Gríma - 01.09.1945, Blaðsíða 50
48
DRAUGASÖGUR
[Gríma
að hún hafi verið. Svo var hleðslan haglega gerð, að
kalla mátti, að hún stæði óhögguð þarna niðri í jörð-
inni, nema efstu steinarnir. Engin merki sáust tóttar-
innar ofanjarðar.
Þegar verið var að taka upp grjótið úr norðurveggn-
um, kom þar fram, innan í hleðslunni ofarlega, haus-
kúpa af manni, og virtist henni hafa verið komið þar
fyrir á þann hátt, að teknir hefðu verið úr hleðslunni
steinar, höfðinu smeygt þar inn og steinunum komið
nokkurn veginn í samt lag aftur. — Hauskúpa þessi, þ.
e. a. s. beinin, voru lítið fúin og ósködduð að öðru en
því, að ilítið gat var á þunnvanga hægra megin og ann-
að hægra megin nefbeinsins, neðan við augað. Sást
glögglega, að þessir áverkar höfðu verið á höfðinu áð-
ur en það var sett í vegginn, því að beinabrotin höfðu
kippt sér til baka fyrir bæði götin. Jaxlar voru heilir
og ófúnir með öllu og ekki slitnir, svo að auðséð var,
að höfuðið var af manneskju á góðum aldri. Ekki
fundust þarna fleiri bein, og var þó að þeim leitað all-
mikið. Þótti mönnum þetta undarlegt.
Þegar þetta bar við, var á Frostastöðum Guðmund-
ur Þorláksson magister, hinn kunni fræðimaður.1) Það
. er skammt milli Frostastaða og Hjaltastaða, og kunn-
leikar voru milli grannfólksins á bæjum þessum. Kom
Guðmundur alloft að Hjaltastöðum og skoðaði hann
ásamt Þorsteini og sonum hans hauskúpuna oft og
vandlega. Dáðist Guðmundur að því, hversu óvenju
fagurmynduð hauskúpan væri, og ræddu þeir oft um
þetta. — Heilabúið var stórt og einkar vel lagað, nef-
rótin mikil, nefbeinið beint, og kom þeim. öllum sam-
an um, að maður sá, sem höfuðið væri af, hlyti að hafa
1) Guðm. Þorláksson var fæddur 22. apríl 1852, dáinn 2. apríl 1910.