Fréttablaðið - 16.12.2002, Side 22

22 16. desember 2002 MÁNUDAGUR
Síðumúla 3-5
N
á
t
t
f
a
t
n
a
ð
u
r
HANDVERK „Þetta er svona eins og
gamalt kaupfélag,“ segir Gylfi
hlæjandi aðspurður um verslun-
ina. „Þetta er eina verslunin á
landinu sem er svona. Ég er með
allt í handverkið.“
„Ég var búinn að skipuleggja
undanhaldið þegar ég hætti hjá
fyrrverandi vinnuveitendum mín-
um og keypti þetta húsnæði til að
leika mér í,“ segir Gylfi, sem starf-
aði um árabil í markaðsdeild Flug-
leiða. „Þegar ég fór að kaupa það
sem mig langaði í spurðu menn
hvort ég vildi ekki kaupa eitthvað
fyrir þá í leiðinni. Þannig varð
þessi verslun til.“ Gylfi selur tæki
og tól fyrir ýmiss konar handverk;
smíðar, saumaskap og fleira. Hjá
Gylfa fæst einnig tilbúið hand-
verk, svo sem klukkur sem ganga
rangsælis. „Þegar fólk er á rakara-
stofu hefur það ekki tækifæri á að
lyfta höndunum upp undan teppinu
og líta á klukkuna,“ útskýrir Gylfi.
„Ef það er hins vegar klukka sem
gengur rangsælis á veggnum fyrir
aftan það, þá getur það litið í speg-
ilinn og séð hana rétta.“
Gylfi hefur prófað sitt af
hverju í handverkinu. Þó segist
hann ekki vera góður í neinu.
„Ég er með fullt af góðum
hugmyndum en gef mér
minni tíma til að framkvæma
þær.“
Að sögn handverksmannsins
hefur landinn tekið búðinni með
opnum örmum. Ólíkt því sem
menn halda eru æ fleiri sem prófa
sig á handverkinu. „Það er verið að
gera allt milli himins og jarðar. Því
fólki sem er að gera eitthvað líður
miklu betur en þeim sem eru ekki
að gera neitt. Það býr í öllum að
gera eitthvað. Þetta er forrit sem
ekki hefur verið notað og menn
ræsa það þegar annað hverf-
ur,“ segir Gylfi. Hann segir
alla geta gert eitthvað í hönd-
SITUR ENGINN
Á HAKANUM
Gylfi selur ýmiss kon-
ar handverk í verslun
sinni, þar á meðal þenn-
an stórkostlega stól.
Ég á eitt skraut sem er í allramestu uppáhaldi hjá mér,“ seg-
ir Jóhanna Linnet söngkona. „Það
er aðventukrans frá Georg Jensen
sem ég keypti mér í Kaupmanna-
höfn árið 1995. Það er ekta gylling
á honum og þetta voða fínt. Ég hef
aldrei séð svona kransa hér á landi
og það er hætt að framleiða þá
núna.“ Kransinn er afar einfaldur
og það þarf ekkert að gera við
hann milli ára. Jóhanna metur það
líka mikils að ekki skuli stafa
brunahættu af honum. „Hann er
auðvitað ekki eldfimur fyrir fimm
aura og ekki nokkur leið að kveikja
í honum eins og grenikrönsunum.“
Jóhanna á líka 7 jólaóróa frá
Georg Jensen sem hún heldur ekki
síður upp á. „Ég eignaðist þann
fyrsta um svipað leyti og kransinn
og hef keypt mér óróa eða fengið
að gjöf á hverju ári síðan. Ég stelst
til að setja þá upp fyrsta sunnudag
í aðventu því mér finnst þeir svo
fallegir.“ Jóhanna segir að hún
muni örugglega reyna smám sam-
an að eignast eldri óróana til að
fullkomna safnið. „Ég veit að þetta
er ekki mjög þjóðlegt en ég er al-
veg forfallin í þetta gyllta dót. Ég
skreyti mest með því og svo hý-
asintuskreytingum sem ég geri
sjálf.“ ■
Jólaskrautið
mitt
Leikurinn
breyttist í bisness
Gylfi Eldjárn Sigurlinnason hefur rekið verslun fyrir ýmiss konar handverk í fimm ár.
Hann segir fjölda fólks reyna fyrir sér í handverki, fleira en marga grunar.
Er með fullt af hugmyndum sem hann kemur ekki í framkvæmd.
unum. „Það getur enginn sagst
vera með þumalputta á öllum. Þá
er það bara að koma sér undan að
gera eitthvað.“
Í búðinni hans Gylfa er meðal
annars hægt að fá fjarstýrðar flug-
vélar, báta, þyrlur og bíla. Sonur
hans rekur þá deild innan verslun-
arinnar. „Búðin er fyrir börn á öll-
um aldri, frá 5 ára til 85 ára,“ seg-
ir Gylfi Eldjárn Sigurlinnason
handverksmaður.
kristjan@frettabladid.is
HANDVERKSMAÐURINN GYLFI
Gylfi er 66 ára, hálfur Hafnfirðingur og
hálfur Vestfirðingur. Hann á konu, fjögur
börn og átta barnabörn. Verslunin er í
Hólshrauni í Hafnarfirði, bak við Fjarðar-
kaup. Gylfi segist hafa verið eigingjarn
þegar kom að því að gefa versluninni nafn,
nefndi hana í höfuðið á sjálfum sér.
JÓHANNA LINNET
Aðventukrans og jólaóróar
frá Georg Jensen prýða heimilið
frá því snemma á aðventunni enda
í miklu uppáhaldi hjá húsmóðurinni.
Jóhanna Linnet hefur í nógu
að snúast á aðventunni og
því kemur sér vel fyrir hana
að eiga einfalt jólaskraut
sem auðvelt er að setja upp.
Gylltur krans og óróar
fallegasta skrautið