Morgunblaðið - 07.09.2019, Page 11

FRÉTTIR 11Innlent
MORGUNBLAÐIÐ LAUGARDAGUR 7. SEPTEMBER 2019
Einar Eylert Gíslason,
fv. bóndi og ráðunautur
á Syðra-Skörðugili í
Skagafirði, lést á hjarta-
deild Landspítalans 5.
september, 86 ára að
aldri. Einar fæddist 5.
apríl 1933 á Akranesi.
Foreldrar hans voru
Gísli Eylert Eðvaldsson
hárskerameistari og
Hulda Einarsdóttir
kaupkona. Systkini
hans voru Birgir, d.
2013, og Rósa Guðbjörg,
d. 2017. Eftirlifandi
hálfsystir Einars, sammæðra, er
Bryndís Benediktsdóttir, heimilis-
læknir og prófessor við HÍ.
Einar lauk búfræðiprófi frá
Hvanneyri vorið 1951, var í verklegu
búfræðinámi í Danmörku og Svíþjóð
næstu tvö árin og útskrifaðist
búfræðikandídat frá Hvanneyri 1955.
Einar var ráðunautur í nautgripa-
rækt fyrir Nautgriparæktarsamband
Borgarfjarðar 1955-58, bóndi á
Stóra-Hrauni í Kolbeinsstaðahreppi
1958-60, bústjóri og tilraunastjóri
fjárræktarbúsins á Hesti í Borgar-
firði 1960-74, héraðsráðunautur hjá
Búnaðarsambandi Skagfirðinga
1974-84 og bóndi á Syðra-Skörðugili
1974-2000 og stundaði sauðfjárrækt,
hrossarækt og loðdýrarækt.
Einar var mikill frumkvöðull í fé-
lagsstarfi bænda. Hann sat í stjórn
Félags hrossabænda frá stofnun
1975, var formaður þess 1984-93, sat í
stjórn Sambands ís-
lenskra loðdýrarækt-
enda í 13 ár og var for-
maður þess 1984-93.
Hann var fram-
kvæmdastjóri
Hrossaræktar-
sambands Skagfirðinga
1974-84 og síðan for-
maður til 1993, vann að
stofnun Loðdýra-
ræktarfélags Skagfirð-
inga og var formaður
þess fyrstu níu árin.
Var stofnandi og for-
maður Félags hrossa-
bænda í Skagafirði 1975-94, aðal-
hvatamaður að stofnun fóður-
stöðvarinnar Melrakka hf. á
Sauðárkróki og stjórnarformaður
hennar fyrstu fimm árin, vann að
stofnun Félags sauðfjárbænda í
Skagafirði og sat í stjórn fyrstu sex
árin. Einar var jafnframt aðal-
hvatamaður að stofnun Lands-
samtaka sauðfjárbænda og sat í
stjórn fyrstu árin.
Eftirlifandi eiginkona Einars er
Ásdís Sigrún Sigurjónsdóttir, hús-
móðir og kennari. Synir þeirra eru
Einar Eðvald, Elvar Eylert, Eyþór
og Sigurjón Pálmi. Fyrri kona Einars
var Hallfríður Alda Einarsdóttir.
Kjördóttir Einars frá fyrra hjóna-
bandi er Eygló Breiðfjörð Einars-
dóttir.
Útför Einars fer fram frá Glaum-
bæjarkirkju föstudaginn 13. sept-
ember klukkan 14.
Andlát
Einar Eylert Gíslason
Forseti Indlands, Ram Nath Ko-
vind, og Savita Kovind forsetafrú
koma í ríkisheimsókn til Íslands í
næstu viku ásamt fylgdarliði. Gert
er ráð fyrir að þau komi til landsins
á mánudag og haldi síðan af landi
brott miðvikudaginn 11. september,
að því er fram kemur í fréttatil-
kynningu frá forsetaskrifstofu.
Heimsóknin hefst með formlegri
móttökuathöfn á Bessastöðum
þriðjudaginn 10. september klukk-
an 10. Forseti mun síðan eiga fund
með forseta Indlands og í kjölfarið
verða undirrituð minnisblöð með
samkomulagi milli ráðuneyta land-
anna að forsetunum viðstöddum.
Forsetarnir munu að því loknu
ávarpa fjölmiðla, en því næst held-
ur forseti Indlands í Háskóla Ís-
lands þar sem hann mun flytja fyr-
irlestur opinn almenningi um
áherslu Indlands og Íslands á um-
hverfismál. Mun sá fyrirlestur hefj-
ast klukkan 12 á hádegi. Þess má
geta að Kovind forseti starfaði sem
hæstaréttarlögmaður og ríkislög-
maður áður en hann hóf þátttöku í
stjórnmálum.
Síðdegis mun forseti Indlands
heimsækja höfuðstöðvar Marels í
Garðabæ og kynna sér starfsemi
fyrirtækisins en forsetafrúin mun
skoða umhverfisvæna grænmetis-
ræktun hjá Lambhaga og fræðast
um starfsemi Mjólkursamsölunnar.
Að kvöldi þriðjudagsins verður
forsetahjónunum svo boðið til há-
tíðarkvöldverðar í boði forseta og
forsetafrúar á Bessastöðum.
Á miðvikudegi munu forsetahjón
Indlands skoða þjóðgarðinn á Þing-
völlum og sitja svo hádegisverð í
boði Katrínar Jakobsdóttur for-
sætisráðherra en halda af landi
brott að því loknu.
AFP
Heimsókn Ram Nath Kovind, forseti Indlands, er væntanlegur til Íslands.
Forseti Indlands
heimsækir Ísland
 Flytur fyrirlestur í Háskóla Íslands
Guðni Th. Jóhannesson, forseti Ís-
lands, og undirritaði og staðfesti á
ríkisráðsfundi á Bessastöðum í gær
öll þingmálin sem tengjast hinum
svonefnda orkupakka 3. Alþingi af-
greiddi málin á mánudaginn.
Í yfirlýsingu frá forsetanum af
þessu tilefni segir að í tvígang hafi
verið skorað á hann að að beita neit-
unarvaldi sínu, annars vegar á vefn-
um Synjun.is og hins vegar á fundi
hans með samtökunum Orkunni
okkar.
Tók forseti á móti lista með nöfn-
um 7.643 Íslendinga, 3% þjóðarinn-
ar, sem höfðu lýst yfir stuðningi sín-
um við áskorun Synjunar.is á
miðvikudaginn, 5. september, þar
sem skorað var á hann að beita mál-
skotsrétti hans til þjóðarinnar. Þá
fundaði hann með fulltrúum samtak-
anna Orkunnar okkar 28. ágúst og
var afhent áskorun um að staðfesta
ekki upptöku þriðja orkupakkans
nema til kæmi undanþága frá inn-
leiðingu eða þjóðaratkvæðagreiðsla.
Guðni þakkar þeim sem haft hafa
samband við hann vegna orkupakka-
málsins fyrir kurteisi, festu og sann-
girni, en bendir jafnframt á að „kysi
forseti að staðfesta ekki formlega
með undirritun sinni þá ákvörðun
Alþingis að heimila ríkisstjórn að
staðfesta fyrir Íslands hönd ákvörð-
un sameiginlegu EES-nefndarinnar
myndi sú afstaða ekki leiða til þjóð-
aratkvæðagreiðslu, ólíkt því sem
skýrt er kveðið á um í 26. grein
stjórnarskrárinnar um synjun stað-
festingar laga“. Enginn réttur af því
tagi yrði virkjaður því hann væri
ekki að finna í stjórnskipun lýðveld-
isin
Staðfesti orkupakkann
 Forseti Íslands segir engan rétt virkjaðan með synjun
Morgunblaðið/Árni Sæberg
Alþingi Orkupakkamálin samþykkt
og hafa verið staðfest af forseta.
gisting.dk
499 20 40 (Íslenskur sími) 32 55 20 44 (Danskur sími)
Herbergi frá Dkk 300 Íbúðir frá Dkk 900
Kaupmannahöfn
Engjateigi 5 // 581 2141 // hjahrafnhildi.is
44.980 kr.
Svartar, dökkbláar og grænar
Stærðir XS-XL
Opið 11-15 í dag
Bæjarlind 6 | sími 554 7030
Við erum á facebook
Verð 11.900,-
Str. 36-52
Flauelsbuxur
BUXUR FRÁ
FRÁ KR. 15.900
Skoðið laxdal.is
Skipholti 29b • S. 551 4422
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Tvær erlendar konur sæta nú
gæsluvarðhaldi eftir að hafa gert
tilraun til að smygla samtals rúm-
lega einu kílói af kókaíni til lands-
ins í lok síðasta mánaðar, að því er
lögreglan á Suðurnesjum greinir
frá.
Konurnar voru að koma saman
með flugi frá Brussel í Belgíu þegar
tollgæslan stöðvaði þær í Flugstöð
Leifs Eiríkssonar vegna gruns um
að þær væru með fíkniefni.
Voru þær handteknar og færðar
á lögreglustöð. Þar skilaði önnur
konan af sér 80 pakkningum og hin
rúmlega 20. Konurnar voru síðan
úrskurðaðar í gæsluvarðhald í Hér-
aðsdómi Reykjaness.
Málið er nú í rannsókn hjá lög-
reglunni á Suðurnesjum.
Teknar í Leifsstöð
með kíló af kókaíni