Morgunblaðið - 07.09.2019, Blaðsíða 10

10 FRÉTTIRInnlent
MORGUNBLAÐIÐ LAUGARDAGUR 7. SEPTEMBER 2019
Rósa Margrét Tryggvadóttir
rosa@mbl.is
Áslaug Arna Sigurbjörnsdóttir tók í
gær formlega við embætti dóms-
málaráðherra eftir að þingflokkur
Sjálfstæðisflokksins samþykkti til-
lögu Bjarna Benediktssonar, for-
manns og fjármálaráðherra, í fyrra-
dag. Er hún yngsti dómsmála-
ráðherra Íslandssögunnar og
næstyngsti ráðherra sem hefur tekið
við embætti frá upphafi en hún er nú
28 ára gömul.
Er hún jafnframt 31. konan til að
gegna embætti ráðherra.
Fram að þessu hefur Áslaug verið
ritari Sjálfstæðisflokksins og for-
maður utanríkismálanefndar.
Málefni sem vekja athygli
Áslaug hefur vakið athygli fyrir
flutning á ýmsum málum á stjórn-
málaferli sínum. Frumvörp hennar
um opnari háskóla, sem útbýtt voru
annars vegar í október í fyrra og í
apríl á þessu ári hafa vakið nokkra
eftirtekt. Þar er meðal annars lagt til
að lögum um háskóla verði breytt og
skýrt verði kveðið um að nemendur
sem hafi lokið sveinsprófi eigi þess
kost að fá inngöngu í háskóla. Áslaug
var einnig fyrsti flutningsmaður
frumvarps um afnám stimpilgjalda á
íbúðarkaup einstaklinga sem tekið
var til umræðu á Alþingi í mars á
árinu og bíður nú nefndarálits.
Frumvarp Áslaugar um breytingar á
lögum um nálgunarbann og brottvís-
un af heimili var samþykkt í allsherj-
ar- og menntamálanefnd í febrúar á
árinu en hún lagði frumvarpið fram í
lok september í fyrra. Sem formaður
utanríkismálanefndar afgreiddi Ás-
laug þriðja orkupakka Evrópusam-
bandsins úr nefndinni áður en hann
kom til annarrar umræðu á Alþingi í
sumar en orkupakkinn var sam-
þykktur með miklum meirihluta
þingmanna á Alþingi sl. mánudag.
Greint var frá því í Morgunblaðinu
í gær að Bjarna Benediktssyni hafi
þótt frammistaða Áslaugar í orku-
pakkamálinu sýna að hún gæti tekist
á við stór og flókin álitamál en hann
sagði hana hafa vaxið og eflst með
hverri raun.
„Það sem allir taka eftir er að hún
hefur brennandi áhuga á stjórnmál-
um og að láta gott af sér leiða fyrir
samfélagið. Það eru hennar sterk-
ustu kostir. Hún er spennt fyrir því
að hrinda hlutum í framkvæmd og
láta til sín taka. Hún er líka góður
ræðumaður,“ sagði Bjarni um Ás-
laugu í samtali við Mbl.is í fyrradag.
Sagði hann hana auk þess vera góð-
an ræðumann og óvenju þroskaða
miðað við ungan aldur.
Brennandi áhugi á stjórmálum
Áslaug fæddist í Reykjavík 30.
nóvember 1990 og ólst upp í Vest-
urbænum og Árbænum. Foreldrar
hennar eru Sigurbjörn Magnússon
hæstaréttarlögmaður og Kristín
Steinarsdóttir kennari sem lést árið
2012. Áslaug á tvö systkini, eldri
bróðurinn Magnús og yngri systur,
Nínu Kristínu.
Hún útskrifaðist frá Verzlunar-
skóla Íslands árið 2010. Sama ár var
Áslaug starfsmaður jafningja-
fræðslu Hins hússins. Hún útskrif-
aðist með BA-próf í lögfræði við Há-
skóla Íslands árið 2015 og
meistaragráðu árið 2017.
Áslaug starfaði sem blaðamaður á
Morgunblaðinu frá 2011 til 2013 en
þar sá hún meðal annars um hesta-
vef mbl.is. Hún hefur sjálf sagt frá
því, meðal annars í kosningarmynd-
bandi sínu frá 2016 að fyrir utan
stjórnmálin sé hestamennska henn-
ar helsta áhugamál og kveðst hafa
stundað hana frá því hún muni eftir
sér.
Áslaug starfaði jafnframt sem lög-
reglumaður hjá lögreglunni á Suður-
landi 2014-2015 og var varaformaður
Æskulýðsráðs 2014-2016.
Áslaug sýndi snemma áhuga á
pólitík en hún hefur setið í stjórn
Sambands ungra sjálfstæðismanna
frá 2011, aðeins tvítug að aldri og var
formaður Heimdallar, félags ungra
sjálfstæðismanna í Reykjavík frá
2011 til 2013.
Áslaug fór fram gegn sitjandi rit-
ara Sjálfstæðisflokksins Guðlaugi
Þór Þórðarsyni á landsfundi flokks-
ins árið 2015. Fékk hún 91,9 prósent
gildra atkvæða en Guðlaugur 6,7
prósent, en hann hafði dregið fram-
boð sitt til baka áður en til kosning-
arinnar kom.
Áslaug tók þátt í sameiginlegu
prófkjöri Sjálfstæðisflokksins í
Reykjavík 3. september 2016 þar
sem hún lenti í 4. sæti á lista fyrir al-
þingiskosningar 2016.
Einstök perla eins og amma
Áslaug er vinmörg að sögn Lauf-
eyjar Rúnar Ketilsdóttur, vinkonu
og samstarfsfélaga Áslaugar í Sjálf-
stæðisflokknum.
„Það er ótrúlega mikill kraftur í
henni og hún er alveg óhrædd að
takast á við allt það sem ber að garði
og er ótrúlega hugmyndarík,“ segir
Laufey sem kynntist Áslaugu í ung-
liðahreyfingu Sjálfstæðisflokksins
2011. Laufey, sem hefur aðstoðað
dómsmálaráðherra frá árinu 2017,
bæði Sigríði Andersen og Þórdísi
Kolbrúnu Gylfadóttur, segist treysta
Áslaugu fullkomlega til að sinna
starfinu og nálgast málaflokka ráðu-
neytisins vel og af virðingu.
Magnús Sigurbjörnsson, bróðir
Áslaugar, tekur undir með Laufeyju.
„Hún er mjög góð í því sem hún
gerir. Hún mun sinna þessu vel,
örugglega betur en margur annar,“
segir hann. „Það er frábært að eiga
hana sem systur. Hún er mikill
frumkvöðull í að láta hluti gerast
sem annars myndu ekki gerast.“
Magnús segir Áslaugu nefnda í höf-
uðið á ömmu þeirra heitinni en hún
fæddist einmitt sama dag og Áslaug
tók við embætti dómsmálaráðherra,
hinn 6. september árið 1930. „Hún
var alltaf sögð vera einstök perla. Ég
held að Áslaug standi ágætlega und-
ir því nafni líka.“
Næstyngsti ráðherra sögunnar
 Áslaug Arna hefur vakið athygli á fjölbreyttum málefnum á stjórnmálaferli sínum  Yngst kvenna
til að gegna ráðherraembætti  Tók við embætti á fæðingardegi Áslaugar ömmu sinnar heitinnar
Morgunblaðið/Hari
Ríkisráð Áslaug Arna Sigurbjörnsdóttir (fremst t.v.) sat sinn fyrsta ríkis-
ráðsfund sem dómsmálaráðherra á Bessastöðum í gær.
Laugardagskvöldið 14. september heldur Sjálfstæðisflokkurinn glæsilega afmælishátíð
í kjölfar flokksráðsfundar og fer hún fram á Hilton ReykjavíkNordica. Húsið opnað kl. 19:30.
Dúndurfjör þar sem hin goðsagnakennda hljómsveit Stjórnin leikur fyrir dansi á Sjallaballi
aldarinnar, en Skuggastjórnin ásamtBjarnaAra, Eyþóri Arnalds og Stefaníu Svavars
hitar upp á undan. Hinnmergjaði grínistiBergur Ebbi verður með uppistand, en veislustjóri
er Logi Bergmann.
Ljúffengar veitingar innifaldar og aðrar veitingar á boðstólum enmiðaverð er afar hóflegt.
Nánari upplýsingar á xd.is.
Allir sjálfstæðismenn eru velkomnir til að fagna saman 90 ára afmæli Sjálfstæðisflokksins!
Sjallaball
aldarinnar!
LogiBergmann
annast veislustjórn
BergurEbbi
flytur hugvekju
SJÁLFSTÆÐISFLOKKURINN
EyþórArnalds
BjarniAra
Stefanía Svavars
Mercedes Benz til sölu
Mjög vel með farinn svartur Mercedes Benz CLS 350 Bluetec
til sölu, árg. 2015 ekinn aðeins 44 þús. km. Bíllinn er í topp-
standi á splunkunýjum heilsársdekkjum og hefur verið í
reglulegu viðhaldi hjá Öskju. Svart leðuráklæði, topplúga
rafm. & hiti í sætum, „self park“ og margt fl. Verð 6.990 þús.
Áhugasamir hafið samband í síma 896-0747.
TIL SÖLU
Neytendastofa hefur lagt 150.000
kr. stjórnvaldssekt á Törutrix ehf.
sem m.a. rekur vefverslun, fyrir
brot gegn ákvörðun Neytendastofu.
Með fyrri ákvörðun Neytendastofu
var Törutrix bönnuð birting fullyrð-
inga um virkni kaffivörunnar
Skinny Coffee Club í auglýsingum
þar sem ekki tókst að sanna þær. Í
banninu fólst m.a. að Törutrix skyldi
fjarlægja fullyrðingarnar úr vef-
verslun sinni.
Í auglýsingunum var m.a. fullyrt
að það væri læknisfræðilega sannað
að fólk myndi léttast ef það neytti
vörunnar, að hún yki efnaskipti,
brenndi fitu og yki orku. Þá var
einnig fullyrt að varan minnkaði
þrota í húð og að það væri lækn-
isfræðilega viðurkennt að sá sem
neytti vörunnar
myndi verða var
við „sjáanlegan
mun“ á viku.
Í kjölfar
ábendingar, sem
og skoðunar
Neytendastofu á
vef Törutrix,
þann 9. maí 2019,
var ljóst að full-
yrðingar um
vörur Skinny
Coffee Club höfðu ekki verið fjar-
lægðar úr vefverslun.
Þrátt fyrir að fullyrðingarnar
væru teknar út við athugasemdir
Neytendastofu taldi stofnunin nauð-
synlegt að leggja stjórnvaldssekt á
fyrirtækið fyrir brot gegn ákvörðun.
Fengu sekt fyrir full-
yrðingar um virkni
Sekt Fullyrt var
um virkni Skinny
Coffee Club.