Slökkviliðsmaðurinn - 01.09.1992, Síða 30

Þrýstiklefi Gæslunnar notaður
við meðferð á reykeitrun
Jón Baldursson, læknir á slysadeild Borgarspítalans:
Til mikilla bóta að starfrækja slíkt tæki á einhverju sjúkrahúsanna
Þrýstiklefi Landhelgisgæslunnar sem
notaður er við meðferð á köfunarveiki
fékk aukið hlutverk um síðustu mán-
aðarmót er honum var beitt í fyrsta
skipti hér á landi við meðferð á reyk-
eitrun. Jón Baldursson, læknir á slysa-
deild Borgarspítalans, stjórnaði með-
ferðinni og gaf hún góða raun.
Málsatvik voru þau að maður nokk-
ur sofnaði út frá eldamennsku og fekk
kolmónoxíðeitrun eftir að kviknað
hafði í pönnu. Það dróst í hálfan sólar-
hring að hann leitaði læknis og var þá
kominn með nokkur einkenni, s.s.
óþægindi við öndun. Leitað var til
Landhelgisgæslunnar um afnot af þrýst-
iklefanum, en að sögn Jóns er góð
reynsla af því víða erlendis að setja
sjúklinga sem orðið hafa fyrir reykeitr-
un í slíkan útbúnað. Gæslan brást vel
við og tókst meðferð sjúklingsins vel.
í þrýstiklefa er byggður upp yfir-
þrýstingur til að fá sem mesta súrefn-
ismettun í líkamann. Með öðrum orð-
um sagt gefur klefinn háan súrefnis-
þrýsting og fyrir vikið er hægt að nota
hann við fleira en að fást við köfunar-
veiki og reykeitrun. Til að mynda hef-
ur meðferð krónískra sára gefist vel
þar sem hún flýtir fýrir gróanda. Þetta
á við um tilfelli þar sem margendur-
tekinnar meðferðar er þörf, en ekki
bráðatilfelli.
Ekkert sjúkrahúsanna hefur yfir
þrýstiklefa að ráða, en að sögn Jóns
hefur komið til tals að klefi Landhelg-
isgæslunnar verði geymdur á ein-
hverju þeirra. Engin föst skipan hefur
þó komist á í þeim efnum, m.a. vegna
þess að ekki hefur enn tekist að finna
klefanum stað á neinu sjúkrahúsanna.
Menn úr röðum Gæslunnar hafa hlot-
ið þjálfun til að starfrækja klefann, en
ekki er um fasta vakt að ræða.
Nokkrir landsmenn verða fyrir
reykeitrun á ári hverju. Meðaltalstöl-
ur í þessum efnum segja þó ekki alla
söguna þar sem sveiflurnar eru mikl-
ar, en Jón segir að reikna megi með 5-
JO tilfellum á ári. Stöku sinnum hefur
þessi tala þó orðið mun hærri og má í
því sambandi rifja upp eldsvoðann á
Kópavogshæli fyrir nokkrum árum
þegar fjöldi vistmanna varð fyrir reyk-
eitrun. Jón segist meðmæltur því fyrir-
komulagi að þrýstiklefinn verði
geymdur á einhverju sjúkrahúsanna á
höfuðborgarsvæðinu, og að stöðugri
vakt væri haldið úti. Tvo þarf til að
manna slíka vakt; annar starfsmaður-
inn færi með sjúklingi inn í þrýstiklef-
ann en hinn annaðist stjórnun hans.
30
SLÖKKVILIÐSMAÐURINN