Gríma - 01.09.1945, Blaðsíða 82

80
SKRÍMSLASÖGUR
[Gríma
gaulið, og bætti það ekki um hræðsluna, enda varð
honum það fyrst fyrir að forða sér í bæinn og loka
vandlega útidyrum. Nefndi hann þetta ekki við nokk-
urn mann um kvöldið, því að hann bjóst við, að menn
mundu vilja grennslast betur eftir þessu, ef þeir fengju
vitneskju um það, sem fyrir hann hafði borið, en það
taldi hann vera bæði óþarft og síður en svo hættulaust.
Kom enginn út fyrir bæjardyr um kvöldið, og skömmu
síðar gengu allir til svefns. — Um morguninn sagði Sig-
urbjörn frá atburðinum kvöldið áður, og var þegar
farið að leita verksummerkja í fjörunni. Sáust þar för
eftir einhverja stóra skepnu, bæði í fjörunni og allt
upp í miðjan bakkann; hafði hún ekki komizt lengra
upp vegna þess að brattinn var svo mikill. Sporin voru
líkust hestsporum, en talsvert stærri.