Slökkviliðsmaðurinn - 01.09.1992, Síða 29

kvikni í því. Bensínið er að sjálfsögðu
mengandi þó svo sennilega gufi stór
hluti þess upp en auðvitað er mikil
hætta á að í því kvikni.
Eitt af verstu slysum í Þýskalandi á
undanförnum árum varð með þeim
hætti að bensínflutningabíll valt í litlu
þorpi sem þjóðvegurinn lá í gegnum.
Mikið magn bensíns flaut út og niður í
kjallara nærliggjandi húsa, þ.á m.
matsölustað sem stóð við götuna. Það
kviknaði í bensíninu með þeim afleið-
ingum að 23 létust um 40 slösuðust al-
varlega og fjöldi húsa varð eldinum að
bráð.
Taka má dæmi um atvik sem henti
hér handan við sundið í Sundahöfn-
inni fyrir nokkrum árum. Skipað var í
land 1000 lítra tanki fullum af sellu-
lósaþynni. Tankurinn uppfyllti engan
vegin kröfur um útbúnað enda fór svo
að krani á tanknum brotnaði ein-
hverra hluta vegna með þeim afleið-
ingum að þynnirinn streymdi út. Við
það skapaðist mikil eldhætta. Sem
betur fer gufar þynnir mjög hratt upp
þannig að mengun varð óveruleg og
logn og stillur er ekki algengasta veð-
ur á íslandi þannig að eiymurinn rauk
fljótt burt. Þarna hlaut slökkviliðið
dýrmæta reynslu. Við höfðum engan
þann búnað sem þarf til að þétta slík-
an leka. Lekinn var á öðrum enda
tanksins að neðanverðu. Það var því
brugðið á það ráð að hífa tankinn upp
á leka endann. Þá tók ekki betra við.
Mannop á toppi tanksins fóru að flóð-
leka. Honum var því snarlega skellt
niður aftur. Nú voru góð ráð dýr eða
áttum við að horfa á eftir 1000 lítrum
af þynni leka út fyrir framan augun á
okkur. Það eina sem við gátum gert
var að leggja slökkvifroðu yfir þynni-
pollana. Þá var brugðið á það ráð að
hafa samband við olíufélagið Skeljung
og óska aðstoðar. Hvort þeir gætu
komið með tóman tank og dælu svo
dæla mætti úr hinum laskaða tanki yf-
ir í heilan og þar með hindra frekara
slys. Þeir brugðust ótrúlega fljótt við,
mættu á innan við Vx klst. og afstýrðu
frekara slysi. Þetta var um 7:30 að
kvöldi og því ekki hægt að hringja í
skiptiborðið hjá Skeljungi. þarna kom
því að góðum notum, maður þekkir
mann aðferðin sem bjargar oft mörgu
hjá okkur íslendingum. Án þess að
það skipti Skeljung kannski máli þá er
ég viss um að þeir hafa aldrei fengið
greitt fyrir þann kostnað sem af því
hlaust að kalla út mann og bíl að
kvöldi til. Ekki veit ég heldur annað
en þeir hafi setið uppi með efnið og
þurft að koma því af sér sjálfir senni-
lega til eiganda.
Þessi margumræddi tankur uppfyllti
í engu kröfur um útbúnað. Hann var
alls endis ómerktur hvað varðar inni-
hald. Hann var ekki merktur sam-
kvæmt IMO standard sem eldfimur
vökvi í flokki 1. Hvernig vissum við þá
að þetta var sellulósaþynnir. Jú við
þekktum lyktina af honum. Ekki
beinlínis örugg greiningaraðferð
heilsu slökkviliðsmanna á vettvangi ef
um hefði verið að ræða mörg önnur
efni.
Þannig sneri flutningur eiturefna og
hættulegra efna að okkur 1983. Ef
eitthvað kom fyrir vorum við kallaðir
til án þess þó að okkur væri á nokkurn
hátt gert kleift að bregðast við sem
skyldi. Því miður þá stöndum við í
svipuðum sporum í dag. Reyndar höf-
um því yfir að ráða nú fjórum full-
komnum eiturefnahlífðarbúningum,
þekking innan liðsins á þessum mála-
flokk hefur stóraukist, umræða hefur
verið talsverð um þessi mál og ótví-
ræður vilji er fyrir hendi af okkar
hálfu að bæta þessi mál. Við gerum
hins vegar lítið einir sér. Þó svo að við
hefðum yfir að ráða öllum þeim bún-
aði sem til þarf til að takast á við slys
af völdum eiturefna og hættulegra
efna sem við höfum alls ekki í dag þá
vantar samt mörg lykilatriði sem við
getum ekki leyst.
Eins og ég gat um í upphafi þá er
slökkviliða hvergi getið hvað varðar
þessi mál nema ef almannavarna-
ástand hefur skapast. Reyndar er
þetta ekki alveg rétt því í hafnarreglu-
gerð fyrir Reykjavíkurhöfn eru sér-
stakar reglur um sprengiefnaflutning,
en hafnir gegna einmitt lykilhlutverki
í þessum málum að okkar mati. M.a.
á þeirri staðreynd eru hugmyndir okk-
ar byggðar hvernig þessum málum er
best fyrir komið þ.e. landflutningur
eiturefna og hættulegra efna. Lang
stærstur hluti þessarra efna kemur sjó-
leiðina til landsins.
Tilkynningar frá
skrifstofu LSS
Skrifstofa félagsins að Síðu-
múla 8 er opin alla virka
daga milli kl. 14:00 og
16:00, þess utan er svarað í
símsvara.
Sími 672988.
Sumarlokun frá 18. júní til
17. júlí n.k.
ÁSKRIFT!
Þeir aðilar sem óska eftir því
að gerast áskrifendur blaðsins
vinsamlegast hafið samband við
skrifstofu LSS í síma 672988.
ATH!
Sveitarstjórnarskrifstofur,
félög slökkviliðsmanna og
slökkviliðsstjórar!
Skrifstofa LSS minnir þá aðila
sem enn eiga eftir að greiða fé-
lagsgjöldin á að greiðslu er hægt
að inna af hendi í bönkum og
sparisjóðum.
Við viljum einnig minna á mik-
ilvægi þess að okkur sé sendur
listi með nöfnum slökkviliðs-
manna á hverjum stað fyrir fé-
lagatal LSS annars er erfitt að
ábyrgjast að ýmis gögn berist
réttum aðilum.
Blaðið Slökkviliðsmaðurinn er
sent öllum félagsmönnum Lands-
sambands slökkviliðsmanna.
Jafnframt berst fréttabréf sömu
aðilum reglulega.
Launatafla LSS!
Ný launatafla félagsins verður
gefin út í ágúst n.k. og send að
vanda öllum slökkviliðsstjórum
innan LSS og sveitastjórnarskrif-
stofum er þeir heyra undir.
SLÖKKVILIÐSMAÐURINN
29