Fréttablaðið - 16.12.2002, Page 29
MÁNUDAGUR 16. desember 2002
JÓLAMATURINN „Þetta eru sérvaldar
baunir sem við notum frá Banda-
ríkjunum og einnig Evrópu. Það
er það eina sem ég get sagt,“ seg-
ir Eiríkur Magnússon aðstoðar-
framkvæmdastjóri og kynningar-
fulltrúi ORA.
Fullyrða má að Ora grænar
baunir séu á borðum flestra lands-
manna nú um jólin en hvernig
framleiðslunni er háttað er lokuð
bók. Eiríkur harðneitaði að tjá sig
um framleiðsluferlið og segir það
hernaðarleyndarmál. Lögurinn
sem þær eru settar í sé málið -
leyndarmálið. Hann var jafn-
framt ófáanlegur til að segja
hversu mikil framleiðsla þessara
dularfullu bauna er eða hvert
heildarhlutfall framleiðslu væri í
desember.
Þótt helmingur framleiðslu
Ora sé flutt út er ekki svo um
grænu baunirnar þó þær hafi ver-
ið áberandi allt frá stofnun fyrir-
tækisins 1952. Hins vegar er tals-
vert sent af grænu baununum til
Íslendinga sem búsettir eru er-
lendis.
Hinn þekkti matgæðingur Úlf-
ar Eysteinsson segir þetta bestu
baunir í heimi. „Ég fer í fýlu ef ég
fæ ítalskt salat með einhverjum
frosnum baunum en ekki þessu
góðgæti sem eru Ora grænu baun-
irnar.“ Úlfar segir þær einstakar
og fáist hvergi annars staðar í
víðri veröld. Annar baunalitur
virðist falla útlendingum betur í
geð. Hann telur víst að þetta séu
baunir lagðar í bleyti og þá soðnar
rækilega. „Ef þetta er einhver 2.
flokkur bauna sem þeir nota þá
skiptir það engu máli því þær eru
góðar og falla að smekk okkar -
hvort sem hann telst vondur eða
góður. Nú, ef þetta eru einhverjar
1. flokks sérvaldar baunir sem
enginn annar tímir að nota erum
við heppnastir í heimi.“ ■
ÚLFAR EYSTEINSSON
MATGÆÐINGUR
Ora grænar baunir hitta beint í mark
og samræmast smekk landsmanna
– hvort heldur hann telst góður
eða vondur.
Hinar dularfullu Ora-grænu baunir:
Framleiðslan
hernaðarleyndarmál
ORA GRÆNAR BAUNIR
Verða áberandi á borðum landsmanna yfir
hátíðarnar. Fást bara á Íslandi, framleiðslan
hernaðarleyndarmál en Úlfar Eysteinsson
telur þetta bestu baunir í heimi.