Domino’s-pítsunni
Hún var spurð hvort hún hefði
heilræði fyrir lesendur og svaraði að
fólk þyrfti að leggja á sig til að verða
hamingjusamt.
„Hamingjan bankar ekki, hún
kemur ekki með Domino’s-pítsunni.
Allir sem hafa náð árangri í lífinu,
sama hvað það þýðir að ná árangri,
hafa náð árangri vegna þess að þeir
setja góða orku út í heiminn,“ sagði
Sigga.
Stjörnuspá Siggu Kling fyrir
september í sunnudagsblaðinu
 Verður með efni í Morgunblaðinu, mbl.is og á K100
Morgunblaðið/Árni Sæberg
Sigga Kling Hvað segja stjörnurnar?