Bændablaðið - 24.05.2017, Blaðsíða 14

14 Bændablaðið | Miðvikudagur 24. maí 2017
FRÉTTIR
Mynd / Hlynur T. Tomasson
Þær hafa það huggulegt, ærnar
hjá Ármanni á Neðri-Torfustöðum
– Slappa af í nýmóðins klaufsnyrtistól meðan dekrað er við þær
Eitt af vorverkunum hjá sauðfjár-
bændum er að snyrta klaufir á
kindunum áður en þeim er sleppt
á fjall. Þetta hefur verið býsna erfitt
verk sem nú er búið auðvelda.
Það getur verið bölvað puð að
klaufsnyrta með því að fella kindina
og halda henni á meðan maður klippir.
Bóndasonurinn Ármann Pétursson á
Neðri-Torfustöðum, nokkru innan við
Laugabakka í Húnaþingi vestra, fann
snjalla lausn til að létta sér verkið.
Hannaði hann og smíðaði sérstakan
klaufsnyrtingarstól sem vakið hefur
hrifningu bænda.
Í samtali við Bændablaðið sagði
Ármann að þetta væri hans hug-
mynd. Seinna hafi hann svo komist
að því að áður fyrr hafi verið dæmi
um að menn hafi smíðað einhvers
konar búkka eða stóla úr timbri til
að létta sér þetta verk. Þeir hafi þó
ekki verið sérlega meðfærilegir. Hann
sagðist vera mjög ánægður með sína
hönnun sem væri létt og meðfærileg.
Svo væri auðvelt að skipta um netið
sem myndar bakið í stólnum ef á þyrfti
að halda.
Búinn að selja um 50 stóla
„Ætli ég sé ekki búinn að selja um 50
svona stóla og þeir eru komnir víða
um land,“ sagði Ármann.
Samkvæmt fregnum Bænda-
blaðsins hafa stólarnir vakið mikla
lukku hjá eigendum enda auðveldir
í notkun og meðfærilegir. Eru menn
mjög ánægðir með þetta hjálpartól
enda léttir stóllinn mjög vinnuna við
klaufsnyrtingar.
Hægt er að fá nánari upplýs-
ingar hjá Ármanni á netfanginu;
armannp1@gmail.com eða með því
að hringja í hann í síma 849-8807.
/HKr./HLJ
Jamie‘s Italian veitingahúsakeðjan opnar á Hótel Borg:
Stífar aðbúnaðar- og
gæðakröfur gerðar að utan
Undirbúningur er nú í fullum gangi
fyrir opnun á nýjum veitingastað
á Hótel Borg sem verður hluti af
veitingahúsakeðju hins kunna
enska matreiðslumanns, Jamie
Oliver, sem heitir Jamie´s Italian.
Framkvæmdir við breytingar á
veitingarými Hótel Borgar hafa stað-
ið yfir undanfarna þrjá mánuði og að
sögn Jóns Hauks Baldvinssonar, eins
af eigendum veitingastaðarins, hefur
þurft að taka tillit til margra hluta.
Bæði eru sett skilyrði og takmark-
anir af hálfu borgarinnar þegar svo
gömlum og sögufrægum byggingum
er breytt og eins eru gerðar útlitskröfur
frá höfuðstöðvum Jamie´s Italian, til
dæmis um að eldað sé fyrir opnum
dyrum. Jón Haukur segir að stefnt sé
á opnun í lok júní.
Á Jamie´s Italian verður, eins og
nafnið gefur til kynna, ítölsk mat-
reiðsla höfð í hávegum en að mestu
leyti verður matreitt úr úrvals íslensku
hráefni og búvörum – sem er búið
að fara í gegnum nálarauga gæða-
eftirlits Jamie Oliver Group. „Það
verður eldað úr sérvöldu árstíðar-
bundnu hráefni og það er gríðarlega
mikið lagt upp úr gæðum hráefnis.
Sömuleiðis eru gerðar miklar kröfur
um að aðstæður og aðbúnaður sé eins
og best verður á kosið fyrir dýrin á
þeim bæjum sem við verðum í við-
skiptum við.
Jamie Oliver Group er með
gæðakerfi sem heitir JOSIE og þar
er gagnagrunnur með skilyrðum sem
hver einasti birgir, sem ætlar að selja
okkur hráefni, verður að uppfylla.
Hann verður að svara yfir 100 spurn-
ingum og senda myndir úr framleiðsl-
unni,“ segir Jón Haukur.
Krefjandi ferli með birgjum
„Það hefur nú tekið okkur um þrjá
mánuði að fá alla birgja á Íslandi
samþykkta og hafa þeir flest allir
tekið þessum fagmannlegu vinnu-
brögðum afar vel, enda sjá þeir hvað
þetta skiptir miklu máli; ekki bara
fyrir veitingastaðinn heldur einnig
fyrir markaðssetningu þeirra á vörum
sínum.
Hver einasti birgir er stofnaður inni
í JOSIE-kerfinu og fyllir þar út ítar-
lega lýsingu á fyrirtækinu og svarar
tugi spurninga um framleiðsluhætti
og fleira í þeim dúr. Þau síðan senda
inn umsóknina. JOSIE annaðhvort
hafnar umsókninni eða samþykkir.
Ef þeir hafna umsókninni, þá koma
spurningar sem vantar svör við til að
hægt sé að samþykkja birginn. Þetta
ferli gengur svo fram og til baka þang-
að til Jamie Oliver er sáttur og allar
helstu kröfur eru uppfylltar. Í mörgum
tilvikum eru gerðar kröfur um lífræna
vottun.
Við vorum til dæmis í ákveðnum
vandræðum með að finna kjúklinga-
bú þar sem nægt gólfrými væri til að
standast aðbúnaðarkröfur að utan því
það eru mjög skýrar kröfur um það
og að kjúklingar væru með aðgengi
að útisvæði, auk þess sem dýravel-
ferð væri í fyrirrúmi. Við fundum að
lokum rétta kjúklingabúið og munum
versla við Litlu gulu hænuna,“ segir
Jón Haukur.
Matseðillinn er valinn af Jamie-
keðjunni en með ákveðnu innleggi
frá íslenska staðnum. Jón Haukur
segir að þar séu hefðbundnar ítalskar
uppskriftir fyrir ferðarmiklar, þeim sé
breytt lítillega að hætti Jamie Oliver.
Í boði verða kjöt-, fisk-, pasta- og
grænmetisréttir (vegan) á staðnum
og einhver íslenskur bragur verður á
einhverjum réttum. /smh
Fjórðungssamband Vestfirðinga:
Vill að neyðarbrautin verði opnuð
á Reykjavíkurflugvelli
Á fundi Fjórðungssambands
Vestfirðinga þann 3. maí var tekin
fyrir umsögn um opnun neyðar-
brautar á Reykjavíkurflugvelli.
Telur sambandið ótækt að flug-
brautum sé lokað meðan engin
önnur úrræði eru í sjónmáli.
„ F j ó r ð u n g s s a m b a n d
Vestfirðinga harmar þá stöðu
sem innanlandsflug á Íslandi er
komið í með lokun flugbrautar á
Reykjavíkurflugvelli og þar með
hlutverki flugvallarins í heilbrigð-
is- og almannavarnakerfi landsins.
Augljós er þörf fyrir flugvöll við
höfuðborgarsvæðið sem þjónar
öllu landinu. Augljóst er að ekki
er fjármagn til byggingar nýs
flugvallar í ríkisfjármálaáætlun né
kemur það fram í langtíma sam-
gönguáætlun. Á meðan sú staða
er uppi er ekki hægt að fallast á
að flugbrautum sé lokað vegna
skipulagsmála á höfuðborgar-
svæðinu,“ segir í samþykkt FV.
/HKr.
Norðurland vestra:
Kortlagning skapandi greina
Samtök sveitarfélaga á
Norðurlandi vestra (SSNV)
hafa samið við Þuríði Helgu
Jónasdóttur, MA í hagnýtri
menningar miðlun, um að gera
úttekt á umfangi skapandi greina
á Norðurlandi vestra.
Markmiðið með verkefninu er
að taka saman yfirlit um umfang
skapandi greina og menningarlífs
á Norðurlandi vestra.
Um er að ræða upplýsingar um
söfn og setur, sviðslistir, bóka-
og skjalasöfn, tónlistarstarfsemi,
listamiðstöðvar, húsnæði, gallerí,
hönnuði, listamenn og margt fleira.
Með þessu verkefni er lagður
grunnur að upplýsingabanka
sem nýtast mun heimamönnum
og þeim sem vilja koma og
tengjast landshlutanum. Þegar
samantektinni er lokið verður hafist
handa við að gera upplýsingarnar
aðgengilegar. Þær munu m.a.
gagnast þeim aðilum sem vilja
standa fyrir viðburðum en vantar
upplýsingar um húsnæði, listamenn
og tengingar við heimamenn á
hverjum stað.
Þá verður einnig í fyrsta sinn
hægt að gera sér grein fyrir umfangi
þessarar starfsemi á svæðinu sem
nýtast mun m.a. opinberum aðilum
við almenna stefnumörkun.
Fjölmargir íbúar Norðurlands
vestra munu því eiga von á því á
næstunni að til þeirra verði leitað
með öflun upplýsinga að því
er fram kemur í frétt á vefsíðu
samtakanna. /MÞÞ
Meðal birgja og bænda sem
verða í viðskiptum:
• Naut: Bakki, Rangarárþingi eystra.
Slátrað á Hellu. Kjötsmiðjan er
kjötbirgir.
• Lamb: Frá Norðurlandi vestra. Slátrað
á Blönduósi. Kjötsmiðjan er kjötbirgir.
• Kjúklingur: Litla gula hænan.
• Fiskur: Sjófiskur er okkar heildsali.
Upprunninn úr sjónum við Ísland.
Laxinn er í skoðun, verður jafnvel frá
Silfurstjörnunni.
• Egg: Nesbú. Gerilsneydd sem og heil
lífræn.
• Grænmeti: Mata og Innes.
Mynd / smh