Bændablaðið - 24.05.2017, Blaðsíða 38
38 Bændablaðið | Miðvikudagur 24. maí 2017
Mjög margir Íslendingar
þekktu nafnið Escort lengi vel
sem eina af undirtegundum í
fólksbílaflota Ford í Bretlandi.
Var talsvert selt af honum hér á
landi. Færri vita að Escorts (með
essi), er hluti af Escorts Group
og öflugt fyrirtæki í Indlandi í
framleiðslu á dráttarvélum og
ýmsum öðrum tækjum.
Escorts framleiðir í dag yfir
45 gerðir dráttarvélar frá 25 til
80 hestöfl. Eru þær seldar undir
nöfnunum Escorts, Farmtrac,
Powertrac og Eurotrac. Þá
framleiðir Escort einnig tæki og tól
og íhluti fyrir bílaframleiðendur,
byggingariðnað, járnbrautaiðnað
og verktaka og er einn stærsti
framleiðandi heims á stórum
bílkrönum (pick and carry
cranes).
Saga Escorts hófst 1944
Escorts er hluti af Escorts
Group á Indlandi sem rekur
reyndar sína sögu til 1944.
Viðskipti með dráttarvélar
voru þar fljótlega mikilvæg
og hóf það markaðssetningu
á ýmiss konar landbúnaðar-
tækjum og dráttarvélum árið
1948 í samvinnu við bandaríska
fyrirtækið Molin í Minneapolis.
Árið 1949 hóf það svo sölu á
Massey Ferguson dráttarvélum.
Árið 1959 var farið að flytja inn til
Indlands Massey Ferguson vélar
sem framleiddar voru af IMT í
Júgóslavíu.
Fyrsta Escorts dráttarvélin kom
á markað 1965
Landbúnaðartækjadeild Escorts
(Escorts Agri Machinery) var
síðan sett á fót 1960 með höf-
uðstöðvar í Faridabad í Haryana
á Indlandi. Var þá hafin fram-
leiðsla á dráttarvélum með leyfi
frá Ursus. Kom fyrsta Ursus vélin
undir nafni Escorts svo á markað
árið 1965. Árið 1969 var hafin
framleiðsla á dráttarvélum í sam-
vinnu við Ford. Samvinnan við
Ford, sem nú heitir New Holland
og er í eigu Fiat Group, stóð fram
til 1996 þegar henni var slitið.
Claas kom inn í Escorts árið
1989 og var stofnað sameig-
inlegt fyrirtæki Escorts Claas
til að framleiða uppskeruvélar
„Combine harvesters“.
Þá framleiðir Escorts fyrirtæk-
ið einnig sérhæfðar litlar dráttar-
vélar fyrir ýmiss konar uppskeru-
vinnu, m.a. við bómullarrækt. Er
fyrirtækið með fjórar verksmiðjur
í Faridabad.
Árið 1969 hóf Escorts sam-
starf við fyrirtækið Pol-Mot í
Póllandi árið 1999. Var stofnað
sameiginlegt framleiðslufyrirtæki
undir nafninu Pol-Mot Escorts
þar sem framleiddar eru Escort,
Farmtrac og dráttarvélar fyrir
Evrópumarkað og einnig Eurotrac
fyrir Tyrkland. Var samið við
Ihalas Motor í Tyrklandi árið 2009
um sölu og dreifingu á dráttarvél-
um frá Escorts í Póllandi undir
nafninu Eurotrac.
Samsetningarverksmiðja
Escorts var sett upp í Gana í
Afríku árið 2008 þar sem fram-
leiddar eru 2.500 dráttarvélar á
ári.
Escorts vélar seldar í 41 landi
Nú eru Escorts dráttarvélar seldar
í um 41 landi, meira að segja í
Bandaríkjunum. Þangað eru flutt-
ar inn Escorts vélar frá Indlandi,
Póllandi og frá LS Tractors í
Suður-Kóreu og seldar undir
nafninu Farmtrac. /HKr.
Escorts dráttarvélar
frá Indlandi
Matvörukeðjan OzHarvest í
Ástralíu fer með matarsóun upp
á næsta plan í starfsemi sinni en
matvöruverslanirnar eru starf-
ræktar um allt landið og bjóða
einungis upp á útrunnin eða
útlitsgölluð matvæli sem annars
hefði verið hent. Það sem meira
er að það er í höndum viðskipta-
vina verslananna hvað þeir eru
tilbúnir að greiða fyrir vöruna,
sem sagt, þeir leggja þann pening
á borðið sem þeim finnst sann-
gjarnt fyrir vörurnar.
Hugmyndafræðin á bakvið
OzHarvest er að bjarga afgangs-
mat frá öllum tegundum mat-
vælaframleiðenda og -sala eins og
af ávaxta- og grænmetismörkuðum,
stórmörkuðum, hótelum, heildsöl-
um, bændum, veisluþjónustum,
verslana miðstöðvum, kaffihúsum,
veitingahúsum og fleiri stöðum.
Þar að auki afhendir fyrirtækið nær-
ingarríkan mat frítt til meira en 500
góðgerðarsamtaka um alla Ástralíu.
Þúsund sjálfboðaliðar
„Góðgerðar- og velferðarsamtökin
sem við gefum mat til eru af ýmsum
toga, eins og fyrir heimilislaust fólk,
flóttamenn, frumbyggja, miðstöðv-
ar fyrir fólk sem á við áfengis- og
vímuefnavanda að etja, fólk sem
stríðir við andleg veikindi eða fötlun
og aldrað fólk. Við erum með um
þúsund sjálfboðaliða um allt land
sem hjálpa okkur við smærri og
stærri verkefni sem líta öll á það
sem mikilvægan þátt að draga úr
matarsóun og að útvega mat fyrir
þá sem minna mega sín,“ segir
Fiona Nearn, upplýsingafulltrúi
hjá OzHarvest.
Um 60 milljónir máltíða bjargað
OzHarvest eru leiðandi samtök í
Ástralíu við að bjarga matvælum
og er starfrækt í stærstu bæjum
landsins ásamt á nokkrum minni
svæðum.
„Frá árinu 2004 höfum við
afhent og útvegað yfir 60 milljón-
ir máltíða og bjargað meira en 20
þúsund tonnum af mat sem annars
hefðu farið í landfyllingu. Þetta er í
raun hugsjón einnar fjölskyldu, þar
sem Ronni Kahn var í forsvari og
hefur unnið ótrúlegt starf og gerir
þetta af mikilli ástríðu. Hugsunin
hér er alla daga sú að góðum mat
eigi ekki að sóa og að við þurfum
hvert og eitt að spila okkar hlut-
verk í því að hjálpa fólki sem þarf
á því að halda og lítum við á það
sem samfélagslega ábyrgð okkar,“
útskýrir Fiona og segir jafnframt:
„Ronni fékk lögfræðinga í lið
með sér í byrjun til að opna augu
stjórnvalda fyrir því að leyfa mat-
argjafir af offramleiddum mat til
góðgerðarsamtaka. Þessu náðu
þeir í gegn árið 2005 og þá fór
boltinn að rúlla. Með starfseminni
óskar fjölskyldan eftir því að geta
útrýmt hungri og matarsóun en
einnig að fræða fólk um matarsó-
un og matarbjörgun, matvælaör-
yggi og sjálfbærni, gera sem flesta
að þátttakendum í verkefninu og
einnig nýsköpun sem er hjartað í
starfseminni. Hvort sem það er að
finna nýjar leiðir eða lausnir til að
berjast gegn sóun og hungri eða að
nota tækni til að virkja Ástrala í að
taka þátt í þýðingarmiklu starfi.“
/ehg
Verslunin OzHarvest í Ástralíu reynir nýjar leiðir gegn matarsóun:
Næra landa sína með
útrunnum matvælum
UTAN ÚR HEIMI
Hugmyndafræðin á bakvið OzHarvest er að bjarga afgangsmat frá öllum tegundum matvælaframleiðenda.
Fyllið maga, ekki ruslatunnur, stendur á þessu skilti inni í versluninni til að
vekja viðskiptavini til umhugsunar.
Taktu það sem þú þarft og gefðu ef þú getur.