Bændablaðið - 24.05.2017, Síða 56

56 Bændablaðið | Miðvikudagur 24. maí 2017
„Við keyptum jörðina árið 2003,
þá hafði ekki verið föst búseta á
jörðinni síðan 1971. Við höfum
verið að auka fjárstofn jafnt og
þétt,“ segja Vignir og Helga á
Höfnum á Skaga.
„Einnig hefur verið uppbygging
á jörðinni en á henni var aðeins
íbúðarhús og fjárhús. Í tengslum við
æðarbúskapinn hefur verið komið
upp æðardúnshreinsun og einnig eru
búnar til sængur úr æðardún o.fl.
eftir pöntunum.“
Býli: Hafnir á Skaga.
Staðsett í sveit: Austur-Húnavatns-
sýsla.
Ábúendur: Vignir Sveinsson og
Helga Ingimars, einnig býr Skafti,
sonur okkar, með sína fjölskyldu í
öðru húsi á jörðinni.
Fjölskyldustærð (og gæludýra):
Eigum 4 börn: Sandra Dögg, Skafti,
Ingimar og Alma Dröfn. Tveir
smalahundar eru á heimilinu og einn
köttur hafður til músaveiða.
Stærð jarðar? Jörðin er um 3.100 ha.
Ræktað land er um 30 ha.
Gerð bús? Sauðfjárbúskapur, æðar-
rækt og hrossarækt.
Fjöldi búfjár og tegundir? 560 kind-
ur á vetrarfóðrum og slatti af hrossum
og um 2.200 æðarkollur.
Hvernig gengur hefðbundinn
vinnudagur fyrir sig á bænum?
Dagarnir geta verið mjög misjafnir,
þó má segja að á vetrinum eru
gjafir kvölds og morgna og unnið
við hreinsun á æðardúni. Svo
ýmis önnur störf sem þarf að sinna
jafnhliða.

Skemmtilegustu/leiðinlegustu
bústörfin? Skemmtilegast er á vorin
þegar sauðburður stendur yfir og svo
tekur við dúntínsla.
Hvernig sjáið þið búskapinn fyrir
ykkur á jörðinni eftir fimm ár?
Við búumst við að halda okkar
striki. Húsakostur verður bættur til
að vinnuaðstaða verði enn betri
Hvaða skoðun hafið þið á
félagsmálum bænda? Þau eru í
ágætum málum, mætti kannski vera
meiri samstaða meðal bænda.
Hvernig mun íslenskum
landbúnaði vegna í framtíðinni?
Eins og staðan er í dag eru horfur
ekki góðar, en við erum bjartsýn.
Hvar teljið þið að helstu tækifærin
séu í útflutningi íslenskra búvara?
Við þurfum að leggja mikla áherslu
á hvað vörurnar okkar eru vistvænni
í samanburði við aðrar þjóðir. Að
sjálfsögðu er góð matreiðsla og
framsetning á kjöti til ferðamanna
á Íslandi góð auglýsing.
Hvað er alltaf til í ísskápnum?
Mjólk, ostur, egg, skyr og harðfiskur.
Hver er vinsælasti maturinn á
heimilinu? Ærfille.
Eftirminnilegasta atvikið við
bústörfin? Það er erfitt að gera
upp á milli en það var eftirminnilegt
þegar nýtt hús var tilbúið fyrir
dúnhreinsunina. En við hreinsum
allan okkar dún sjálf og tökum í
hreinsun frá öðrum.
Líf og lyst
BÆRINN OKKAR
Sælkerapylsur og nautakjöt á naan-brauði
Það getur aldrei farið úrskeiðis að
halda partí með flottum pylsum
á grillinu. Það má vefja beikoni
utan um pylsurnar eða fullkomna
daginn með því að gera heimalag-
aðan steiktan lauk með pylsunum.
Sælkerapylsur
Hráefni:
› 4–6 flottar pylsur
› 4–6 pylsubrauð - bollur
› 4–6 beikonsneiðar
› 1/3 bolli hunangs BBQ-sósa eða aðrar
sósur að eigin vali
Steikur laukur
› 1 miðlungsstór gulur laukur
› 1 bolli af súrmjólk eða mjólk
› 1½ bolli hveiti
› Salt og ferskur malaður svartur pipar
› Um það bil 2-3 bollar af jurtaolíu til að
djúpsteikja með
Sneiðið laukinn þunnt. Leggðu
hann í mjólkina og setjið til hlið-
ar í u.þ.b. 30 mínútur. Blandið
saman hveiti, salti og pipar í stóra
skál. Hitið olíu í stórum pottinum,
á meðalhita (eða í djúpsteiking-
arpotti).
Hreinsið umfram mjólk af laukn-
um og setjið laukinn í hveiti.
Dreifið úr honum þannig að hann
festist ekki saman og setjið í sigti
til að taka af allt umfram hveiti.
Steikið laukinn í heitri olíu þar til
hann er orðinn gulbrúnn. Takið
hann þá upp úr pottinum og dreif-
ið á pappír sem drekkur í sig alla
umfram olíu.
Vefjið beikoni utan um pylsurnar
og dýfið þeim í BBQ-sósu í stórri
skál.
Grillið pylsurnar þar til beikonið
er stökkt.
Setjið eldaðar pylsur í pylsubrauð
með sósu og stökkum laukum.

Súrdeigs naan-brauð
› 1 bolli súrdeigsgrunnur (líka hægt að
setja 5 g ger)
› 1/2 bolli heit mjólk (við rúmlega
stofuhita, hægt hitað í örbylgjuofni)
› 1/4 bolli grísk jógúrt
› 1 tsk. lyftiduft
› 2 bollar hvítt hveiti eða heilhveiti
› ögn sjávarsalt
› 1 matskeið brætt smjör
› Hvítlaukur og kryddjurtir (uppáhalds
kryddjurtirnar þínar)
Blandið saman
súrdeigsgrunni
(eða geri), mjólk
og jógúrt í skál.
Hrærið saman þar
til þetta er orðið
slétt.
Bætið við lyftidufti og öllu
hveitinu (eða heilhveitinu). Hrærið
þar til deigið hefur blandast alveg
saman. Það verður nokkuð klístrað.
Setjið filmu yfir skálina eða hylj-
ið með rökum klút og látið deigið
lyftast á heitum stað í tvær til þrjár
klukkustundir.
Þegar deigið hefur hvílt sig (og
stækkað aðeins) færið það þá yfir
á borð sem búið er að strá hveiti
yfir. Hnoðið þar til áferðin er orðin
slétt – í eina mínútu eða tvær. Setjið
aðeins meira af hveitinu á hend-
urnar til að koma í veg fyrir að það
festist við ykkur.
Forhitaðu bök-
unarplötu eða
pönnu yfir
m i ð l u n g s
háum hita.
Skiptu deiginu
í 8 stykki. Rúllið
hverju stykki út í um
það bil hálfs sentimetra
þykkt. Penslið deigið með olíu og
setjið það á plötuna undir grill í ofn-
inum eða steikið á pönnunni. Snúið
við og eldið í 30 sekúndur til eina
mínútu á hvorri hlið. Endurtakið
með restina af deiginu.
Þegar búið er steikja deigið er
brauðið penslað með bræddu smjöri
og setjið loks krydd að eigin vali
yfir.
Gott að framreiða með steik.
Súrdeigs naan-brauð
› Kjöt - ein lítil steik
› meðlæti sem gott er að hafa með
› 1 búnt ferskt kóríander
› 2 lime og rífið börkinn yfir því hann
gefur ferskt bragð
Steikið kjötið. Til að fá það
miðlungseldað þarf líklega að steikja
það í tvær til þrjár mínútur á hvorri
hlið. Það fer eftir þykktinni.
Setjið það svo til hliðar svo kjötið
geti hvílt. Skerið þunnt og framreiðið
með lime-báti, fersku kóríander, sal-
ati og ögn af sýrðum rjóma – eða
majónesi sem búið er að blanda við
gríska jógúrt og hvítlauk. Gott er að
rífa lime-börk yfir með fínu rifjárni.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Hafnir á
Skaga
Vignir Sveinsson og Helga Ingimarsdóttir.