Bændablaðið - 12.04.2018, Side 62

Bændablaðið | Fimmtudagur 12. apríl 201862
MENNING&LISTIR
Askalind 4, Kópavogi
Sími 564 1864
www.vetrarsol.is
FYRIR BÆNDUR
CANGURO PRO 1 00 SLÁTTUVAGN
Slá uvagn l að slá og gefa grænfóður inanndyra
Hentar einnig l að halda hreinu kringum bæinn
Slær 1 0 cm og tekur 100 lítra í graskassann
Eins og nafnið gefur til kynna
fjallar bókin Inniræktun matjurta
einmitt um ræktun krydd- og
ýmiss konar matjurta innandyra.
Í bókinni er farið yfir undirbúning
og umhirðu fjölda kryddjurta,
sveppa, blaðplantna, smágerðs
rótargrænmetis og ávaxta í litlum
og stórum ílátum, allt eftir plássi
og aðstæðum innan dyra. Sýnt er
hvar og hvernig er best að koma
ílátunum fyrir, farið er yfir vökvun,
áburðargjöf, uppskeru og geymslu
plantnanna. Jafnframt eru ótal ráð og
leiðbeiningar um hvernig búa má til
aðstöðu og ílát fyrir ræktun.
Höfundur bókarinnar er Zia
Allaway sem er garðyrkjuráðgjafi og
höfundur nokkurra garðyrkjubóka
um matjurtaræktun, inniplöntur
og garðhönnun, auk þess sem hún
skrifar pistla fyrir garðyrkjutímarit.
Bókin er skrifuð fyrir aðstæður
sunnar á hnettinum en hér og þarf
því í flestum tilfellum að grípa
til lýsinga ef ætlunin er að rækta
matjurtir innan dyra allt árið hér á
landi.
Bókin er efnismikil, myndmálið
skýrt og útskýringatextinn einfaldur
og aðgengilegur öllum sem hafa
gaman af ræktun og stússi í kringum
matjurtir. Útgefandi er Vaka-
Helgafell. /VH
Inniræktun matjurta:
Heimaræktað bragðast best
Árið 1955 flytja tvenn ung hjón
til Héðinsfjarðar sem farinn er
í eyði. Dvölin fær snöggan endi
þegar önnur kvennanna deyr með
dularfullum hætti. Hálfri öld síðar
finnst gömul ljósmynd sem bendir
til þess að hjónin hafi ekki verið
ein í firðinum.
Bækur Ragnars hafa komið út
víða um heim, hlotið viðurkenningar
og frábæra dóma og setið í efstu
sætum á metsölulistum. Unnið er
að gerð breskra sjónvarpsþátta sem
byggjast á bókum Ragnars.
„Bækur Ragnars hafa blásið
nýju lífi í norrænu glæpasöguna.“ –
Sunday Express
„Bækur Ragnars Jónassonar
verðskulda að standa við hliðina
á verkum Yrsu Sigurðardóttur
og Arnaldar Indriðasonar sem
bestu íslensku glæpasögurnar.“
–Washington Post
„Á örskömmum tíma er
Ragnar Jónasson orðinn
einhver eftirtektarverðasti
glæpasagnahöfundur landsins;
hæfilega jarðbundinn,
ákaflega vel máli farinn og
hugmyndaríkur. Með sama
áframhaldi eru engin takmörk
fyrir því hve langt þessi
snjalli höfundur getur náð á
alþjóðavísu.“ – pressan.is
ROF – dularfullt andlát
í eyðifirði