Morgunblaðið - 23.12.2019, Blaðsíða 17

FRÉTTIR 17Erlent
MORGUNBLAÐIÐ MÁNUDAGUR 23. DESEMBER 2019
N Ý F O R M
h ú s g a g n a v e r s l u n
Strandgötu 24 | 220 Hafnarfjörður | Sími 565 4100 | nyform.is
K371 sófi
Fáanlegt í leðri og tauáklæði, margir litir
3ja sæta 2ja sæta og stólar
Við óskum viðskiptavinum okkar
og landsmönnum öllum
gleðilegra jóla og farsældar
á komandi ári
Að minnsta kosti níu eru látnir
vegna óveðurs sem riðið hefur yfir
Spán, Portúgal og Frakkland um
helgina.
Í Suðvestur-Frakklandi voru 110
þúsund heimili án rafmagns vegna
veðurofsans í gær. Átta þúsund
heimili til viðbótar voru rafmagns-
laus hinum megin landamæranna, í
Galisíu á norðvesturodda Spánar.
Á meðal þeirra sem látist hafa
eru suðurkóresk kona sem varð
fyrir braki úr byggingu í Madríd og
hollenskur maður sem drukknaði
við seglbrettasvif undan ströndum
Andalúsíu.
Búist er við áframhaldandi sterk-
um vindum og miklu regni í þessum
hluta álfunnar.
ÓVEÐUR Í SUÐUR-EVRÓPU
AFP
Brim Viti á norðvesturodda Spánar.
118 þúsund heimili
rafmagnslaus í gær
Utanríkisráðherra Rússlands, Ser-
gei Lavrov, hélt því fast fram í gær
að lokið yrði við lagningu nýrra
leiðslna fyrir gas til Evrópu, þrátt
fyrir að Bandaríkin hefðu hafið
refsiaðgerðir gegn fyrirtækjunum
sem að verkefninu standa. Sagði
hann í sjónvarpsviðtali við ríkis-
stöðina Pervy Kanal að aðgerðir
Bandaríkjanna hefðu niðurlægt
ríki Evrópu en að stjórnvöld í
Kreml myndu halda sig við setta
stefnu.
Ákvörðun Bandaríkjanna um
frystingu eigna fyrirtækjanna er
sögð hafa reitt stjórnvöld Þýska-
lands og Evrópusambandsins til
reiði. Sendiherra Bandaríkjanna í
Þýskalandi segir ákvörðunina aftur
á móti vera Evrópu í hag.
GASLEIÐSLUR FRÁ RÚSSLANDI
Rússar muni halda
sínu striki áfram
Stjórnvöld Súdans sögðust í gær hafa hafið rannsókn á glæpum sem
framdir eiga að hafa verið í Darfur-héraðinu í stjórnartíð forsetans fyrr-
verandi Omar al-Bashir.
Ríkissaksóknarinn Tagelsir al-Heber greindi frá því að rannsóknin
myndi ná til atburða allt frá árinu 2003. Rannsóknin er sú fyrsta sem fer af
stað eftir að her landsins hrakti Bashir frá völdum í aprílmánuði, en þá
hafði hann setið á stóli forseta í þrjátíu ár.
Bashir sjálfur situr á bak við lás og slá, meðal annars vegna ásakana um
spillingu, og bíður réttarhalda.
RANNSAKA GLÆPI Í DARFUR-HÉRAÐI
Nær til atburða allt frá árinu 2003
Skúli Halldórsson
sh@mbl.is
Embættismaður innan fjárlagaskrif-
stofu Hvíta hússins beindi því til
varnarmálaráðuneytis Bandaríkj-
anna að fresta því að veita aðstoð til
úkraínska hersins, þegar ekki voru
liðnar tvær klukkustundir frá um-
deildu símtali Donalds Trumps
Bandaríkjaforesta og Volodimírs
Selenskís Úkraínuforseta hinn 25.
júlí.
Þetta sýna tölvupóstar sem gerðir
voru opinberir á laugardag. Þar sagði
Michael Duffey, háttsettur embætt-
ismaður skrifstofunnar, kollegum
sínum í Pentagon að Trump hefði öðl-
ast persónulegan áhuga á aðstoðinni
til Úkraínu og að hann hefði fyrir-
skipað að henni yrði slegið á frest.
Duffey biður viðtakendurna enn
fremur að halda póstinum vel leynd-
um á meðal þeirra sem þurfi að vita
af beiðninni til að framfylgja henni.
Ýttu á eftir rannsóknum
Miðillinn Center for Public Integ-
rity fékk tölvupóstana afhenta á
grundvelli upplýsingalöggjafar, en
þó hefur verið strikað yfir mikið af
innihaldi þeirra.
Þeir varpa ljósi á það hvernig rík-
isstjórn Trumps hélt eftir næstum
400 milljónum bandaríkjadala, sem
fara áttu til aðstoðar úkraínskum
stjórnvöldum, á sama tíma og forset-
inn og nokkrir pólitískir bandamenn
hans ýttu á eftir Selenskí að rann-
saka andstæðingana í Demókrata-
flokknum.
Áhyggjur af ákvörðuninni
Í tölvupóstunum ber einnig á
áhyggjum embættismanna í varnar-
málaráðuneytinu vegna þessarar
ákvörðunar, að því er segir í umfjöll-
un Washington Post. Hún væri
mögulega í trássi við lög og einnig
óviturleg, þar sem Úkraína reiddi sig
á fjárhagsaðstoðina til að verjast
áleitni nágranna sinna í Rússlandi.
Marc Short, starfsmannastjóri
varaforsetans Mike Pence, tjáði
fréttastofu NBC í gær að tímasetn-
ing tölvupóstsins sem sendur var eft-
ir símtal forsetanna hefði verið tilvilj-
un ein.
Völd forsetans takmörkuð
Mark Sandy, embættismaður frá
fjárlagaskrifstofu Hvíta hússins sem
bar vitni fyrir njósnamálanefnd
þingsins í síðasta mánuði, tjáði þing-
mönnum þar að ákvörðun forsetans
gæti hafa brotið lög sem sett voru ár-
ið 1974, en þau takmarka völd forset-
ans til að halda eftir fjárveitingum
sem þingið hefur þegar samþykkt.
Sagði hann enn fremur að tveir
embættismenn hefðu sagt upp, með-
al annars vegna óánægju með
ákvörðun forsetans.
Meirihluti þingmanna í fulltrúa-
deild Bandaríkjaþings samþykkti á
miðvikudag að ákæra Trump fyrir að
misbeita valdi sínu með því að hafa
reynt að fá erlenda ríkisstjórn til að
hafa áhrif á komandi forsetakosning-
ar og fyrir að hafa hindrað fulltrúa-
deildina í að afla upplýsinga um mál-
ið.
Ákærurnar ekki sendar áfram
Framhald málsins er í lausu lofti
en ákærurnar hafa enn ekki verið
sendar öldungadeildinni til yfirferð-
ar, eins og kveðið er á um í lögum
vestanhafs. Forseti fulltrúadeildar-
innar, Nancy Pelosi, hefur frestað því
að láta þær af hendi og segist fyrst
vilja ná samkomulagi við repúblikana
í öldungadeildinni um óhlutdræg
réttarhöld og vitnaleiðslur.
Aðstoðinni slegið á frest
skömmu eftir símtalið
 Tölvupóstar sýna beiðni Hvíta hússins um að aðstoð til Úkraínu skyldi frestað
AFP
Forseti Ákvörðun forsetans Donalds Trumps um að slá aðstoð til Úkraínu á frest gæti hafa brotið í bága við lög.
AFP
Þing Fulltrúadeildin samþykkti á
miðvikudag að ákæra forsetann.