Gríma - 01.09.1945, Blaðsíða 47
5.
Draugasögur.
a. Reimleiki í Þverórdals-stofu.
[Handrit Margeirs Jónssonar rithöf. frá Ögmundarstöðum. Sögn Þor-
steins Þórðarsonar á Sauðárkróki, 1932.]
Friðfinnur Jónsson trésmiður á Blönduósi og Þor-
steinn Þórðarson, sem nú er búsettur á Sauðárkróki,
voru eitt sumar kaupamenn í Þverárdal í Húnavatns-
sýslu hjá Brynjólfi bónda Bjarnasyni. Þá stóð gamli
bærinn í Þverárdal, og var þeim félögum vísað þar til
rúms í> stofu. Bæjardyrnar voru að vestanverðu, og var
gengið úr þeim til vinstri handar inn í stofuna, sem var
í norðvestur-hluta bæjarhúsanna. Fornfáleg læsing var
á stofuhurðinni, sem aðeins var hægt að loka að innan-
verðu og opna með lykli.
Þegar þeir félagar voru háttaðir þarna fyrsta kvöldið
og höfðu lokað hurðinni, heyrðu þeir þungt fótatak
við dyrnar, og í sömu svifum opnaðist hurðin upp á
gátt, en þó kom enginn inn. Þótti þeim þetta allkyn-
legt og lokuðu hurðinni aftur, en þegar þeir voru að
leggjast út af, opnaðist hurðin að nýju, og heyrðu þeir
þá aftur fótatakið mjög greinilega. Spruttu þeir þá á
fætur, gengu fram í bæjardyr og út á hlað, en engan
sáu þeir, er þessu gæti valdið. Gengu þeir þá enn til