Læknablaðið - jun. 2019, Síða 31

LÆKNAblaðið 2019/105 287
Í pistlunum Úr penna
stjórnarmanna LÍ birta þeir sínar
eigin skoðanir en ekki félagsins.
Reynir Arngrímsson
formaður
Björn Gunnarsson
gjaldkeri
FAL
Guðrún Ása Björnsdóttir
Ýmir Óskarsson
FÍH
Salóme Ásta Arnardóttir
Jörundur Kristinsson
varaformaður
FSL
María I. Gunnbjörnsdóttir
Gunnar Mýrdal
ritari
LR
Þórarinn Guðnason
Guðmundur Örn Guðmundsson
Stjórn
Læknafélags
Íslands
Rithöfundar hitta oft naglann á höfuðið og að
mínu mati gerði Steinunn Sigurðardóttir einmitt
það um daginn. Í snarpri umræðu um loftslagsmál
benti hún á mikilvægi þess að kalla hlutina rétt­
um nöfnun. Hún lagði til að við hættum að tala
um hlýnun jarðar eða loftslagsbreytingar heldur
kæmum okkur beint að efninu og byrjuðum að tala
um hamfarahlýnun af mannavöldum. Hefur þessi
tillaga Steinunnar ekki horfið úr huga mínum og
er henni hér með komið á framfæri við lesendur
Læknablaðsins.
Nú að öðrum og óskyldum málum.
Félag sjúkrahúslækna (FSL) hefur nú starfað í
níu mánuði eða frá því að félagaskrá lá fyrir í ágúst.
Nú, að loknum fyrsta vetri, er við hæfi að fara yfir
starfsemi félagsins.
Síðsumars varð ljóst að skráðir félagar í FSL
voru tæplega 400, sem gaf 17 fulltrúa á aðalfund
Læknafélags Íslands. Reyndir fulltrúar höfðu á orði
að skipulagsbreytingar LÍ hefðu hleypt nýju lífi í
aðalfundinn með virkri þátttöku lækna aðildarfé­
laganna. Kjörnir fulltrúar FSL stóðu sig vel hvað
varðar málefnalega þátttöku í umræðum, að öllum
öðrum ólöstuðum.
Næsti aðalfundur Læknafélags Íslands verður
haldinn á Siglufirði 26. og 27. september 2019 og
búið er að kjósa helming fulltrúa á fundinn. Það
vantar alltaf öflugt fólk í fjölbreytt verkefni og er
aðalfundur LÍ mikilvægur vettvangur til að láta
rödd sína heyrast. Félagsmenn eru hvattir til að
hafa samband við stjórnina ef þeir hafa áhuga á því
að taka þátt í aðalfundi LÍ eða öðrum félagsstörf­
um.
Mikilvægt er að læknar hugi að aðildarskrán­
ingu sinni til að tryggja að þeir séu í réttu félagi.
Greidd eru félagsgjöld til allra aðildarfélaga LÍ en
félagsgjöld eru hófleg eða fimm þúsund krónur á
ári. Félagsgjöldin eru hugsuð til að skapa grundvöll
fyrir stjórn félagsins til að uppfylla markmið þess,
eins og sí­ og endurmenntun félagsmanna með
fræðslu og ráðstefnum í samvinnu við sérgreina­
félög, svo eitthvað sé nefnt. Auðvelt er að kanna á
heimasíðu LÍ hvaða aðildarfélagi maður tilheyrir
eða hringja á skrifstofu Læknafélags Íslands og fá
þessar upplýsingar.
Á haustmánuðum voru haldnir þrír félagsfund­
ir. Sá fyrsti var kynningarfundur og þar fór fram
kosning fyrrnefndra fulltrúa á aðalfund LÍ. Eftir
aðalfundi LÍ, í nóvember og desember, voru fundir
haldnir í Fossvogi og á Hringbraut sem fjölluðu um
faglega og félagslega hagsmuni sem og áherslur fé­
lagsmanna í komandi kjaraviðræðum. Formaður og
fulltrúi FSL í samninganefnd LÍ tóku þátt í líflegri
umræðu sem skapaðist á fundinum.
Ljóst var á fyrsta fundi að margt lá félagsmönn­
um á hjarta. Punktar voru teknir niður og stefnt
á að ræða þá betur á sérstökum fundum í fram­
haldinu. Mikill áhugi var á tölvukerfum og raf­
rænni sjúkraskrá og í ljós kom visst óöryggi hvað
varðar kerfin til framtíðar. Sífellt lengri tölvutími
lækna er áhyggjuefni og mikilvægt að kerfin styðji
við starf læknisins til að auka afköst við raunveru­
leg læknisstörf.
Vegna þessa var ákveðið að fyrsti félagsfundur
ársins skyldi fjalla um þetta efni. Eftir Læknadaga
var því boðað til fundar í Hringsal. Framsaga var
í höndum Davíðs Björns Þórissonar um Heilsu­
gáttina þar sem hann lýsti núverandi stöðu og
nýjungum ásamt framtíðarsýn. Það var greinilega
mikil ánægja meðal fundarmanna með Heilsugátt
og virka aðkomu lækna að því verkefni. Síðan tók
til máls Björn Jónsson frá heilbrigðis­ og upplýs­
ingasviði (HUT) og rakti stöðu og stefnu í rafrænni
sjúkraskrá Landspítala. Góð umræða skapaðist eftir
þessi erindi með virkri þátttöku fundarmanna sem
og Jóns Hilmars Friðrikssonar framkvæmdastjóra.
Aðalfundur FSL var haldinn í marslok og
undir liðnum „önnur mál“ var jafnlaunavottun á
Landspítala rædd ítarlega. Lauk aðalfundinum á
einróma samþykkt ályktunar um efnið og var álykt­
unin send Páli Mattíassyni forstjóra Landspítala.
Í kjölfarið voru haldnir tveir félagsfundir í FSL
með Félagi almennra lækna þar sem jafnlaunavott­
un var kynnt læknum á Landspítala. Ályktun fyrri
fundarins var samþykkt á þeim síðari. Mjög góð
þátttaka var á þessum fundum og umræðan skörp
en málefnaleg. Félagsmenn á sjúkrahúsinu á Akur­
eyri tóku virkan þátt í báðum fundunum sem var
fjarvarpað norður, rétt eins og öðrum félagsfund­
um. Eftir umræður aðildarfélaga LÍ, sendi stjórn
Læknafélags Íslands frá sér tilmæli til lækna um að
taka ekki þátt boðuðum vinnubúðum í tengslum
við jafnlaunavottun á Landspítala og á Sjúkrahús­
inu á Akureyri.
Vek ég athygli félagsmanna á greinum Guðrúnar
Ásu Björnsdóttur og Daggar Pálsdóttur um jafn­
launavottun sem hafa birst í Læknablaðinu. Mikil­
vægt er að hafa í huga að athugasemdir félagsins
snúast fyrst og fremst um aðferðafræði verkefnisins
eða val það Landspítala að innleiða breskt stigakerfi
til að uppfylla lagalega skyldu sína til jafnlauna­
vottunar þegar margar aðrar viðurkenndar aðferðir
eru í boði.
Að lokum vil ég hvetja félagsmenn til að hafa
samband við stjórnina með ábendingar eða erindi.
Njótið ofgnóttar sumars með þakklæti í huga.
Ú R P E N N A S T J Ó R N A R M A N N A L Í
Hamfarahlýnun af mannavöldum
á tímum jafnlaunavottunar
María Ingibjörg
Gunnbjörnsdóttir
lungna- og ofnæmislæknir,
formaður Félags
sjúkrahúslækna
mariaig@landspitali.is