Bændablaðið - 24.05.2017, Blaðsíða 34

34 Bændablaðið | Miðvikudagur 24. maí 2017
„Staðan er sú að við erum orðin
mjög fá sem stundum þessa rækt-
un. Hún krefst talsverðrar sér-
hæfingar og þekkingar, en margt
í umhverfinu er alls ekki hvetj-
andi,“ segir Katrín Ásgrímsdóttir,
framkvæmdastjóri Sólskóga á
Akureyri.
Í því sambandi nefnir hún
stuttan samningstíma og mikið
flækjustig þegar kemur að
tegundum, afbrigðum, kvæmum
og bakkagerðum. „Það gerir okkur
erfitt fyrir að stýra ræktuninni,“
segir hún. „Auðvitað gerir maður
sér vonir um að ný stofnun samhæfi
óskir um kvæmi og plöntugerðir, en
það á eftir að koma í ljós.“
Óvissa er slítandi
„Við skógarplöntuframleiðendur
búum við mikla óvissu og það er
vissulega slítandi, kemur í veg fyrir
að við getum gert áætlanir til lengri
tíma litið. Við hér í Sólskógum
höfum lagt metnað okkar í að
standa við okkar hlut og ég veit að
það á við um aðra framleiðendur
líka,“ segir Katrín.
Hún segir að á sama tíma sé
einnig vöxtur í annarri framleiðslu
fyrirtækisins, svo sem sumarblóma-
framleiðslu, og því standi menn
sífellt frammi fyrir vali um hvert
skuli stefna, hvar framtíðin í fram-
leiðslunni liggi.
Viljum ekki að þekkingin glatist
Katrín segir að Sólskógar ásamt
Skógræktarfélagi Eyfirðinga
haldi í ár upp á að 70 ár eru
frá því byrjað var að rækta
plöntur í Kjarna. Á þeim tíma
hefðu skógræktarmenn vitað að
undirstaða þess að rækta skóg væri
að hafa aðgang að plöntum. „Það
hefur ekki breyst. Ég er þeirrar
skoðunar að skógræktarmenn
þurfi verulega að láta sig varða
stöðu plöntuframleiðenda, standa
við bakið á þeim sem kunna að
framleiða góðar plöntur og standa
sig ár frá ári við að afhenda
gæðavöru. Við viljum ekki að sú
þekking glatist.
Yfirvöld verða einnig að gæta
að því að endalaust tal um aukna
skógrækt en engar efndir, er ekki
til þess fallið að byggja upp traust
til framtíðar. Nú verða stjórnvöld
að láta verkin tala vilji þau halda
þeirri þekkingu, sem byggst hefur
upp, lifandi,“ segir Katrín. /MÞÞ
Skógræktin efndi nýver-
ið til upplýsingafundar með
skógarplöntuframleiðendum
þar sem farið var yfir ýmislegt
sem þurft hefur að samræma í
landshlutunum við nytjaskóg-
rækt á lögbýlum eftir að stofn-
anir sameinuðust í Skógræktina.
Skógarplöntuframleiðendur
gagnrýna að útboð séu aðeins
gerð til þriggja ára í senn.
Þeir vilja lengri samninga og
einfaldari útboð til að treysta
rekstrargrundvöll sinn.
Fundurinn var haldinn í Gömlu-
Gróðrarstöðinni á Akureyri og þar
fór Sigríður Júlía Brynleifsdóttir,
sviðsstjóri skógarauðlindasviðs
Skógræktarinnar, yfir skipurit
Skógræktarinnar. Í kjölfar samein-
ingar eldri stofnana í Skógræktina
hefur þurft að samræma vinnuferla
gömlu landshlutaverkefnanna
fimm enda nauðsynlegt að sama
þjónusta sé veitt skógarbændum
um land allt. Skógræktin vill
einnig hafa reglulegt og gott sam-
tal við skógarplöntuframleiðend-
ur, ekki síst um gæðamál og gæða-
prófanir að því er fram kemur í
frétt á vefsíðu Skógræktarinnar.
Áhyggjur af fækkun
framleiðenda
Skógræktin er nú með samninga við
fjóra skógarplöntuframeiðendur,
Álm á Syðri-Reykjum og Kvista
í Reykholti, bæði fyrirtækin
eru í Biskupstungum, Barra í
Fellum og Sólskógar á Akureyri.
Niðurskurður á framlögum til
skógræktar í landinu eftir hrun
hefur orðið til þess að þær stöðvar
sem enn eru með starfsemi hafa
þurft að sækja á önnur mið í
auknum mæli til að halda rekstri
sínum gangandi. Á fundinum gafst
framleiðendum tækifæri til að ræða
um samstarfið við Skógræktina og
koma á framfæri væntingum sínum
og málefnum sem á þeim brenna.
Fram komu áhyggjur af því hversu
fáir framleiðendur væru orðnir í
landinu.
Framleiðendur gagnrýna
að samningar um útboð á
skógarplöntum séu einungis
auglýst til þriggja ára í senn. Þetta
geri fyrirtækjunum erfitt fyrir að
skipuleggja starf sitt til lengri
tíma, sérstaklega ef ráðast þarf í
fjárfestingar til að auka framleiðslu.
Sömuleiðis sé óhagræði að því
að framleiða margar ólíkar og
mismunandi stórar einingar
trjáplantna. Til að auka hagkvæmni
ræktunarinnar sé nauðsynlegt að
einfalda útboð og setja markið á
færri og stærri framleiðslueiningar
af hverri trjátegund. Sömuleiðis
þurfi að haga útboðum með
þeim hætti að framleiðendur geti
sem best valið úr þeim það sem
hentar aðstæðum þeirra hverju
sinni. Sú samræming sem nú eigi
sér stað innan Skógræktarinnar
sé mjög til bóta en vert sé að
samræma einnig atriði eins og
plöntustærðir og plöntugerðir
við aðra kaupendur trjáplantna
svo sem skógræktarfélögin,
Landgræðsluskóga og fleiri.
Tryggja þarf rekstraröryggið
Allir framleiðendurnir geta aukið
framleiðslu sína nokkuð frá því
sem nú er en mismikið þó. Ef
stórauka á skógrækt í landinu
eins og stjórnvöld hafa margsinnis
ýjað að er nauðsynlegt að tryggja
framleiðendum rekstraröryggi til
nægilega langs tíma svo byggja
megi upp í greininni og efla
starfsemina. Framleiðendur eru
brenndir af því bakslagi sem
kom í skógrækt á Íslandi eftir
efnahagshrunið 2008. Því er þörf
á framtíðarstefnu í skógrækt og
langtímaáætlun sem treysta megi á.
Skógrækt treystir byggð
í dreifbýli um allt land og
afleidd starfsemi af ýmsum toga
styrkist um leið. Stöðvarnar sem
framleiða skógarplöntur eru allar
utan höfuðborgarsvæðisins og
efld starfsemi þeirra styrkir því
viðkomandi byggðir. /MÞÞ
SKÓGRÆKT&LANDGRÆÐSLA
Skógarplöntuframleiðendur vilja betri rekstrargrundvöll
Allir framleiðendurnir geta aukið framleiðslu sína nokkuð frá því sem nú er en mismikið þó. Ef stórauka á skógrækt
í landinu eins og stjórnvöld hafa margsinnis ýjað að er nauðsynlegt að tryggja framleiðendum rekstraröryggi til
Mynd / MÞÞ
Katrín Ásgrímsdóttir, framkvæmdastjóri Sólskóga á Akureyri:
Of stuttur samningstími og mikið flækjustig
verulega að láta sig varða stöðu plöntuframleiðenda, standa við bakið á þeim sem kunna að framleiða góðar plöntur
og standa sig ár frá ári við að afhenda gæðavöru.“ Myndir / MÞÞ
Undanfarin ár hefur aukning verið í framleiðslu sumarblóma og segir Katrín að menn standi sífellt frammi fyrir vali
um hvert skuli stefna, hvar framtíðin í framleiðslunni liggi.
Bændablaðið
Kemur næst út
8.
júní
Pantið tímanlega
til að tryggja
auglýsingapláss
563-0300