Slökkviliðsmaðurinn - 01.09.1992, Síða 18

anir er hvort mögulegt sé að koma
upp svokölluðum halonbanka. Þar
gætu þeir aðilar sem eru að hætta
notkun halonslökkvikerfa lagt inn ha-
lon sem þeir þurfa að losna við. Efnið
yrði hreinsað og þeir sem ekki hafa
tök á að skipta út sínum búnaði eins
fljótt gætu keypt þar endurunnið ha-
lon. Þetta mundi leiða til minni fram-
leiðslu halona og minnka magn skað-
lega efna í umferð. Mörg atriði eru þó
óljós í sambandi við stofnun slíks
banka. Þar má nefna óvissu um það
hve lengi yfirvöld heimila notkun end-
uruninna halona, hver á að kosta eyð-
ingu halonanna þegar bankanum
verður lokað, hver yrði velta bankans.
Umræður um halonbanka hafa verið í
gangi á norrænum vettvangi og mun
verða kannað hvort ekki verði mögu-
legt að stofna samnorrænan halon-
banka til að sinna eftirspurn eftir ha-
lonum þar til notkun þeirra verður
bönnuð.
Halonnotkun á íslandi
Halonnotkun á íslandi hefur dregist
verulega saman undanfarin ár eða um
60% árið 1990 miðað við notkunina
árið 1986. Ekki lítur því út fyrir að
það verði vandkvæðum bundið að
draga saman notkunina í samræmi við
ákvæði Montrealbókunarinnar. Ha-
lonnotkunin hefur ekki minnkað
vegna þess að Islendingar eru orðnir
svo meðvitaðir um skaðsemi halons-
lökkvimiðla fyrir umhverfið heldur er
búið að setja upp halonslökkvibúnað
á flestum stöðum þar sem slíkt var tal-
ið æskilegt.
Halonnotkun á Islandi á sér nokkra
sérstöðu þegar hún er borin saman við
notkun nágrannaþjóðanna. Þannig má
til dæmis nefna að í Svíþjóð nemur
um 80% af halonnotkuninni notkun
halon-1301 í slökkvikerfum meðan
notkun halon-1211 hefur verið mun
meiri en notkun halon-1301 hér á landi
undanfarin ár. Þessi mikla notkun
halon handslökkvitækja hér á landi
bendir til þess að mikið af duglegum
sölumönnum hafi verið á ferðinni og
er ljóst að mikið halonslökkvitækjum
er í umferð þar sem engin þörf er fyrir
slíkan búnað og nóg til af öðrum
heppilegri slökkvibúnaði. Framundan
er því mikið starf við að kalla inn
þessi slökkvitæki þegar að því kemur
að notkun þeirra verður alfarið bönn-
uð og er fyrirsjáanlegur talsverður
kostnaður við að eyða efnunum.
9. júní 1992
Þú sefur
ekki bara
betur...
.þú sýnir einnig skynsemi og fyrirhyggju með því að setja
upp örugga útgönguleið ef eldur kemur upp og hindraði
aðrar útgönguleiðir. Eigum til afgreiðslu áfasta stiga og
lausa keðjustiga sem eru auðveldir í uppsetningu og
umfram allt ódýrir.
Leitið nánari upplýsinga í síma 674915. Eigum einnig
eldtrausta skápa fyrir diskJinga og aðra óbætanlega muni
sem oft og iðulega verða fyrir skemmdum jafnt í litlum
sem og stórum eldsvoðum.
VIÐAR MAGNUSSON HF.
ÁRMÚLA15.108 REYKJAVÍK SÍMl 674915 FAX 673188
18
SLÖKKVILIÐSMAÐURINN